|
ما العيب في كراسي الحمام الصينيه؟؟
السلام عليكم ورحمه الله وبركاته
عارفه اني تعبتكم بالاسئله بس والله وربي يشهد اني ادعي لكم وودي ادخل ارد واتفاعل معكم بس البنيان والدوران ما خلوا لنا وقت :( واليوم جبت لكم موضوع جديد حبيت اسال عن عيب كراسي الحمام الصينيه الصنع (اكرمكم الله ) بصراحه بعد عده جولات ومن ردود المهندس الفاضل ادهم بحثت عن كراسي الحمام وكان بعد البحث كالتالي : -روكا: لا يوجد اسباني الصنع الا شكل واحد وبصراحه قبيح والباقي صيني ويحمل نفس الاسم والسعر من 1700 وفوق ؟؟ - فاليري اند بوخ : اشكال عاديه جدا وتصل للقبح نوعا ما واسعار من 1300 وفوق وبس واحد حلو وسعره 13000 اذا بتجيبوني لنا نزاله ترى عادي ما نردكم :) - امريكان ستاندر: ما اعجبنا شكلها وغير كذا الضمان على السيفون سنه تقريبا واسعار فوق 1500 تقريبا - ايديال ستاندر: ما يركب عندنا لانه نظام اوربي وبعد التصريف 22 واقل ودورات المياه عندنا البعد 30 او 25 - كاهلر: اعتقد اسمها كذا :) بصراحه الي سالنا عنه فوق الالفين ومو حلو علشان كذا ما تعبنا ندور - toto : زوجي معجب فيه مع اني برضوا احسه غالي كرسي سعره 2700 ؟ حرام والله طيب ونجي للصيني بصراحه انا الحين بيتي كله صيني وله 5 سنوات وعال العال (ما شاء الله ) وغير كذا لقينا محلات تعطي ضمان على الصيني 3 سنوات مع توفير قطع الغيار يعني الكرسي وش الي بيخرب فيه ؟ السيفون وسعره من 40 - 70 يعني لو بغيره كل سنه ما وصلت لاسعار الي فوق طبعا سعر الكرسي يبدا من 350 لحد 700 وغير كذا الصيني اشكال خطيره وحلوه بصراحه انا عارفه ان الامريكي او الانجليزي اقوى بس في مكتب او سوق او مطعم يعني استخدام كثير بس البيت ما يجيه ذاك الاستخدام يعني مثلا بيتنا الجديد فيه 14 دوره مياه مع العلم ان عدد الافراد 7 طبعا الخدامه والسواق محسبوين ؟؟ انا قاعده اقنع زوجي بالصيني خصوصا اني زي ما قلت لكم له عندنا 5 سنين وفل الفل ؟؟ انتوا شرايكم ؟؟ طيب لو فرضنا انكم رافضين الصيني اذكروا السبب ؟ وايش رايكم بالصناعه السعوديه الخزف - بروسلينا ؟؟ واخيرا وليس اخرا ايش افضل انواع التصريف (شفط - شلال - لولبي ) ؟ واخرا كم مفروض مقاس الفتحه ؟؟؟ 2.5 او اكبر؟؟ عارفه اني تعبتكم بس وش اسوي انتوا كريمين وانا ان شاء الله استهال :) وشكرا جزيلا لكم |
هلا والله بنيمووووووووو
شوفي أنا مثلك حمامات بيتي الحالي صيني ومية فل وهندسه وأنا عني معك في إنه الإستخدام بيكون محدود مو مثل الأماكن العامه وحرام الواحد يدفع 2700 على كرسي حمام وعلى قولتك لو غيرتيه كل مره يخرب فيها ماوصل لسعر 2700 ولو الوحد عنده 3او 4 حمامات قلنا ميخالف نحط الغالي إنتي بعد ممكن تحطين الحمامات الي عليها ضغط من النوع الزين والباقي من الصيني وعلى ما أعتقد الشلال أفضل انواع التصريف |
انا حاولت ماركب الصيني وفعلا شفت المواصفات الزينه في حمامات رأس الخيمه مأحلى موديلاته واسعاره معقوله ولو بدفع عليها على الاقل صناعة ب****ا الله يخليها لنا ومضمونه
|
هلا بكم اختياراتك اليوم يا نيموو أبداً ما هي أوكيه :) أنا ما أخفيك أن الكراسي جداً مهمة و مسألة الصيني أنا فعلاً شاهدت كثير من الناس يمدحونها و للعلم كل الكراسي اللي في البيوت الجاهزة أو المعدة للاستثمار 100% صيني و مع كذا شغاله بشكل جيد أنا من وجهة نظري أن أضع كراسي ممتازة و أدفع المبلغ مرة وحدة و ارتاح من الغثاء توتو أنا أرشحها و فيه منها خيارات تبداء من 900 ريال و أنتم لا يروح نظركم للزين مره أنا على قناعة تامة جداً لو احتديت أخذ أي منتج من صناعة قوية و شكل مشي حالك و لا أخذ صناعة رديئة و شكل ممتاز |
سبحان الله كنت سأكتب نفس الموضوع
انا الان بصدد شراء الكراسي وققمت فعلا بالاتفاق مع محل لبيع المواد الصحية لشراء الكراسي الصينية حيث انه لدي منذ 6سنوات وممتاز ولم يتعطل ابدا ............وكنت مركب نوع ثاني اعتقد امريكان ستاندر واخترب في السنه الاولى واستبدلته بالصيني وهو ممتااااااز جداااااااااااااااا.................وسعر الصيني يبدا من 200 ريال تقريبا |
يمدحون الخزف وبورسيلينا والخزفيه بعد
يا جماعة الخير فيها من القوه والمتانه الشيء الكثير وبعدين مع احترامى تراه حمااااااااااااام الله يكرم القراء الاناقه في السيراميك في المغسله فى الاكسسوارات السقف الاضائه لكن في كووووووع عجبي ؟ |
هلا بكم أبو الشيخات نعم الفرق في الكوع مو بالشكل أنا ما أحب أذكر نقاط فنية لا أعلمها تماماً لكن هناك فروقات كبيرة بين الكراسي مو المهم أنه يعمل و بس كمية الماء النازلة من الصندوق للكرسي كم هي من لتر ؟؟ معظم الماركات المشهورة فقط 6 لتر بالضغطة الواحدة و هي كفيلة بتنظيف الكرسي عطفاً على طريقة نزول الماء من الأعلى إلى الكرسي بينما الصناعات العادية تصل كمية الماء النازلة من 9 إلى 12 لتر في كل ضغطه و مع هذا قد تظطر إلى أنك تضغط أكثر من مرة لتنظيف الكرسي دوران الماء عند نزوله من الكرسي تقريباً متوفرة فقط في ماركات بسيطة السيفون معظم بل جميع السيفونات في الكراسي العادية من البلاستيك بينما سيفونات الماركات المعروفة و اللي سعرها فيها من النحاس بالمختصر المفيد أنت تشتري سيفون و ليس شكل |
شكرا على مداخلتك يا ابو ابراهيم
ولكن هل يعقل ادفع مابين 2500 الى 7000 علشان كووووع او سيفون علما بأن اغلب الشركات العالميه في الوقت الحاضر بالذات تبيع اسم اكثر من جوده وانت ابخص مع ملاحظة ان الخزف طور مسألة الدفع من السيفون اضافة الى ان مسألة دوران الماء لالالالالاينصح بها بشهادة اكثر من مجرب ومن فنى تحياتى |
الصيني فيه انواع رديئ ومعقول .. وانا شخصيا بالنسبة للقطع الصحية القابلة للفك يكفي تخدمني كم سنة بالكثير خمس سنوات خير وبركة وافكها اركب غيرها .. وخاصة في المساكن ما يكون عليها استخدام كثير ..
الكراسي عيبها في : - انكسار الغطاء .. - حركة مياة التنظيف من السيفون وطبعا الافضل هو اللولبي .. - اعطال ضاغط السيفون .. فيه نوع اسمة - اوبرا - عند الخزف السعودي يمتاز ان عرضة 45 سم .. |
شكرا للجميع .لطرح هذا الموضوع
|
| الساعة الآن 03:11 AM. |
Powered by vBulletin® Copyright ©2000 - 2024, Jelsoft Enterprises Ltd. By : 4as7ab.com