|
||||||||||
|
||||||||||
استشارات هندسيه ( العمارة والديكور ) مخصص لتلقي الاسئلة و الاستفسارات و الطلبات |
|
أدوات الموضوع | انواع عرض الموضوع |
#1
|
|||
|
|||
أنــا والمطبخ والبلاط
السلام عليكم ورحمه الله وبركاته....
احب اول شي اشكركم واهنيكم على هالمنتدى الرائع الي كنت متابعته بصمت من مده طويله بحكم ان عندي بيت جديد .. وكنت اخذ افكار من بعض الاخوان والاخوات الي يطرحونهاا وماخفيكم سراا اني جدا سعيده اني اليوم تجرأت وكتبت في هالمنتدى الي ماأقدر اقول عنه الا انه اكثر من رآآآآآئع...... اخواني اخواتي انا بقولكم عن مشكلتي هي مو مشكله مشكله بس صراحه مضيقه صدري ومالقيت لها حل قلت ان شاء الله ان الحل عندكم يأصحاب الخبره في هالمجال مشكلتي انو شرينا بيت جاهز بس كان علينا اختيار الدهانات وغيرنا شوي في الادوات الصحيه في الحمامات[ اكرمكم الله] بس مشكلتي هي المطبخ ... يوم شرينا البيت كآنت دواليب المطبخ راكبه وكل شي هي طبعنا ماعجبتني بس عاد ماقدر اقول لابو عيالي شي مابي اضغطه اكثر من الازم المشكله هي البلآآآآآىط سواء الي في الجدران والا الي في الارضيه راعي البيت الله يهديه حاطها كلها ابيض ومن النوع العادي جدااااااا فأنا فكرت وفكرت وجبتها يمين شمال ومالقيت الا حل واحد بس مادري بيضبط ولا لا هو اني اعمل ترويبه بلون ثاني مثلا نفس لون الدواليب.... شورو علي تكفوووووون والا عطوني اي حل ثاني يكون سهل ومافيه تكسير بلاط وضغط على ابو عيالي لاني احس اني زودتها عليه ياليت الاقي حل يرضيني ويزين مطبخي واصير احبه الله يجزاكم خير سواء رديتو علي ولا مارديتو بس ان شاء الله انكم منتب مخليني ولكم مني كل الشكر |
#2
|
|||
|
|||
مآفيه احد عطاني وجه
|
#3
|
||||
|
||||
بس ما قلتي ايش لون الدواليب
عشان نعرف كيف نساعدك |
#4
|
|||
|
|||
اقتباس:
|
#5
|
|||
|
|||
مشكورين الي ردو علي
نهنوهه لون الدواليب خربزي تقريباا وهي المنيوم العنااا.... والله ودي اشيله بس صراحه صعبه كثير لان الميزانيه خلصت وانا مافيني أ ضغط على ابو عيالي اكثر ياليت الاقي حلول... تكفووون |
#6
|
|||
|
|||
أهلاً بك أستاذة ومبارك عليكم البيت الجديد الله يجعله قدم السعد عليكم ويبارك لك في ذريتك ويجعلهم من الصالحين إن شاء الله ,, من حظك الحلو أختاه أن هذه المشكلة ظهرت في المطبخ فقط لأنه من السهل جداً والمناسب خلع بعض البلاطات - كام حبة - بشكل منظم ومنسق وتبديلهم ببلاطات أخرى فيها نقشة وأظن من السهل جداً أن تجدي نفس القياسات ومجرد خلع وتركيب سيختلف المنظر معك تماماً وتجدي ضالتك وترتاحين ,, وأظنها عملية سهلة وغير مُكلفة بإذن الله . الله يوفقك .. , . . __ إحترمت فـِ حضرتك جداً خوفك على زوجك وحرصك على عدم تحميله أكثر مما يطيق __ ربنا يبارك فيك ويسعدك . |
#7
|
|||
|
|||
اقتباس:
او اذا استصعبتي خلع البلاط ممكن تحطين استيكرز ع البلاطات بشكل منسق وتون لونين او لون متناسق مع مطبخك موفقه |
#8
|
|||
|
|||
السلام عليكم
اشكر كل الي مرو هنا اخوي ابو صلاح.... الله يجزاك خير يارب ماقصرت على هالدعاوي الحلوه ولك بالمثل اخوي.... والله لو مايجيني من ردك الا هالدعوتين الي قلتها لي .. الله يسعد قلبك شاكره لك صدقت زين انها جت بالمطبخ بس هي فكره وبعرضها ان شاء الله وعساها تلاقي قبول لو مو في القريب ام تميم123.... شاكره لك انا فكرت بالاستكرات بس اتوقع ماراح تنفع انتي عارفه المطبخ مويه وبخار وحراره واكيد بتطيح وراح تتأثر على طول ولا كانت ببالي واحسها ماراح تنفع انا في انتظار حلوول تقنعني اكثر وتريح بالي |
#9
|
|||
|
|||
هلا بك منزل مبارك بإذن الله تعالى الأستاذ / أبو صلاح بارك الله فيك كــــ الغيث أينما وقع نفع فعلاً اقتراح أبو صلاح مناسب جداً بإدخال قطع من الديكور بدلاً من بعض البلاطات ممكن عمل خطوط طولية بين الدواليب العلوية و السفلية بلون آخر من البلاط فكرة تغيير الترويبة حلوة لو تم إدخال قطع من البلاط اللي اقترحه أبو صلاح الموزاييك اللي اقترحته المبدعة أم تميم هو بلاط بمقاس صغير و بالتوفيق |
#10
|
||||
|
||||
الحل الى قال علية الاخوان انك تكسري جزء من البلاط اللى بين الدواليب فكرة ممتازة وغير مكلفة وفي انواع اسعارها معقولة ...اما اذا الميزانية ما تسمح فممكن تستني وتأجلي الفكرة كمان سنة او الفترة المناسبة لكم ..... وتخلي تركيزك على الاكسسوارات الى تبرز شكل المطبخ .... عندك مثلا ممكن تضيفي ستارة او دعاسات للارضيات وزي ما قلت الاكسسوارات ثم الاكسسوارات لا غنى عنها في كل مكان في البيت .....
وبعدين عندك ميزة في اللون الابيض انو مو مقيدك باي الوان فعندك مساحة واسعه من الاوان انها تكون مكمله لشكل المطبخ ..والله يكون في عونك |
مواقع النشر (المفضلة) |
الكلمات الدلالية (Tags) |
أنــا , والمطبخ , والبلاط |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | |
|
|