أخيييرا.. مخطط $ بيت العمر$;للنقد و المناقشة... لا تخيبوا أملي يا رواد منتدانا الغالي

[أم فلوحي]

شوفي طريقة هالصاله هذا قصدي والنوافذ تكون امام المدخل

وانه افكر اسوي هالطريقه عند نوافذ صالتي احواض صغيره تحطين فيها شموع وحجر بتطلع روعه مع الحديد المشغول





وهذي توضح الحديد الي ع جوانب الصاله




وسامحينا ع القصور وان شاء الله تعجبك الافكار

[رسيس]

اختي العزيزة ..falohy
ما هنا قصور بالعكس الله يعطيك العافية و يبارك لك في عمرك ..
يبدو اننا في الهم سوا ..
اطلعت على موضوعك...ماشاء الله تصميم حلو .. الله يبارك لك فيه..
تصميم الدرج عندك تقريبا نفس تصوري لدرج منزلي مع اختلاف عدم وجود استدارة بل هو على شكل L...

بالنسبه لمدخل العائله تمنيت يكون مدخل منفصل عن الصاله جعلت الصاله عند العتب نص دائره وخليت العتب في النص مو حلو تدخلين يمين درج ويسار عتب الصاله ان شاء الله واضح قصدي وتعملين حديد مشغول للجوانب يعطي منظر للمدخل

راح ادرس اقتراحك بالنسبة للصالة و اعمدتها و اشوف اذا ممكن تنفيذها و الا لأ.. لأنه بصراحة انا تصورت نفسي ادخل للبيت .. فعلا زي ما قلتي .. فكرتك رائعة و راقية ..

المخزن الباب في النص مثل ما اقترحت علي اختي ملكة الحسن عشان يكون مكان كافي للدولايب

بالنسبة لباب المخزن.. ما تظنين ان المسافة اللي راح ياخذها الباب لما ينفتح راح تعيق انسيابية الحركة في المخزن .. فبدلا من ان يكون الباب مستندا على الجدار عند فتحه.. سيكون منتصفا في المخزن عائقا سهولة الوصول الى المنطقة التي خلفه.. بالنسبة لأماكن الدواليب انا طلبت من المهندس ان يجعل نوافذ المخزن قريبة من السقف بشكل طولي ماأ دري فهمتي قصدي و الا لا .. يعني يكون امتداد النافذه يمين و يسار بدل ماهو فوق و تحت على شكل مستطيل اعلى الجدار لغرض التهوية و الإنارة و لكي لا يشكل عائقا من وضع خزائن بطول الجدار للإستفادة من المساحة>>>>>>>>> شكلي هرجي واجد صح..!! بس المهم فهمتي و الا لأ؟؟

غرفة الطعام اما تدخلينها مع المطبخ او ترفعينها عتبه مثل ما وضحت بالصوره

بالنسبة لمنطقة الإفطار على فرض حبيت ارفعها بدرجة عن مستوى الأرض..كيف راح تكون منطقة التقاء المنطقة المرتفعة بمنطقة المطبخ .. يعني انت تشوفينها عملية اني ارفع المنطقة و اخلي بينها و بين المطبخ عتبة؟؟؟؟
ما ادري اذا كنت فهمتك صح .. بس اتمنى انت فهمتي استفساري يالغالية؟؟

نوافذ يبيلها ترتيب وتوسيط بالحجر

لييش؟؟ ما فهمت؟؟

شاكرة الف لك لمرورك الكريمو وقتك الثمين ..
و بالأخير منكم نستفيد..

[أم فلوحي]

موسوعه اخي محمد نابلس
بارك الله فيك

[أم فلوحي]

المخزن الباب في النص مثل ما اقترحت علي اختي ملكة الحسن عشان يكون مكان كافي للدولايب

بالنسبة لباب المخزن.. ما تظنين ان المسافة اللي راح ياخذها الباب لما ينفتح راح تعيق انسيابية الحركة في المخزن .. فبدلا من ان يكون الباب مستندا على الجدار عند فتحه.. سيكون منتصفا في المخزن عائقا سهولة الوصول الى المنطقة التي خلفه.. بالنسبة لأماكن الدواليب انا طلبت من المهندس ان يجعل نوافذ المخزن قريبة من السقف بشكل طولي ماأ دري فهمتي قصدي و الا لا .. يعني يكون امتداد النافذه يمين و يسار بدل ماهو فوق و تحت على شكل مستطيل اعلى الجدار لغرض التهوية و الإنارة و لكي لا يشكل عائقا من وضع خزائن بطول الجدار للإستفادة من المساحة>>>>>>>>> شكلي هرجي واجد صح..!! بس المهم فهمتي و الا لأ؟؟

فهمت عليك اختي بس ما فضل نوافذ في المخزن عشان المساحه تكون كافيه للدواليب وعن دخول الحشرات والغبار للمخزن والباب بالنص احسه عملي اكثر هذا رأي وانتي شوفي المناسب لك

غرفة الطعام اما تدخلينها مع المطبخ او ترفعينها عتبه مثل ما وضحت بالصوره

بالنسبة لمنطقة الإفطار على فرض حبيت ارفعها بدرجة عن مستوى الأرض..كيف راح تكون منطقة التقاء المنطقة المرتفعة بمنطقة المطبخ .. يعني انت تشوفينها عملية اني ارفع المنطقة و اخلي بينها و بين المطبخ عتبة؟؟؟؟
ما ادري اذا كنت فهمتك صح .. بس اتمنى انت فهمتي استفساري يالغالية؟؟

عنك بالصوره بالون الاحمر بيكون مرتفع مع المطبخ

نوافذ يبيلها ترتيب وتوسيط بالحجر

لييش؟؟ ما فهمت؟؟

النوافذ عنك مايله للجنب اكثر من وسط الجدار خليها متساويين بالنص
مثل هالصوره الشباكين متوسطين الجدار




ما ادري زوجي ما يحب الغرف الكبيرة .. ورافض تماما مبدأ ان غرفة النوم تكون واسعة زيادة( يقول نفسيا ما ارتاح ) علشان كذا اضطريت اني اخلي الغرفة بهذا المقاس .. وانا نفسي اكبر لأنها مملكتي الخاصة و يها امارس حريتي لكنه رفض الفكرة قلبا و قالبا..

التوسعه بتكون لعمل جلسه وخلي الغرفه على حجمها
يعني تخيلي هالصوره مدخل غرفتك امامك شباك طويل وعلى يمينك غرفة الملابس والحمام ويسارك فتحة قوس تدخلك على الغرفه والله زوجك يبيله اقناع الغرفه لازم تكون رومانسيه وجميله

[أم فلوحي]

اخي المشكله ان الواحد اذا بيبني استشار احس بعض المهندسين يبيلهم مراقبه شديده يعني إلي موفاهم يروح فيها من كثر الاخطاء الإنشائيه
وهذا من ذوقك اخي

واختنا رسيس الله يعينها على الملاحظات

[رسيس]

استاذي / المهندس..محمد نابلس
ابدا و الله المسأله ما فيها زعل .. بس انا كنت مشغولة و توني اشوف ردودكم...
و بعدين ليش ازعل و انتم تعملون لما فيه صالحي و صالح اسرتي مستقبلا..آرائكم اعتز بها و ان كنت وضعت التصميم فانا في النهاية لست مهندسة .. و لا علم لي بقوانين العمارة و اصولها ... و لهذا لجأت لأهل الخبرة>>>>> انتم .. للأخذ لآرائهم وملاحظاتهم..
و ما زال بالي اوسع من هضبة نجد و أرائكم هالمرة طويلة و يبغى لها تفكير علشان اعرف ارد عليكم...

الأخت falohy مازلت رائعة كما عهدتك..
لي عودة انشاء الله الى الموضوع لمناقشة ما تفضلتم بطرحه..

يعطيكم العافية ..

[qumar]

اختي رسيس
الله يوفقك ويبارك لك في بيت العمر
انا شفت مخططك عدة مرات وترددت اعطي رأي لأني مش مهندسه وترددت اكثر بعد ما شفت اراء ام فلوحي ما شاء الله عليها اللي تتكلم عن خبره من مخططها لبيت العمر وكذلك المهندس محمد نابلس اللي بيفصص المخطط بالمسطره ما شاء الله
لكن عزيزتي وعلى كل بعطيك بعض الاراء لمخططك وان شاءالله بالك طويل مثل ما قلتي
ببدأ بالطابق الارضي اما الدور الاول فمره ثانيه بإذن الله
1-انت اهتميتي بالناحيه العمليه للبيت وتركتي الناحيه الجماليه بالمره والمفروض تكون عندك فكره عن شو رح تحطين في البيت من ديكور عشان تحسبين حسابه في المخطط مثل ما سوت اختي ام فالح في اقواس الصاله الارضيه
2- المهندس اذا ما كان قادر يخفي عمود او يحاسب علي مكان الشبابيك في منتصف الجدران ويعطيك بعض الاراء الهندسيه فالافضل تغيره الان قبل فوات الاوان لأنه ممكن يعمل اخطاء ثانيه انتوا ما عندكم خبره فيها في الكهرباء والسباكه(مثل ما قالت ام فلوحي) وأنا اتكلم عن خبره لأن هذا اللي حاصل معاي الحين مع خارطة بيتي وأنا في طور البناء.
3-مساحة الفلا ما شاء الله كبيره فليش المداخل ما تكون كبيره والاعمده لو تكون كبيره ومرتفعه لنهاية الدور الاول حتى منظرها يكون احلى للي يشوف البيت من خارج السور
4-باب مدخل النساء داخل لو تزيحينه على داخل شوي وتستغلين المسافه اللي صارت قبل الباب في ثريا او وضع ازهار حول الباب وشكل الباب بهذي الطريقه يعطي فخامه اكثر للبيت ومنظر ارقى
5-كذلك لو تسوين باب مدخل العائله نفس الطريقه والدرج بيصير دائري مثل درج ام فالح اذا شفتي مخطط بيتها (عاد لا تزعل منا ام فالح بنسوي الدرج دائري عشان باب العائله ينزاح على داخل شوي)
6-باب مدخل السيدات مثل ما قال المهندس محمد احسن لو يكون اعرض عن كذا ولكن يحدك العمود بس لو ازحتيه للداخل فممكن توسعين فيه على راحتك
7-مدخل الخدمه مفتوح مباشره على المطبخ وكذلك على الدرج والخوف لا توصل ريحة الطبخ لفوق فليش ما تسوين باب يفصل المطبخ ويكون عند بداية المخزن.
والله يعينك ويوفقك اختي ويصبرك على الاراء والاذواق

تقبلي تحياتي

[qumar]

يعينك ربي يا رسيس
كاني بغير شلك مجلس الرجال عندك كليا هو حلو انه يكون خارج البيت بس احس انه قريب وايد من غرفة السواق اللي بعد غيرت فيها شوي
والمغاسل بعد تطل على المخزن المفتوح بيغطي على منظرها اللي المفروض انه يكون مرتب وحلو
ان شاء الله اقدر افهمك التغيير
اتخيلي مدخل مجلس الرجال مع المغاسل مع الحمام غرفه وحده كبيره ومش مقسمه والحين بنقسمهن جهة شباك المجلس الحالي جهة مدخل موزع عريض يؤدي الى باب المجلس واقصى اليمين سيكون قوس المغاسل و بعدها الحمام وسيكون شباك المجلس على يسار المجلس طبعا لانه المكان الوحيد الي بيكون مناسب له
وبعيدين المخزن اللي كان مطل على المغاسل تسكرينه وتفتحينه على المخزن اللي جنبه بحيث يكونون مخزن واحد بس
وغرفة السواق لو يصير الباب يفتح على الغرفه على طول وفي نهاية الغرفه ومقابل باب الغرفه باب يدخل على ممر صغير ممكن يستخدم كمطبخ صغير للسواق يفتح من جهة اليسار على الحمام اللي بيكون جهة جدار الحوش بدل ما يكون في وجه الحوش
ان شاء الله تفهمين علي

[أم فلوحي]

هلا وغلا اختي qumar
لازعل ولا شي بالعكس الدرج مكانه كان موعاجبني من الاول بس اكتفيت بالتغييرات البسيطه عشان اختنا رسيس جاهزه بالمخطط وعلى الفرن مثل ماقالت
بارك الله فيك مقترحات ررررائعه

[qumar]

أخي محمدنابلس
جزاك الله خيرا على ردك المشجع وانا مسروره اكثر بالمشاركه معاكم


أختي ام فلوحي
لا يعلى على مقترحاتك ما شاء الله عليك ومقترحاتك هي الاروع عزيزتي