مساعدة رجاءاً: ملحق البيت بدون بلك

[المقرق]

هلا بالطيبين

أنا عندي مشكلة وأكون شاكر ومقدر على المساعدة،

أنا مستأجر دور أرضي، الشاهد بغيت أبني ملحق جلسة وحمام في الحوش فقلت لراعية تراني بأبني... بس تغير وجهه وقال ماينفع وماأدري، وإذا طلعت بكرا أبأقعد اهده وبيحوس علي الدعوة والبيت جديد :\
طبعاً أنا مستحي أصر عليه، الرجال من الجماعة وما أبغى أزعله

فكان الإتفاق في الأخير إني أبني بأي طريقة بس بدون بلك ومسلح، يقصد شي يتم بناءه بدون تكسير في جدران الحوش ويقدر يهده اويشيله بكرا بدون مشاكل. وطبعا يمشيني بكل حلاوة ست إلى ثمان سنين على الأقل.

البناء تقريباً (8x4) متر، يعني راح تكون جلسة الملحق (6x4)متر، وبعدين مترين زيادة على الستة علشان الحمام والمغاسل ومدخل الملحق. طبعاً لازم تكون عازلة للحرارة والجدران تتحمل وعازل للصوت ويتحمل تقلبات الجو والمطر، وأأكد على الصوت لأن الجلسة ناشبه في الحمام على طول

طبعا هو قاللي حط شينكو للسقف إذا تبي والجدران شف لك حل، بس وش حل الجدران

للمعلومية أنا في الرياض، فاللي عنده الحل ويعرف إنه ناجح ومجرب فياليت يدلني على المكان برضه. 

[يوميات]

الحل ياطويل العمر بيت شعر وارتح اول شي سهل التركيب
وبعدين بصراحه الحين طلعت نوعيات افضل من البناء خصوصا في الملاحق عوازل وشغل ممتاز لاتبني ولا تتعب طق بيت شعر وبس

[المقرق]

يعطيك العافية على الرد والله، كنت بحاجة لواحد يحسسني إنه تفاعل معي

فكرت أنا في بيت شعر بس ما ينفع، نظراً لأني أبغاه يعزل الازعاج والحرارة، بالإضافة إنه مايمديني أحط حمام ومغاسل بيت شعر .

[باحث جنوبي]

ممكن يكون جبسنبورد يا طيب تراه ممتاز بالذات اذا كان دبل ومدعم في المنتصف بإمكانك البحث عن جدران جبسنبورد وان شاء الله تجد الحل