السلام عليكم ورحمة الله وبركاته
اولا اشكرك على سرعة ردك ومجهودك معايا
والف ورده مش وردة واحدة ليكى ياقمر
وثانيا باب الشقة قدامة حيطة مش فى وش الصالة على طول فهمانى
وقصدت انى احط السفرة الاول عشان تسمح ان لو اسرتى عندى يقعدوا فى الصالون او فى الليفنج جنب بعض من غير ماتكون السفرة فاصلة بينهم
ثالثا حلو جدا ذوقك فى الالوان هى بس المشكله ان الالوان الفاتحة هتبقى صعبه شوية مع ليفنج عشان لو فى طفل جالك مش هتقدرى تحكمى عليه انه مايوقعش حاجة على الفرش حتى احنا ممكن تحصل مننا اى غلطة ونوقع اى حاجة تبقع الفرش بيتهيالى فهمتى قصدى انا بدور على لون عملى وينسجم مع الالوان اللى عايزة احطها ايه رايك فى البنى الشوكلاته زى ده وبعدين ماقولتليش ايه رايك فى الالوان اللى اخترتها ؟
كمان يهمنى اعرف رايك فى البراقع والستاير اللى تليق مع الالوان دى
اما عن الكمرة زى الصورة الصورتين المظلله باللون الفوشيا بس عندى اطول كمان شويه وانا اصلا السقف عندى قصير
وبعد اذنك عايزة ضى يكون حلو قوى بس فى نفس الوقت بسيط وغير ومكلف عشان الريسبشن مع مراعاه ان السقف قصير يعنى مايكونش ضى ساقط قوى