|
اريد حلا ..الفتحه مفتوحه من فوق يعني مافيها صبه لاتبخلوا علي
السلام عليكم ياأعضاء منتدى المهندس اللي مالنا غنا عنه وعن ارائكم وخبراتكم .. الله يجزاكم خير ويبارك فيكم انا عندي مشاكل وعيوب ديكوريه في بيتي ونحن الآن في مرحلة اللياسه .. اللي ودي استشيركم فيه الآن 3 اشياء لأنها متصله في منطقه وحده .. المشكلة الأولى وهي الأهم اللي الى الأن مارسيت فيها على بر ابي حل ..؟؟ وهي .. انا عندي المجلس مساحته ضايعه بسب الفتحات الكبيره مساحه المجلس 7.50 طول وعرض 4.50 له فتحتين واحده على المدخل عرضها تقريبا 2.50 والثانيه وهي المشكله على غرفه الطعام عرضها تقريبا حوالي 3 امتار .. المشكلة اني ماني عارفه ايش اسوي بهذي الفتحه بصراحه صدع راسي من كثر التفكير ... احس احيانا اني راح اتوهق اذا احتجت الى غرفه الطعام وفيه ضيوف مافيها استقلاليه .. بودي فكرة جميله وذكيه لهذي المشكلة علما بان اللي مدوخ راسي ومضايقني اننا مخلين الفتحه مفتوحه من فوق يعني مافيها صبه من فوق حتى لو فكرت اني اضع باب ... ابي حل بارك الله فيكم وابغى حاجه جديده وحلوه .. ماابغى سالفه كرانيش واقواس بس ... سؤال ثاني لأصحاب الخبره والمهندسين .. كيف اميز جدار المدخل او بمعنى ثاني انا عندي جدار طوله تقريبا 4.70 متر الجزء المقابل لباب المدخل مساحته 2.50 متر وطبعا هذا الجدار مافيه أي بروز يميز المدخل .. فهل استطيع ان اصبغ الجزء المقابل للمدخل بلون مغاير عن الجزء الثاني علما بأني في نيه صبغه ووضع عليه مرايه طويله .. الطلب الثالث .. الله يجزاكم خير انا عندي منطقه المغاسل مكشوفه للمجلس بعضهم قالوا لي انه عيب من عيوب البناء بمعنى انك لو دخلت من باب المدخل حيكون على يمينك المجلس وعلى يسارك منطقه المغاسل واللي راح يجلس بالمجلس راح يشوف المغاسل .. فما اقتراحكم ؟؟ فكرت اني اجعل منطقه المغاسل تحفه ديكوريه حتى تضيع العيب فاللي عنده صورة او افكار عن جديد المغاسل لايبخل علي الله يجزاكم خير ويبارك فيكم .. هذي صورة جزء من المخطط يوضح الكلام .. هنا الصورة تبين المدخل ومنطقة المغاسل والمجلس وهذي صورة جانبية للمخطط الله يجزاكم خير لاتبخلوا علي بالرد او بالصور الله يجزاكم خير فارائكم تهمنا :a92: ام برهوم فنانه وذواقه |
حل المشكلة الاولى
هلا ومرحبا امرك بسيط جدا مش عارف ايش استاسيل اليبيت على كل حال الباب الي على سفرة الطعام ممكن تعمليه ديكور خشب على الجوانب وباب في الوسط ولو حبيتي تتركي من غير باب فيكي تحطي خشب مغرغ بديزاني حلو وبيصلح لاثنين المودرن واكلاسك حل المشكلة الثانية ممكن تصبغيه او ممكن تستخدمي الحجر او خشب او جلد وما يحتاج برووز المشكلة الثالثة اقترح الجدار الي مشخبطا عليه تحكي مكانو ديكور اما مفرغ او اي شي لانو حتى لو عملتي ديكور في منطقة المغاسل بيضل في عيوب |
امي كانت عندها نفس المشكله كان المجلس مفتوح على غرفة الطعام و كانت مره متأذيه و بعدين سوو باب بين الغرفتين و هالباب ما ياخذ من مساحة المجلس ولا غرفة الطعام لو بغوه يكون مفتوح يعطي شكل حلو و لو سكروه برصو شكله مرتب الباب خشب سحاب خلو شكل الباب سحاب من جهه وحده بس ومن جهت الجدار لبسوه بالخشب بحيث يعطي انطباع ان الباب كبير و بحيث يقدرون يخبون مجرى السحاب الي يكون من حديد تحت الايطارات الخشبيه ولا يطلع شكل الجدار بايخ خصوصا لما يكون مسكر و هذا شكل الباب يمكن يفيدك http://www.almuhands.org/forum/store...060340_709.jpg و ممكن بعد تسوين باب سحاب مخفي بين جدارين و ممكن الجدار الي تحطبنه ما يكون من بلك ممكن تحطينه من الجبسم بورد بحيث يكون مجرى الباب بين الجدارين و برضو شكله بيكون مررره مرتب ارجو اني اكون افدتك و ان شااء الله بقية المهندسين ما راح يبخلو عليك باقتراحاتهم |
هلا بك أم برهوم...
لايضيق صدرك كل مشكله ولها حل... :) بالنسبة للباب بين غرفة الطعام مثل ماذكرت اختنا ريح النفل سويه باب خشب(أو امزجي معه لكسان مثلج) ويكون باب سحب .. مو شرط يكون فيه صبه في أعلى السقف عادي يسوونه بالخشب بطريقة مايكون الباب كبير بمقاس معين ومرتب.. جدارالمدخل عادي مافيه اي مشكله تقدرين تعملينه بأي شكل مثل ماذكر اخونا لمسات المصمم..أو بسيراميك الأشكال الجديده البارزه كأنها جلد أو تايقر أو حجر ممتد من جدار المغاسل أو ورق جدران دهان ساده اللي تقدري عليه ,,وتحطين عليه مرايه مثل ماقلتي مع كرسي مدخل وطاولة صغيره .. أما المغاسل دائما أتساءل ليش عيب فالبناء لما المغاسل تكون مكشوفه...!! دامها بتكون بشكل فخم ومنسقه بطريقة جميله فالاكسسوارت فبالعكس بتطلع تحفه بحد ذاتها... ماعليك من أحد هههههه سوي اللي يعجبك فيها لاتشيلين همها...ولو ماعجبتك مكشوفه سوي جدار بالجبس فاصل فيه تجاويف بشكل غريب...(يعني اللي فهمته فالمخطط الجدار المشخبط مو موجود حاليا..وأنا أقولك رجعيه لو حصل بناء ببلك أو بالجبس..) وربي يوفقك وييسر أمرك يالغاليه... |
ام برهوم مادامك ما انتهيتو من مرحلة التليس فلا مر ممكن معالجته
اولا الاحظ على المخطط عدم وجود موزع بين المقلط والمجلس ممابعنى لابد ان يكون المقلط طريق للمجلس ؟؟ كم مقاس المقلط وكم مقاس غرفة النوم |
اخواني واخواتي الأعزاء لمسات المصمم & ريح النفل & ام دحومي & الصحرا اشكركم الشكر الجزيل ويباركم فيكم على سرعة ردكم وتفاعلكم اللي مانستغني عنه بصراحه افكاركم هذي كانت وارده ومفكرة فيها من زمان بس مثل ماقلت انا عندي مشكله ان سقف الفتحه مفتوح من فوق يعني مفتوحه بمعنى لاتوجد صبه من فوق حتى يثبت عليها الباب سؤالي هل استطيع وضع باب من غير صبه ؟ لأنه هذي المشكلة اللي عندي تمنع من وضع باب على حسب علمي اخي لمسات المصمم استايل البيت مودرن او مودرن كلاسك بس مافهمت كلامك ( خشب مغرغ بديزاني حلو وبيصلح ) ياليت توضح لي بصوره تقريبيه حتى استوعب الفكره .. وشاكره لك مساعدتي بافكارك حول المدخل والجدار المشخبط انا اصلا كنت لاغيته في مرحله البناء انا مشكلتي يا اخواني ان ماعندي مساحه كبيره في الأرض حتى استطيع ان اتحكم بالتصميم واتفنن فيه عندي الأرض طويله عرض 14 وهو الواجة & طول 45 مسطح البناء 10 عرض وهو الواجه & 27 طول فمن هذا المنطلق وحتى لا تضيع علي المساحه فحاولنا ان نبتعد عن الموزعات والممرات لأن عندي المساحه زي مانتوا شايفين ضيقه ومافيها الكثير من الخيارات او الأفكار فاستخدمت في البيت النظام المفتوح .. وجعلت ارتفاع الجدران عالي حوالي اكثر من 3.60 الحمد الله ان اللي يدخل البيت مايتصور ان عرضه 10 متر فقط اختي ريح النفل اشكرك بصراحه على ردك وتجربة الوالده خلتني افكر فعلا اني اضع باب وشكرا لك على الصورة بس مشكلة باب السحاب زي ماقلتي انه يشوه المنظر واذا كان زي ماقلتي مخفي يحتاج على ماظن تخطيط مسبق حتى يكون من ضمن البناء .. افكر بفكرة ام دحومي الله يبارك فيها ام دحومي ماقصرتي والله الله يجزاك خير فعلا كلامك هذا اللي كنت افكر فيه (أما المغاسل دائما أتساءل ليش عيب فالبناء لما المغاسل تكون مكشوفه...!! دامها بتكون بشكل فخم ومنسقه بطريقة جميله فالاكسسوارت فبالعكس بتطلع تحفه بحد ذاتها...) اما الجدار المشخبط زي ماقلت انا لاغيته لأني حسيت انه يضيق علي وافكر احط مكانه مكعبات الزجاج منها شكل جمالي ومنها يدخل الضوء ايش رايكم ؟ اخي الصحرا شكرا لك وزي ماقلت من قبل انا ابتعدت في التصميم عن الممرات والموزعات حتى لاتضيع علي المساحه .. مساحة غرفه الطعام 5.50 & 4.70 والمجلس 7.50 & 4.50 انا دخلت وشفت بيوت كثيره في نفس مساحة ارضنا وكانت بصراحه اغلبها مقموته وتضيق الصدر .. فكان همي في التصميم هو السعه ولا كان فيه خيارات كثيره في التفنن في التصميم .. لكن الحمد الله احس اننا توفقنا في التصميم والأخطاء البسيطه لابد منها .. اللي مضايقني في التصميم هو الحمامات ضيقه ووسعنا 2 من الحمامات اثناء البناء وواحد منهم حتى بعد التوسعه لازال ضيق لانه لايوجد مجال للتوسعه زياده .. الله يعين بصراحه اشكركم على افكاركم وارائكم الجميله واللي عنده افكار ثانيه وجديده لايبخل علي وياليت تردون علي على استفساراتي اللي ذكرتها وهي هل استطيع وضع باب من غير صبه من فوق ؟ لأنه هذي المشكلة اللي عندي تمنع من وضع باب على حسب علمي والثاني مارايكم في مكعبات الزجاج فاصل بدل الجدار اللي لغيته بين المدخل والمغاسل ام برهوم فنانه وذواقه |
الغالية ام برهوم شوفي الديكورات الشرقية للفنادق تحط خشب اي لون ممكن مفرغ وخلفة زجاج او لكسان على كيفك مثل بارتشن متحرك وثابت مثل هاالصورة http://www.almuhands.org/forum/store...166075_948.jpg وفي بعد قواطع الباتروشوك الزجاجية http://www.almuhands.org/forum/store...166075_494.jpg http://www.almuhands.org/forum/store...166074_964.jpg |
|
يعطيك العافيه زخات مطر الله يجزاك خير فهمت اللحين الخشب المفرغ بس هل تتوقعين لو نفذت القواطع المتحركه في الفتحه بين المجلس وغرفه الطعام هل راح تطلع جميله .... بصراحه انا فكرت بباب خشب مع لكسان متحرك نفس فكرت القواطع المتحركه بس انا ذكرت المشكله في تنفيذ الباب وماني عارفه متردده كثير عجبتني صور هذي القواطع فعلا جميلة وانا في انتظارك لا تنسيني الله يجزاك خير ويوفق كل من رد علي |
حبيبتي الباب السحب بتقدرين تنفذينه بحول الله ولو ماكان فيه صبه من السقف عشان مجرى الباب..
بس خذي لك نجار أبواب يكون شغله مضبوط مايخرب عليك الجرار ويكون عملي.. دققي فالصورة وشوفي كيف عاملينها من فوق http://www.almuhands.org/upload_muha...c2bde1b367.png أو ممكن بنفس هالشكل أرتب لو لقيتي أحد بيضبطه http://www.almuhands.org/forum/store...186488_502.jpg http://www.almuhands.org/forum/store...186488_562.jpg |
| الساعة الآن 04:00 AM. |
Powered by vBulletin® Copyright ©2000 - 2024, Jelsoft Enterprises Ltd. By : 4as7ab.com