لأصحاب الخبرة في المسابح

[المسبار]

ما أفضل ما يسقف فيه المسبح ...

طوب قرميد أو سنكو على شكل القرميد أو بلاستك خاص على شكل القرميد ..

وهل هناك نصائح لإظهار المسبح بشكل جذاب ومريح ؟

مع شكري سلفا للجميع

[bo kaled]

انا الحين شغال في المسبح الخاص في المنزل

ودرت على اكثر من محل علشان تركيب السراميك وكذلك اختيار شكل الرسمات

لقيت انواع السراميك كثيرة في صيني المتر 25 بس مخيس يعني يطيح بسرعة وبالاخص اذا كان المسبح خارجي

لقيت في نا سيحطون لون السراميك ازرق او سماوي
بس هذا الون شوي قديم وما يعطي منظر حلو

بس في لون خطير لقيتة وهو الون القرمزي بصراحة خطير

نوع السراميك اسباني

تصدق ان المسبح عندي رايح يكلفني بحدود 17000 ريال فقط سراميك
والعتبة الي على اطراف المسبح
على فكرة العتبة تراها جدا مهمة لان من دونها ممكن الشخص يزلق وينفقش راسة بكل سهولة بس المصيبة ان متر العتبة 300 ريال
وتكلفتها بس 7000 ريال
تعريف العتبة هي البلاطة التي تقوم بتحديد المسبح من الخارج
فتكون بعرض 33 سم او 25 سم وعادة تكون لونها بني

بخصوص تغطية المسبح
ما عندي فكرة لكن لو كنت انا مكانك ومعي فلوس كان ظللتة بزجاج على شكل هرمي ويكون نصو ابيض والنصف الاخر معشق وحدة معشق وحدة لا

ونورني اذا كان عندك فكرة جديدة

[المسبار]

أولاً :أشكرك يا عزيزي على الرد .

أنا شريت بلاط المسبح من الخزف السعودي وهو كماهو معروف نوعية جيدة ومجربة وسعرها معقوول جداً ( المتر بـ 23 ريال ) ..

أما البلاط اللي حول المسبح أخذت نوعية من البورسلين بني غامق مخطط برسمة حجر مكسر ...
أما الحجر للي ذكرت ففيه أنواع غير مزلقة ونوعية فاخرة من الحجر وبأسعار أقل مما ذكرت بكثير ( لقيت المتر الطولي بـ 30 )

طبعاً لون بلاط المسبح لونين أزرق غامق وسماوي والغالب هو السماوي مع استخدام الوان مزركشة كإطار من الداخل ...

ما بقى إلا السقف .... ومتردد فيه ..

وبعدين أبي رايكم بالحاجز اللي حول المسبح أحطه وإلا لا ..

وإذا حطيته من أي الأنواع والاشكال ..

أكرر شكري ...

[bo kaled]

اخوي المسبار
السلام عليكم

ممكن تصور المسبح وترسلة لي تكفى تراني محتار لحدي
لفيت السوق لين قلت بس
وتوي جاي من التخصصي علشان سالفة المسبح
وياليت تدليني على محل تعرفة