هل اقوم بالغاء الغرفه الموجوده

[هنوووده]

السلام عليكم ورحمه الله وبركاته ..........

اخي ادهم واخي المهندس بدر وباقي الاخوه المهندسين الموجودين....انا منزلي زي ماهو واضح في بالواجه اربع برندات والمدخل الرئيسي للمطبخ من خارج البيت هي البرنده التي بالواجه....هي بالبدايه كانت موجوده من الجنب وبعد ان وضعنا غرفه النوم بالتسويه بنفس منطقه المطبخ لغى المدخل الجانبي للمطبخ ووضعه بالواجه بس انا مش مرتاحه للموضوع هذا حاسه انو رح يتعبني مستقبلا شو رايك انت بالموضوع يااخ ادهم ويااخ بدر ؟؟؟؟؟؟؟؟؟؟

هل اقوم بالغاء الغرفه الموجوده بالاسفل ووضعها بالناحيه الاخرى اي مكان غرفه الخادمه وغرفه الغسيل حتى يرجع مدخل المطبخ من الجانب ؟؟؟؟؟؟؟؟

وبعدين بخصوص الحمايه ؟؟؟؟؟؟؟ حاسه انو عندي برندات كتيره بدي اضطر وضع حديد امان ورح يكون شكلو مش حلو كتير على الواجه فشو اقتراحكم لهذا الموضوع ؟؟؟؟؟؟؟

عندي زياره قريبه للمهندس لرؤيه الواجهات بعد التعديلات التي طلبتها منه ......فياريت نصائحكم بخصوص البرندات هذه .........

وموضوع غرفه الغسيل التي طرحتها اخت قبل ذلك بخصوص الرطوبه صراحه خلاني افكر واعيد حساباتي بالنسبه لموقع غرف الغسيل عندي ؟؟؟؟؟؟؟فهل موقعها جيد

طبعا التغيرات وارده الان ووممكن اني اغير اي شيء في الوقت الحالي ..............

[م.حنان]

هلا أختي كيفك

بالنسبة لغرفة الغسيل مشكلة الرطوبة بتنحل إذا حطيتي شباك بيفتح على الكراج هاي اول وحده

البرنده و ما ادراك ما البرنده حلوه على طول البيت من اوله لأخره
و لكن إضافة الدرج ما اله لزوم خليها نفس النهاية الثانيه الي عند الصالون بدون درج بحيث ان يتم اضافة باب جانبي بين الديرتي كتشن و المطبخ المفتوح علشان الزباله الله يكرمك طلعتها من قدام البيت مش حلوة

و الحديد أختي شر لا بد منه بدك تستحمليه علشان الأمان ممكن إنك تسوي باب حديد كامل عند ركن الفطور بالمطبخ بدل ما يكون ألمنيوم سحب بس بنفس المنظر حمايه و أجمل و بتخلصي من الشبك بهديك المنطقه

و ممكن تخلصي من الحديد تماما و تركبي جهاز إنذار على الشبابيك على نفس القزاز مربوط بالشرطه علشان لو سافرتوا يمسكوا الحرمية

و بس

الله يبعد عنكم اولاد الحرام و ييسر لكم الخير يا رب

[هنوووده]

طبعا اخواتي واخواني هذا هو اخر مخطط بس لانو البرندات شكلهم مش واضح فيه فلم اقم بانزاله ...........

[هنوووده]

يعني اقتراحك ياعزيزتي ان الغي الباب الي بالمطبخ البرنده الي بالواجه واخلي عباره عن حديد من الخارج ومن الداخل طبعا زجاج واخيي الباب الخاص بالمطبخ على الجنب صح الكلام .............بيني وبينك انا موضوع الزباله هادا اجلك الله ماكان خاطر ببالي بس انا فكره ان يكون باب المطبخ على الواجه ماكانت عاجبتني كتير ............يسلمو ايديك وعينيكي يارب

وبالنسبه للتسويه هلا بما اني رح اعمل باب المطبخ زي مااتفضلتي معناتو رح انقل غرفه النوم للناحيه التانيه واخلي مكانها غرفه الخادمه والغسيل ......شو رايك مرتب بطلع هيك ؟؟؟؟؟؟؟؟؟؟

اختك هند

[م.حنان]

مافي مشكله أبدا لأن أحسن غرفة النوم الي بالتسوية بتخلص من روائح الطبيخ و النفيخ الي الا ما تأثر عليه

و برضوا مكان غرفة النوم القديم بتقدري تعملي غرفة غسيل منفصلة تماما مش ممر لغرفة الشغالة و منها بتكون للكوي و غرفة شغالة و حمامها الخاص علشان ما تستخدم أي حمام من حمامات البيت و برضوا بتقدري تضيفي مخزن لأدوات التنظيف الفيري و الديتول و القشاطات و زي هيك

بالتوفيق اختي و الله يسعدك دنيا و آخره

[م.حنان]

أختي في شغله صغيرة حبيت أنبهك عليها يوجد عمود بنتصف الشباك تبع الصالون حبذا لو شلتيه لأنه حيئطش المنظر

[هنوووده]

انا اقترحت هذا الاقتراح على المهندس بخصوص العامود بس قلي هيك احسن عشان مايكون الشباك كبير كتير هيك مفصول على جزئين ولا انتي شو رايك ياعزيزتي ؟؟؟؟؟؟؟؟؟؟؟؟

وباب البرنده الخاص بالمطبخ الي اقترحتي انيي اعملو حديد .......الحديد بدو يفتح ويسكر ولا مسكر على طول.......والشباك بدو يكون منظر يعني مارح ينفتح ابدا ولا بفتح ويسكر عادي لانو اذا بدنا نخليه يفتح ويسكر بدي اركبلو شبك اكيد..........لانك قلتي انو بريح حالي من الشبك؟؟؟؟؟؟؟

ورح ابدل الغرف احسن اخلي غرفه النوم محل غرف الغسيل والعكس صحيح...............

[أدهم]

أتشرف اختي هنووووووده بدراسة مخطط بيتك

جعله الله بيت السعادة والرفاه واللهناء




سأعود اليه اختي الكريمه الليله

[هنوووده]

بانتظارك اخي ادهم .......

على احر من الجمر.................

[م.حنان]

في اقتراح أختي

ممكن تركبي باب حديد بس نفس الشغل تبع الدربزين

فبيطلع حلو

و ممكن نفس الباب الحديد تعمليه على نفس شكل الشباك و في فكرة بصراحه أجدها جميله لا أدري عنك ممكن ما تعجبك انه تعملي الحديد مربعات و يكون لونها أسود علشان يطلع زي فريم للوحه كل مره بتتطلعي من مربع يطلع لك لوحه جديده

هاي فكره و استغني عن الشبك

أتمنى أن تعجبك

التبديل موفقه فيه