ابي نصيحتكم بحديد الحمايه للشبابيك

[][ريح النفل][]

السلام عليكم و رحمة الله و بركاته

اخواني المهندسين و المهندسات مساااكم الله بالخيير

اليوم عندي استفسار عن حديد الحمايه للشبابيك انا عندي شباكين في الصاله العلويه متصل مع الصاله السفليه من جهة الواجهه شكلهم شباك واحد و من جهت البيت مفصول بينهم بجسر

وش تنصحوني فيه انا مو حابه احط عليهم حديد حمايه احس انه بيشوه شكل الواجهه من برا

و ابو العيال يقولي يبي يحط حديد الحمايه من الداخل داخل الصالات يقول اخاف على الاطفال لو احد دف الثاني و صقع بالقزاز ممكن يتكسر عليه

فهل الزجاج لهذي النوعيه من الشبابيك يكون مثل الزجاج للشبابيك العاديه يعني تحمله بيكون ضعيف لو احد طاح عليه

غير كذا هل شكل الحديد من داخل البيت بيكون مقبول انا فكرت اني اسويه نفس طريقه حديد المداخن بس الشباكين كبار و قربين من بعض ما بينهم الا مسافة متر او متر و نص مو عارفه المسافه بالضبط بس بالشكل شكلها مو كبير

و لو حطيت الحديد داخل الصالات هل هذا بيأثر على نوعية الاثاث اذا هو موديرن او كلسك

ادري اسئلتي كثيره بس لقيت الخبره قلت و منكم نستفيد

[مدينة الخير]

[align=center]الزجاج العادي لا تختلف قوته ومتانته من نافذه لأخرى .. الا لو طلبت تركيب زجاج خاص لهذين النافذتين سمكه اكبر ومقسى ومعالج بالحراره ويسمى ( الزجاج الإنشائي ) Structural Glass وهو مثل الزجاج المنفذ لتكسية الابراج العاليه وكذلك درابزينات السلالم الداخليه لبعض السلالم

هذا الزجاج غالي الثمن وقد لا يناسب ان يركب مع الفريمات الألمنيوم المركبه لبقية النوافذ بالبيت

لذلك فأنا أقترح عليكي أحد الحلين التاليين :

1- تركيب قضبان حمايه معدنيه دائريه من الألمنيوم القوي أو من الحديد افقيه تثبت من الداخل بشكل افقي وبارتفاع 60 - 80 سم من جلسة النافذه





2- تركيب لوح زجاج انشائي شفاف أبيض سمك 12 ملم ضد الكسر .. أو من الليكسان الشفاف سمك 10 ملم .. من الداخل .. وبارتفاع 80سم من جلسة النافذه .. يكون حاجزا حقيقيا ضد الاصطدام


لو كانت جلسة النافذه هي نفسها أرضية الصاله .. فهنا يكون ارتفاع الحواجز هو 120 سم على الأقل من أرضية الصاله




شكل ولون القضبان المعدنيه الساده سيكون مناسبا أكثر مما لو ركبتي حديد حمايه كالنوعيات المنتشره وسيكون مؤذيا لأي شخص يصطدم أو يحتك به من الداخل .. ومن غير المناسب أبدا تركيبه من الداخل[/align]

[][ريح النفل][]

2- تركيب لوح زجاج انشائي شفاف أبيض سمك 12 ملم ضد الكسر .. أو من الليكسان الشفاف سمك 10 ملم .. من الداخل .. وبارتفاع 80سم من جلسة النافذه .. يكون حاجزا حقيقيا ضد الاصطدام لو كانت جلسة النافذه هي نفسها أرضية الصاله .. فهنا يكون ارتفاع الحواجز هو 120 سم على الأقل من أرضية الصاله



يعطيك العافيه اخوي مدينه الخييير والله ما قصرت

هذا الحل حلو بس فيه تساؤل انا ناويه احط زجاج هذي الشبابيك زجاج معشق هل ينطبق عليها هذا الكلام

و بالنسبه للصالات جلسة النافذه بالصاله الارضيه مرتفعه بمقدار نص متر تقريبا اما الصاله العلويه جلستها مرتفعه بمقدار 30 سم تقريبا

ما عندي صوره جديده لشكل الشبابيك بس هذا منظرها قبل التشطيبات



و ياليت تشرحلي اكثر عن كيفية شكله لأني مو فاهمه كيف على ارتفاع 80 سم من جلسة النافذه

يعني الي تحت هالمسافه وس اركب فيها ؟