ارجوكم عايزة تصميم لمطبخى الصغير حالتى النفسية وحشة

[هايا]

رحت عند مهندس انا و خطيبى رفع المقاسات و بعد كده حطلى تصميم للمطبخ و قالى مينفعش غير ده وانا بصراحة مش عارفة اعمل ايه لان التصميم ده مفيش فيه غير دولاب زاوية واحد نفسى فتصميم شيك على المساحة الضيقة مع العلم انى عندى اجهزة ( غسالة وثلاجة و بوتاجاز مقاستهم فالصورة و انبوبة كمان عشان مفيش لسه غاز)

http://www.almuhands.org/forum/pictu...&pictureid=950

http://www.almuhands.org/forum/pictu...&pictureid=949

[ريم الربى]

تحياتي اختي العزيزة ، انا عملت توزيع يمكن يناسب طلباتك

مبدئيآ الثلاجة في مواجهة المدخل وبعدها الغسالة طبعآ هيكون عليها رخام زي باقي دواليب المطبخ والافضل تعمليلها باب زي باقي دواليب المطبخ علشان هي في مواجهة المدخل ، وبعدها الحوض واخد زاوية لإستغلال المكان وعلشان يكون تحت الشباك ، وممكن يكون الدولاب اللي تحته مكان للأنبوبة وبعد كده البوتجاز والركنة اللي بعده هتكون دواليب للمطبخ ، ومن الافضل انك تعملي الدواليب تحت الكاونتر اقل في العرض علشان تقدري تتحركي براحتك ..
ده تخيلي لتوزيع المطبخ ، يارب يساعدك في التصميم النهائي اللي انتي عاوزاه ، ومبروك مقدمآ

وده التوزيع زي ما تخيلته

[هايا]

انا متشكرة جدا جدا على ذوقك و على مجهودك معايا و انك اهتميتى و جزاكى الله كل خير و فعلا تصميم جديد

[ريم الربى]

ربنا يباركلك في بيتك الجديد ، والمهم ان الاقتراح يساعدك على الاستقرار على التصميم المناسب، واحنا اتعودنا في المنتدى هنا على كده ،اللي يقدر يدي رأيه ما يتأخرش .