السلام عليكم
انا باشارك بهذا الموقف المحرج جدا والطريف
المهم المواقف الطريفه اكثر ماتصير في المدارس
انا سلمكم الله مرة يوم كنت في اول ثانوي كان نظام المدرسة اذا كانت الحصة الاخيرة فراغ طلعنا في الفناء الخارجي المهم مرة من المرات جتنا وحدة اخر حصة وقالت لنا يافصل.......... عندكم حصة احياء بالمعمل وماكان في بنات كثير بالفصل بس انا والشلة
البقية طالعين يحسبونها حصة فراغ
المهم قلنا حنا الشاطرين لازم نحضر الحصة مايصير ننحاش
ولازم بعد نعلم اللي طلعوا ايه لانهم بذمتنا
المهم اخذنا اقلامنا ودفاترنا الاحياء ونزلنا الى المعمل بكل جد وحماس
وطبعا دورنا على الباقين وجبناهم معنا الى المعمل
ويوم دخلنا المعمل واخذنا مقاعدنا وكانت الاستاذة تعد نفسها لتبدى الدرس
عاد حنا ناظرنا الا فيه اشكال غريبه معنا بالمعمل مو من فصلنا وقعدنا نوسوس وش القصة وش السلافة وقامت قلوبنا ترقع لا يكون موحصتنا وحنا جايين بالغلط
طيب الحين وش السواة وشلون وها ومحادثات واستفتاءات
الى ان انتبهت المعلمة ان العدد كبير وماحنا فصل واحد واستغربتنا وقالت انتم فصل........ قلنا لا فصل....... قالت طيب وش جايبكم
هي قالت هالكلمة وحنا ماعرفنا وش نسوي تفشللللللللللنا فشيلة كبيرة وقمنا نسحب انفسنا
وكل وحدة تغطي وجهها بالدفتر عشان ماتعرفها المعلمه وتتفشل
وطلعنا من المعمل بطلاع الروح
والا ما وقفت على كذا مسكونا البنات اللي ناديناهم وهزؤونا تهزيء مابقى الا يطقونا <<<صراحة ما ينلامون
وحنا قمنا نضحك على هالموقف شهر ويوم طلعنا لثاني وثالث نتذكره ونضحك <<<<<<<<<<<<<<<<<<<<<<صدق مهستريييين