ينتهي : 23-01-2025

العودة   منتديات شبكة المهندس > القسم الهندسي > استشارات هندسيه ( العمارة والديكور )

الملاحظات

استشارات هندسيه ( العمارة والديكور ) مخصص لتلقي الاسئلة و الاستفسارات و الطلبات


إضافة رد
 
أدوات الموضوع انواع عرض الموضوع
  #41  
قديم 04-03-2011, 09:51 PM
ابوجده ابوجده غير متواجد حالياً
مهندس مشارك
 
تاريخ التسجيل: Feb 2011
الدولة: السعوديه
المشاركات: 132
معدل تقييم المستوى: 14
ابوجده is on a distinguished road
304


معليش يالحبيب
سياره عائليه جمس وسياره كامري وياخوي كل واحد يحب يدلع نفسه ودي اطلع السياره للدور الاول لو كان بالإمكااااااااااااااان امزح لاتصدق









رد مع اقتباس










  #42  
قديم 04-03-2011, 10:47 PM
الصورة الرمزية جي آر
جي آر جي آر غير متواجد حالياً
مهندس رائع
 
تاريخ التسجيل: Feb 2011
الدولة: جــــده
المشاركات: 1,079
معدل تقييم المستوى: 15
جي آر is on a distinguished road
افتراضي



يا رجل مو حرام عليك

جمس تبي تدحشه الين باب الفيلا وحتي الكاميري أحسب عرض السيارة كم تعرف إيش قصدي

يستحيل بكل المقايس تدخل السيارتين بعرض 3 م لا وبعد معهم ممر للفيلا .

بعدين الدلع بيكون جوه البيت موعلي المدخل .. تبي الخواجات يضحكون علينا

الظاهر إنك ضد رياضه المشي

بس فيه حل ممكن تركب سير متحرك يدخلك الين باب الفيلا .. والله حركااااااااااااااااااات .. إيش رأيك بس ؟

تعال هنا من وين طلعتلي حكاية الباب اللي علي المدخل الرئيسي .. وإيش الحركااااااااات اللي تبي تعملها .. أعترف بسرعه .

شوف يا قمر مراح ينفع تجنب الباب دا باب خلفه باب رئيسي طل في المنظر وإنت داخل للفيلا .

بعدين تعال تاني .. اليوم راح أتعبك معي الين تقتنع أو تقنعني .

لا تخاف أي ديكور تبي تسويه راح يركب علي الباب وهو بالنص الا كنت ناوي علي شغلات غريبه

فأقلك أنتبه العمر مو بعزقه مع أم العيال

بالله عليك تبي الضيوف الحريم يقولون لأم العيال (وي .. إيش هدا .. مين صمملك المجلس كده )

( إشبه جي طويل زياده وما فيه عرض ) ولا تجيلك وحده تقلك ( لو تشوفي المجلس عندي .. طول بعرض )

وما راح تخلص من الكلام ، وبعدها إنت عارف أم العيال حتصب اللي سمعته فين

لازم تحسب حساب كل شيء يا سيدي .. تعال أحسب عرض المجلس بعد ما تحط الكنب كم الباقي اللي راح يفضل كممر لا حيكون فيه في النص طاوله ..

أقلك شوف أي غرفه عرضها 4 م وتخيلها مجلس .. وإنت تعرف كلامي صح ولا لا .

أما المصعد طلع إنه حكايته حكايه حاخليها مفاجأه ليك .


رد مع اقتباس
  #43  
قديم 04-04-2011, 07:52 AM
الصورة الرمزية جي آر
جي آر جي آر غير متواجد حالياً
مهندس رائع
 
تاريخ التسجيل: Feb 2011
الدولة: جــــده
المشاركات: 1,079
معدل تقييم المستوى: 15
جي آر is on a distinguished road
افتراضي



صباح الخير يا عسل



التعديل الي سار إضافة المصعد أخيراً بره الدرج .. شايف كيف سار .. حركااااااااااات

وتم تعديل مساحة الدرج من 430 سم الي 340 سم .. عرض الدرج زي ما هو 120 سم كل اللي سار إني صغرت دائرة الوسط من 190 سم الي 100 سم .

طبعاً دا أعطانا مساحه مع شوية ترحيل للدرج مقداره 16 سم طلع مكان المصعد بقدرة قادر سبحان الله .

المطبخ الخارجي أنا لم أحدده بجدار ليكون لك حرية تشكيله ورسمة المطبخ دا شكل الكاونتر اللي تصورته وليس جدار .

طبعاً حسب ما ترغب أم العيال تحط طاولة الطعام خارجه أو داخله وهو أفضل وأجمل ويكون طرف الكاونتر قرب الدرج مثل البار .. دي كلها حركه ديكور .

من عند جدار المطبخ لبداية الدرج مساحتها 5.3x4 وهي منطقه مفتوحه وخليها برسم المخطط مفتوحه بدون تحديد الشكل المرسوم أفضل تتحكم فيه بعدين وقت البناء بإذن الله .

سويت لك غرفة السائق والجنب التاني الجمس والكامري

ولا تقلي الصورة مهي صورة السيارة مهي جمس ولا كامري تري طالبها طلبيه ليك

يله علي الدور التاني عشان دا الدور اللي فيه حركات



طبعاً أنا مشيت علي نفس التصميم الأول مع تعديل بسيط

وأعتقد ما في أحلي من كده .. والمفاجأة اللي قلتلك عليها المساحه اللي جنب المصعد والدرج فراغ أحلي منه ما في يتعمل مسبح هيا لا تصدق

شوف المكان دا حيكون مكان البار بس وقت البناء مو علي المخطط لأنه يباله ديكور وتخطيط عشان ما يضايق المصعد .

كيف أنا معاك .. بار في وجه الصاله والله ما في أحلي من كده .

الدرج في الجنب اليمين مكانه مناسب ومهو مكشوف ..

ولا تقلي الدرج راح يكون بدون إضائه ومكتوم .. لأني مجهز الرد

شبابيك في أعلي الدرج من السطح أو سقفه تعمله زجاج أو لكسان .. يعطيك أحلي شمس في الدرج

الغرف كلها ليها خصوصيتها وخدماتها عدي الغرفة الي بجوار المصعد حمامها الله يكرمك مشترك حسب طلبك وراح يكون دولاب الملابس جداري وقت البناء .

طبعاً حافظت علي الشكل العام للدور كله ولو تلاحظ التصميم تلاقيه متناسق في المداخل والممرات

لأني تخيلت المكان بعد ما يتقفل جدار كيف راح يكون .. شغل علي مويه بيضا

يله علي السطح نشوف أخباره ايه



طبعاً زي منت شايف أحلي من كده ما في

عملت لك جناح كامل للشغاله والغسيل وباقي المساحه ممكن تعمل مطبخ صغير أو أماكن تخزين

إجمالي المساحه 7x4.8 طبعاً راح تكون مسقوفه بالكامل وياسلام لو كانت مرفوعه عن أرض السطح درجه وحده .

عارف حتقولي ليه .. عشان المطر لو تراكم في السطح ما يدخل علي الجناح .

وكمان عتبة نهاية الدرج لو كانت مرفوعه يكون أحلي

عشان أي ماء راح يتسرب حتلاقيه عندك في غرف النوم دي نقطه مهمه أنتبه لها .

وعملت لك حمام الله يكرمك للسطح مع مغاسله .. ونفس الشيء في سطح الشقق .

مع عمل مداخل ثاني من سطح الشقق عشان يكون سهل تنقلك بين السطحين .

أعتقد أنا كده كل تماااااااااااااااااااام ولا إيش .. لا لا لا تحك راسك وتفكر

ترى أنا سهران طول الليل علي التعديلات .. أبغي لما أصحي من النوم تقلي كله تمام

عشان راح أعزمك علي طلعت بحر .. ولا ماليك في البحر ..

ترى لازم نتقابل ونتشرف بيك

وعلي فكرة المقاول عندي وشغله علي كيفيك

وأنا بنفسي راح أشرفلك علي الشغل

ووقت الديكور شوف خيالي كيف راح يكون

يسلام شايف المحبة كيف سارت ربنا يسعدك

أسف علي الدش الكثير

وتقبل خالص تحياتي وتقديري


رد مع اقتباس
  #44  
قديم 04-04-2011, 08:05 AM
ابوجده ابوجده غير متواجد حالياً
مهندس مشارك
 
تاريخ التسجيل: Feb 2011
الدولة: السعوديه
المشاركات: 132
معدل تقييم المستوى: 14
ابوجده is on a distinguished road
افتراضي


الله يسر امرك ويبارك فيك انتبه اتشكك ام العيال فيه لانها بتسألني اش الحركات الي قلتها لي جي ار اعترف الله اسامحك ورطني معاها
شوف حبيبي
انا لمن قلت 3م ماراح احشر السيارتين مع بعض لكن حتكون خلف بعض برضه انا فيه مخ شويه
وأنا لمن قلتلك مدخل الرجال خليه 3م متر له هيبه ولمن قلتلك الباب الي في وجه مدخل الرجال وهوه حلقه الوصل بين الرجال والحريم لمن قلتلك زحفه جهه المغاسل على اساس انه اسوي فبه تجاويف جداريه حلو لمن تدخل مع مدخل الرجال وتكون قدامك يعني اخوك على نياته ما عنده حركات
انا في الانظااااااااار

رد مع اقتباس
  #45  
قديم 04-04-2011, 08:31 AM
ابوجده ابوجده غير متواجد حالياً
مهندس مشارك
 
تاريخ التسجيل: Feb 2011
الدولة: السعوديه
المشاركات: 132
معدل تقييم المستوى: 14
ابوجده is on a distinguished road
افتراضي


لا اله الا الله اقسم بالله انك ما قصرت حيكون بيني وبينك تواصل والعزيمه عليه ما هي عليك والله ما قصرت الف الف الف شكر

رد مع اقتباس
  #46  
قديم 04-04-2011, 08:42 AM
الصورة الرمزية جي آر
جي آر جي آر غير متواجد حالياً
مهندس رائع
 
تاريخ التسجيل: Feb 2011
الدولة: جــــده
المشاركات: 1,079
معدل تقييم المستوى: 15
جي آر is on a distinguished road
افتراضي


اقتباس:
المشاركة الأصلية كتبت بواسطة ابوجده مشاهدة المشاركة
الله يسر امرك ويبارك فيك انتبه اتشكك ام العيال فيه لانها بتسألني اش الحركات الي قلتها لي جي ار اعترف الله اسامحك ورطني معاها
شوف حبيبي
انا لمن قلت 3م ماراح احشر السيارتين مع بعض لكن حتكون خلف بعض برضه انا فيه مخ شويه
وأنا لمن قلتلك مدخل الرجال خليه 3م متر له هيبه ولمن قلتلك الباب الي في وجه مدخل الرجال وهوه حلقه الوصل بين الرجال والحريم لمن قلتلك زحفه جهه المغاسل على اساس انه اسوي فبه تجاويف جداريه حلو لمن تدخل مع مدخل الرجال وتكون قدامك يعني اخوك على نياته ما عنده حركات
انا في الانظااااااااار
هلا يا غالي

تري والله امزح أنا أقصد بحركات لما قلت أبي أسوي حركات في الباب عشان كده سألتك من باب الدعابه فقط ليس إلا ما أقصد شيء .. ربنا ما يجيب زعل بينكم .

تبي تضحك .. عارف إيش جاء في بالي تبي تسوي حركات عند الباب .. قلت يا حتسوي شلال يا كهف ههههههههههههه .. عشان كده قلتك الأفكار الغريبة راح تخلي أم العيال تثور .

أها فهمت عليك أوكي ترحيله ما فيه مشكله حتي لو ما أتحط في المخطط تقدر تغير وقت التنفيذ

وقت التنفيذ تقدر تغير حاجات كتير .. بس المهم في المخطط الأساسيات اللي حيعتمدها المهندس ومنها راح يعمل توزيع الأعمده والجدار وباقي الأمور الفنية .

الجنب اليسار أنا عارف إنه قصدك وراء بعض وكلامي معك كله مزحات عشان عارف انه اللي داخل في موال البناء بتكون أعصابه مشدوده ومتوتر فحبيت أعمل جو يفرفشك .

المشكله يا أبو جده مهي في النص متر المقصوص .. إنت شوف النص متر في اليمين كيف عمل خصوصية للفيلا بجزء كبير .. بعدين مو قلت خلاص خليه زي ما هو ؟

إنت ما قلتلي إيش رأيك في التصاميم اللي عدلتها تمام ولا لسه يبالها تعديل ؟


رد مع اقتباس
  #47  
قديم 04-04-2011, 09:01 AM
الصورة الرمزية جي آر
جي آر جي آر غير متواجد حالياً
مهندس رائع
 
تاريخ التسجيل: Feb 2011
الدولة: جــــده
المشاركات: 1,079
معدل تقييم المستوى: 15
جي آر is on a distinguished road
افتراضي


اقتباس:
المشاركة الأصلية كتبت بواسطة ابوجده مشاهدة المشاركة
لا اله الا الله اقسم بالله انك ما قصرت حيكون بيني وبينك تواصل والعزيمه عليه ما هي عليك والله ما قصرت الف الف الف شكر
أخيراً .. عجبتك ااااااااااااااااااااااه الحمد لله

بس بصراحه مدري ليش كنت مهتم جداً بالتفاصيل الدقيقه للمقاسات رغم إنه لو أختصرتها المهندس راح يفهم قصدي .. بس بجد حسيت نفسي بإختبار لازم أنجح فيه .

أهم شيء خلي في بالك نقطتين مهمه في عمل المخطط مع مهندسك إرتفاع السقف والدرج لأنهم مرتبطين ببعض .

حدد من الأن نوع التكيف شباك ولا إسبلت ولا كونسيلد ( إسبلت مخفي ) الأخير يحتاج سقف 340 أقل شي .

حدد ديكور السقف الجبس تبيه ساقط ولا عادي .. السقف الساقط يحتاج من 40 سم - 60 سم

مفاتيح الكهرباء معظم الناس بتلاقيه يحط فيشين بالغرفه ولما يجي يسكن يلاقي نفسه محتاج كل جدار فيش أو مكان الأفياش غير مناسب .

يعني إنت عارف الأمور الصغيره دي تتعب وتصدع بعدين

عشان كده إجلس إنت وأم العيال ورتبوا أفكاركم وسجلوها علي ورقه

دي نقاط مهمه تخطط لها قبل ما تعمل المخطط النهائي

والله يبارك لكم في المنزل الجديد ويكون قدومه قدوم خير وبركه وسعاده ياااااااااااااارب .

وتحياتي لكم جميعاً .

رد مع اقتباس
  #48  
قديم 04-05-2011, 04:23 AM
الصورة الرمزية جي آر
جي آر جي آر غير متواجد حالياً
مهندس رائع
 
تاريخ التسجيل: Feb 2011
الدولة: جــــده
المشاركات: 1,079
معدل تقييم المستوى: 15
جي آر is on a distinguished road
افتراضي


صباح الخير

شوف التعديل الجذري للصوالين كيف سار




رد مع اقتباس
  #49  
قديم 04-05-2011, 06:28 PM
الصورة الرمزية جي آر
جي آر جي آر غير متواجد حالياً
مهندس رائع
 
تاريخ التسجيل: Feb 2011
الدولة: جــــده
المشاركات: 1,079
معدل تقييم المستوى: 15
جي آر is on a distinguished road
افتراضي


[align=center]
حركاااااااااااااااات جديده في التصميم






[/align]

رد مع اقتباس
  #50  
قديم 04-05-2011, 08:26 PM
م محمد- م محمد- غير متواجد حالياً
مهندس مشارك
 
تاريخ التسجيل: Nov 2010
الدولة: جــــــــــــــــده
المشاركات: 130
معدل تقييم المستوى: 14
م محمد- is on a distinguished road
افتراضي





تصميم جيد ومتناسق وبدائل متعدده ومريحه
بالتوفيق اخي الكريم جي آر
جعله الله سكنأ وسكينة لساكنيه





رد مع اقتباس
إضافة رد

مواقع النشر (المفضلة)
إظهار / إخفاء الإعلانات 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:00 PM.


Powered by vBulletin® Copyright ©2000 - 2024, Jelsoft Enterprises Ltd. By : 4as7ab.com
Ads Management Version 3.0.1 by Saeed Al-Atwi
منتديات

منتج الاعلانات العشوائي بدعم من عرب للجميع