مساعد ه في اسعار الاصباغ في الرياض
 

السلام عليكم ورحمة الله وبركاته

انا انتهيت من السرميك والديكور وجا وقت اصبغ صح ولالا

ممكن المساعده في كيف يكون اخد الاصباغ هل هيا تحسب بالمتر ام بالجالون ام ماذا

وكم تكون اسعار وماهي افضلها

جزيتم الف خير

هلا اختي ام حسن وحسين.. بالنسبه للدهانات قبل اختي ما تروحين اي محل دهانات حددي اولا اللي تبين تسوينه في بيتك يعني مثلا تبين تعتقين المجالس فقط والغرف الباقيه تكون ساده.. علشان لما تقابلين الصباغ او شركة الدهانات تكون الامور واضحه لك ولهم . المرحله الثانيه ان شركة الدهانات تجي تمتر البيت لك وتقولك مثلا امتار التعتيق كذا وامتار الدهانات العاديه كذا والخارجيه كذا والاسقف كذا والكرانيش كذا وفي الاخير يعطونك السعر الاجمالي التقريبي وبعدها انتي تشوفين ميزانيتك وتختارين اللي ترغبين فيه .. اهم شي وانا اخوكي لاتروحين الا الى شركات كبيره مثل همبل وجوتن وسيجما وممكن اختي انك تاخذين ارقام هذي الشركات وهم يرشحون لك اكثر من مقاول من جهتهم ومعتمد عندهم عشان وانا اخوكي اذا تاخر في شغله او بدء يلعب على طول روحي للشركه او دقي عليهم وهم يتفاهمون معه.. على فكره لما تشوفين لوحه مكتوب عليها همبل او سيجما او جوتن مو شرط ان يكون مقاول جيد انا افضل انك تتصلين بالشركات نفسها وهم يرشحون لك مقاول من عندهم.. اسف جدا لللاطاله بس لاني متخصص في هذي الشغله وحبيت افيدك. شكرا

إذا الدهان عندك بتسوين فيه حركات مثلا تعتيق او تقليم او فكرة معينه مافي أفضل من الشركات نفسها ومحلات معتمده ..
لكن اذا ساده ممكن يسويها لك اي أحد بعد ماتاخذين أرقام العينات من المحلات,,

ومافي أفضل من عرق الجبين<<ماأقصد تدهنون بنفسكم^_^ روحوا تفرجوا على كم محل وراح تشوفون فرق النتيجه فالدهان وإتقانه وجماله عند أحدهم دون الآخر..

أنبهك لنقطة يمكن يغفلها البعض مثل ماكنت غافله عنها(اللمعه)النهائيه للصبغ..وأفضلها ربع لمعه..وأسوؤها بحسب طبيعة المكان (الكامل)
بالتوفيق

حتى انا محتاجه للدهااااااااااااااان