تخطيط قاشي حمامي الماستر...ساعدوا إختكم والله يجازيكم خير

[new_aml]

أخواني الأفاضل

نتواصل معكم بأسئلتنا والتي تنتظر أجوبتكم بما تحمله من إبداعات

طبعا كل خطوة في بيتي ما قدر أسويها إلا أستشيركم فيها، وبما أني الآن في مرحلة وضع القاشي في الحمامات (أعزك الله) الرجاء التكرم بمساعدتي في تصميم القاشي لحمام الماستر.

أختكم توها جايه من الصين وجايبه معاها القاشي والكمية إلي يبتها هي 6 قطع فقط (لا تضحكون علي) من قاشي حجمه 30*45 وهذا يمثل البورد (في تشكيلات حلوة) والباقي طبعا لون بيج ساده مايل على البني.

طبعا مادري شنو في بالي لما أشتريته بهالكمية وألحين متوهقه كيف أستفيد منه.

آنه حمامي 3.4*3.8 ويحتوي على بانيو وباقي الأدوات الصحية المعتاده.

أتمنى إنكم تساعدوني والله يجعله في ميزان حسناتكم.

[new_aml]

آسفه غلطت
القاشيه الكبيره حجمها 30*60

والباقي 30*30

بإنتظار مهندسينا الأفاضل

[new_aml]

عسى ما شر وين أخوانا المهندسين؟

[مسس شنطه]

هيلاهوووووووووووووووووب


موضوع مهم رفعته لك

[أدهم]

موضوعك ينفع أحد ألغاز رمضان



6 قاشيات 60 × 30 ... لحمام 3,80 × 3,40 متر

ذكرتيني ببيدان الحلوى




لكن ولا يهمك

[أدهم]

الحل الوحيد بنظري عشان تستفيدي من هالـ 6 بلاطات هو تقطيعم الى أجزاء تستخدم كبوردر



طبعا تقسيمها بيكون بحيث تعطينا قطع بوردر طولها = 30سم

يعني ممكن تقطعي البلاطه الواحده الى 6 قطع بطول 30سم وعرض 10سم
وبهالحاله بيكون عندك بوردر بطول 10,80متر ( أقل من محيط الحمام )

وممكن تقطعي البلاطه الواحده إلى 10 قطع بطول 30سم وعرض 6سم
وبهالحاله بيكون عندك بوردر بطول 18 متر ( أكبر من محيط الحمام )


وممكن تقطعي البلاطه الواحده إلى 12 قطعه بطول 30سم وعرض 5سم
وبهالحاله بيكون عندك بوردر بطول 21,60 متر ( أكبر من محيط الحمام )


محيط الحمام عندك هو : 14,40 متر

فلو استخدمتي البوردر بعرض 10سم ... فلن يكفي البوردر لمحيط الحمام

لو استخدمتي البوردر بعرض 6سم ... بيكفي وبيزيد

لو استخدمتي البوردر بعرض 5سم ... بيكفي وبيزيد

وممكن تقطعي قطع البوردر اللي بعرض 5 سم الى قطع وتصير 5 × 5 سم .. وتتستعمليهم كقطع موزاييك بوردر بالتبادل بينهم وبين قطع مماثله تقطعيها من بلاط الـ 30 × 30 وهنا ممكن تحصلي على خطين بوردر بالراحه ( سفلي وعلوي )


طبعا عملية التقطيع لازم تكون بماكينة قص بعمل بالماء مع ديسك ليزر عشان الحواف تطلع مستقيمه وبدون تشذبات





حوسه هالست بلاطات

مع تمنياتي لك

[new_aml]

إي والله حوسه هالبلاطات
وإنت بعد ما قصرت

راح أحاول أقراه كم مره عشان أفهم شنو تقصد
وعلى فكره كل بلاطه(30*60) هي عباره عن نقشه بحالها يعني ما أعتقد أقدر أقطعها لأنها راح تختفي معالهما وتصير غير مفهومه وموحلوه

ما قصرت أخوي أدهم

[new_aml]

في بالي فكره شوف إشرايك فيها

إني أخلي بلاطه بو 60سم وجنبها على طول بلاطه بو 30 ثنتين فوق بعض عشان يشكلون هالثنتين وحده بو 60 في النهايه يصير عندنا بلاطه 60 المنقوشه وجنبها بلاطه بو 60 ساديه ما فيها نقش...وهكذا أسويهم إلى تحت

وطبعا باقي الحمام يصير قاشي عادي بو 30

شكلي دورت راسك أخوي أدهم إسمح لي

الله يجعله يارب في ميزان حسناتك ويوفقك يارب

[أدهم]

يبي لي من حلوى ومن رهش ومنين متاي .. يالله يالله أقدر أفهم

ترى العيب من الفول .. اللي على طول

[زهور البحر]

والله الفول شغال ............صح هههههههههههههههههههههه

وعامل شغلو تمام مع الاخ ادهم ههههههههههههههههههههه



بالتوفيق اختي .............