وشرايكم احط ورق جدران او حجر ؟؟؟

[عبوط]

السلام عليكم ورحمه الله

هذه صوره من المجلس سويت تجويفات بس بين التجويفات وش تنصحون فيه احط حجر او ورق جدران وداخل التجويفات احط والا لا
هذه الصوره

[نبت الخزامى]

اهلا
اذا قصدك التجويفات الصغيره فانا ارى ان البويه بتكون افضل لان المساحه صغيرة
يعني ممكن تحط بويه ديكوريه مموجه او غيرها والله يوفقك للافضل

[عبوط]

يعطيك العافيه اختي نبت

انا اقصد المكان الي بالنص الي مكتوب فيه حرف s يكون ورق جدران او حجر

[ام حسام 2]

أنصحك تحط ورق جدران كشخة وفية ألوان مناسبة للكنب أوللباطرمة إللي ناوي تحطها والتجاويف حطها بوية بنفس لون باقي الجدار طبعا يكون لون من ألوان الورق..............وإذا أنت في الشرقية روح لمحلات الورق في الخبر أوالدمام وأختار الورق وبعدة خذ لون منة يناسبك وأصبغة على الجدران والتجاويف خاصة إذا كنت حاط في التجاويف إضاءة بيطلع روعة ..........وبالتوفيق

[عبوط]

يعطيك العافيه ام حسام
نعم انا من الدمام وناوي احط الاثاث يكون بني والجدار يعني البيج يكون فاتح
وجاء في بالي يكون الورق اغلبه بني غامق ويكون داخل معه بيج فاتح قريب او نفس لون الجدار
والتجويفات راح يكون فيها اضاءه

[ام حسام 2]

طيب روح الخبر عند القصيبي والمحلات إلي قدامة في تقاطع 18 و 19 تلقى ورق يهبل لكن غالي شوي وأختار منة وبشرنا ...........وفي نفس الشارع محل يسوي طبعات على جلد نسيت أسمة وبأي لون تبغاة وبأي شكل يجنن وروعة بعد لكن غالي روح شوف يمكن يناسبك إذا مقرش.ماشاء الله............

[ام حسام 2]

لاتنسى ياعبوط ان اللون البني غامق وأنصحك تدخل معاة الذهبي والبيج الغامق والبرونزي بيطلع روعة ولاتنسى تاخذ راي المدام لآنها هي الأساس {مع إني من اللي يكرهون هذا اللون من كثر ماشوفة في بيوت الناس}وشكرا.

[عبوط]

اما مقرش وانا جالس ابني هع
وبخصوص المدام باقي عند اهلها
القصيبي ؟؟؟؟؟؟؟ انا الي اعرف في منطقه السويكت بالخبر
ومشكوووره

[عبوط]

وشنهو اللون الي تشوفينه يناسب

[ام حسام 2]

أهم شي انك تكون تحب اللون وتميل لة وإذا حطيت بني أدمج معاة البيج والبرونزي والذهبي وأفضل البوية تكون بالبيج والورق يكون دمج الألوان إللي ذكرتها لان الورق يكون ملون ويصغر المكان وإذا حطيت التجاويف وباقي الجدار بيج بيطلع روعة واللة يسهل عليك ..........
أظنك عريس ليش ياأخي ماتحط ألوان زاهية بعد يمديك على الغامق لما يجون العيال