|
||||||||||
|
||||||||||
|
أدوات الموضوع | انواع عرض الموضوع |
#1
|
|||
|
|||
][ .. آراكم لا عدمناكم في مخطط شقتي انا و اخوي دور واحد .. مساحة 420 م ][ ..
السلام عليكم و رحمة الله و بركاته
اخواني و اخواتي جزاكم الله خير عالمجهودات القيمة بصراحة الموقع ثري بكمية معلومات للمقبلين عالبناء و الان أطمع بمزيد من الاراء او تعديلات بخصوص مخطط شقتي انا و اخوي المخطط بيكون دور واحد مقسوم شقتين هذا التصميم مبدئي صممته انا و اخوي و هذا افضل ما خرجنا به .. زرنا مجموعة من مكاتب التصميم بس بصراحة ما فيه تصميم مناسب لنا .. حسيت كل التصاميم مستهلكة و المساحات غير مستغلة بشكل ممتاز طبعا هذا التصميم ما فيه مجالس رجال و لا مقلط .. لان راح نخلي قسم الضيافة في الحوش عشان نوفر مكان كافي في البيت لنا و ما نضيق البيت.. طبعا الغرفة اللي في الزاوية العليا راح تكون مجلس نساء او ضيافة عامة و اللي جنبها غرفة اطفال و بخصوص الصالة و غرفة النوم خليناها كبيرة عشان حياتنا اليومية بتكون فيها فقط .. و راح اجيب مصمم ديكور عشان يصمم لي الصالة و غرفة النوم .. الصالة راح اخليها جلستين او ثلاث بمعنى تكون جلسة كبيرة مع التلفزيون و جلستين أصغر تكون في الزوايا .. و افكر افتح في جدار المطبخ عشان يطل عالصالة و يعطي تهوية افضل للصالة .. ارجو اي احد عنده تعليق او ملاحظة بخصوص المخطط ان يبطحه هنا و ايضا اللي عنده افكار معينة بخصوص الصالة و غرفة النوم لا يحرمنا منها الله لا يحرمكم الجنة و يا ريت اللي يعرف مكاتب استشارات هندسية و تصميم ممتازة يا رليت يدلنا عليها سواء في جدة او الرياض او الخبر |
#2
|
|||
|
|||
ما فيه اراء ياا شباب .. حتى لو مدحه
|
#3
|
|||
|
|||
وعليكم السلام ورحمة الله
الواضح من التصميم انكم تبغون مداخل منفصله نهائيا بحيث تحفظ خصوصية كل عائلة 1- الغرفة الخارجية مالها حمام ووضعها غير عملي 2- المطبخ مساحته صغيرة ولا انصح بفكرة المطبخ المفتوح في نظام الشقق بالذات 3- الصالة بدون منور وهالشي راح يخليها مكتومه مهما كانت مساحتها 4- عدد الحمامات أعزك الله قليل جداً 5- غرفة النوم كبيرة بشكل مبالغ فيه 6 - الشقة 3 غرف فقط مع ان المساحة تسمح بأكثر اقترح ان يكون المطبخ مكان الصالة على المنور وتستغل الواجهه للصالة تصير أشرح بالتوفيق |
#4
|
|||
|
|||
بتوفيق انشالله
|
#5
|
|||
|
|||
اقتباس:
بالنسبة للمطبخ فيه جنبه مستودع 3*2 يعني راح نستغله في بوضع الثلاجة و بعض الدورج و الاغراض الغير مستخدمة بشكل يومي فاتوقع المساحة الحالية مناسبة .. انا فكرت افتح المطبخ عالصالة اولا للتهوية و حاجة ثانية للاضاءة الطبيعيه للصالة .. و بالنسبة لروائح الطبخ و الشغلات هذه فيه شفاطات فوق الفرن و باحط ستار عالفتحة .. سالفة المنور عالصالة ما نصحني فيها المكتب لانها بتاخذ مساحة و الاستفاده قليلة خاصة ان البيت شقتين فقط صممنا المطبخ يكون مكان الصالة و المطبخ فالنص على منور بس ما عجبنا التصميم حسيت ان المساحة ضاعت نوعا ما و الجدارن كثرت .. احب شقتي تكووون مفتووحة ما احب الجدران الكثيرة .. يعني احب الصالة ما تكون غرفة بس ،، ابغاها تكون مساحة كبيرة و احط فيها اكثر من جلسة و مفتوحة عالبيت كامل غرفة النووم حبيت تكون كبيرة لانه راح اصممها بحيث تكون زاوية الغرفة جلسة زاوية و جنبها فاصل بارتشن خفيف لغرفة الثياب و الجهة الثانية من الغرفة السرير و التسريحة و بعض الاثاث الخفيف كرسين مثلا ركزت على ان تكون غرفة النوم كبيرة و الصالة كبيرة و راح اصممها بنفسي لانها هي المكان اللي اكثر وقتي فيه .. و غرفة اطفال وحدة تكفي و غرفة ضيافة .. و غرفة زيادة راح تكون من غير فايدة و راح تضيق الشقة عالعموووم مشكورة عالافكار الجميلة و هذا التصميم الجديد |
#6
|
||||
|
||||
بالتوفيق اخوي ..
اقتراحي ... * مدخل الدرج ما يكون ع الغرفه او ع الاقل يكون له مدخلين ع الصاله وعلى الغرفه بحيث لو حبيت تستفيد من الغرفه مستقبلا تقدر تقفل الباب .. ويكون الحمام مشترك بين الغرفتين .. وتاخذ نص متر منه وتضعه للغرفه بحيث تكون 4.5 * 5 * مدخل الدرج على الصاله بيكون على الباب اللي يوصل للغرفتين بيكون الشكل غير مقبول .. ضع الباب في الاتجاه الثاني .. * اقترح وضع مدخل المطبخ من داخل المستودع بحيث يكون مقاس المستودع 3*2 وتعزله بعازل زجاجي يكون شكله رايق (سوكريت) الهدف من وضع الباب هو عزل المطبخ ورائحة الطبخ .. (مجرد راي انا من الناس ما اتحمل رائحة الطبخ فأفضل عزل المطبخ في مكان بعيد شوي ) * الصاله كبيرة جدا .. اقترح اخذ جزء منها و ادراجه لغرفة النوم والاستفاده من غرفة الجلوس بوضع كوخ مثلا للملابس ومنه تدخل للحمام .. هذه فكره طبقتها في احد الفلل .. اتمنى لك التوفيق اخوي .. |
#7
|
|||
|
|||
صدقت يا اخوي حتى انا جربت يكون المطبخ مكان الصالة و حسيت ان المساحة ضاعت !
أهم شي يكون التصميم مريح لك انت وعلى مزاجك الله يوفقك |
#8
|
|||
|
|||
التصميم يجتاج اعادة نظر ... الصالة مكتومة وروائح الطبخ والمطبخ راج تجمع في الصالة
أرسلت بواسطة Nexus 4 |
#9
|
|||
|
|||
تصميم رائع لكن ينقصه المنور لابد من المنور والصاله كبيرة ماشاء الله لو اخذت منها متر ومن صالة اخوك متر وعملت منور تصبح رائعه
المطبخ محلولة مشكلته مع مراوح الحديد لاتبقي اي رائحه ويكون مفتوح يصبح رائع جدا ... ايضا عند التشطيب اعتمد الالوان الفاتحه والبيج في الدهانات تعطيك مساحه رائعة وتصبح شقة شرحه ولاتكثر ديكورات واعتمد على البساطة وبالهناء والعافية عليكم ايضا لاتنسى المصعد فهو مهم جدا جدا جدا ... |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|