مخططي من جديد يا مهندسينا مع التوضيح...!!

[مـــــلاااك]

هذا التصميم اللي نزلته أول مره..



انا اريد رايكم اذا يحتاج تغير كلي او جزئي.

انا احس شكله فيه شي مو مناسب مو حلوو !!!

انا بقولكم الارقام شو هي..

اولا هذا تصميم الدور الارضي .. وبناءا عليه سيكون الدور الاول..

1- غرفة نوم

2- حمام

3- غرفة جلوس او للضيوف

4- حمام

5- مجلس الحريم + الحمام والمغاسل

6- الصاله

7- المطبخ

8- غرفة الغسيل

9- المستودع

10- غرفة الخدم+ الحمام

11- غرفة طعام الرجال

12- حمام ومغاسل الرجال

13- مدخل خاص للرجال

14- مجلس الرجال



ومثل ماتلاحظون المدخل الرئيسي للفله مائل .. بالعمد حتى لا يكون مواجه للباب الخارجي للفله.. ومدخل الرجال هو اللي مواجه للباب الخارجي للفله

واللي مظلل بالاحمر انا اشوفها مساحات ضايعه عالفاضي << اريد مساعدتكم فيها


وموضحه عالصوره مكان السلم .. والمصعد الكهربائي.. وومخرج من جهة ملحقات المطبخ

وفناء خلفي من الصاله..

بس السلم نحب يكون فالصاله يعني نريد نغير مكانه..




وفي هذا الرسمه موضح حدود الفله



ياليييت لو حد يقدر يساعدني بتصميم مناسب يوفي بالاحتياجات..

المسطح الارضي مساحته :m2 400

وبعد الانتهاء منه ننتقل لطابق الاول والذي سيكون عبارة عن غرف نوم ومطبخ تحضيري وصاله





احتياجات الطابق الارضي :

1- غرفة نوم (500X500) + حمام (200X265)
2- غرفة ضيوف (500X500) + حمام (200X265)

( أو غرفتين وبينهم حمام واحد)

3- صاله كبيره لاتقل عن (800X800) ومدخل للصاله (300X220)

4- مجلس حريم (700X500)+ حمام ومغاسل .. الحمام صغير 150 *200 وفي الخارج مغسلتين

5- مجلس رجال (800X600)+ غرفة طعام (600X500) + حمام ومغاسل 160*150 و3 مغاسل في الخارج

6- مطبخ (580 X550)

7- غرفة خدم (315X250) + حمام
8- مستودع (345X290)
9- غرفة لاندري (200X290)


وطبعا السلم يكون في الصاله..

المصعد الكهربائي



ملاحظات هامه:1-

1- مدخل الرجال خاص والحمام يكون بين المجلس وغرفة الطعام

2- مدخل الفله الرئيسي يكون مائل كما هو موضح في التخطيط بحيث مايكون مواجه لباب الشارع..

3- يفضل لو يكون بعد الدخول للفله على اليمين مدخل لحمام الحريم والمغاسل ومن المغاسل يكون فيه مدخل للمجلس.. وايضا من داخل الصاله في باب مباشرة للمجلس يفتح في حالة المناسبات الكبيره بحيث يكمل على الصاله

4-ومن وجهة نظري لو يكون السلم في الصاله ومن تحته يكون ممر عل اليمين يتجه للغرفتين وعلى اليسار يتجه للمطبخ وملحقاته ومن المطبخ ممر يوصل لغرفة طعام الرجال والمجلس..

حتى نقلل من عدد الابواب في الصاله والمداخل

ومن تحت السلم في الوسط زجاج يفتح للفناء الخلفي للفله

[مـــــلاااك]

ويـــــــــــــــــــنكم .. محد يرد علي

[مـــــلاااك]

وينكم ياجماعة الخير..
اتوقعت فزعتكم يا اخوااان !!!!!!!!

[الرصاصة]

أقول الحال من بعضه ياملاك

موضوعي ما عليه ولا رد

ياليت لو واحد بس يدخل ويسلم

[مـــــلاااك]

اعلى قولتك يا الرصاصه .. الحال من بعضه..

انا مسويه اعلان لاهلي..
واقولهم لححظه عسى ابوي مايستعجل انا عندي لكم اخوان في احدى المنتديات وبيساعدوني على طوول..

ولين اليوم وهم يسالوني ويـــن للحين ماعطيتينا رايك .. وشو ردوا عليك فالمنتدى..

اقوولهم للحين محد رد علي

بس اكيــــــــــد محد من المهندسين اتطلع على الموضوع لان لو حد شافه لابد انه بيرد علي مستحيـــل يطنشون حد ....

انا في الانتظار .. واتمنى القى الحل والمساعده قبل فوات الاوان .........


ومشكوور يالرصاصه ...

[الرصاصة]

والله حتى أنا أتمنى أحد يرد علي

ربي يوفقك ياملاااااك ويسير أمورنا وأمورك وأمور أخواننا المسلمين

[مـــــلاااك]

ياااااااااجمااااااااااااعة الخيــــــــر..

ردوووووو علي..

حتى لو تعطووني مخطط يوفي بالاحتياجات اللي طالبتها.. ويكون اجمل؟؟؟

وييييينكم

[قدر]

ودي أساعدك بس أكيد فيه الأكثر مني خبره ,ياربهم يفيدونك ويفيدوني لما أطرح موضوع بيتي

[مـــــلاااك]

ويييييييينهم انا للحين ماااشفت حد فيييهم رد علي