مخطط فيلا تحت التصميم لملاحظاتكم

[dr.crazy]

أم سيرين
حياك الله و بياك, أسعدتني مشاركتك

أخوي إبراهيم
و الله اني افرح بمشاركتك و ملاحظاتك

ماادري قصدك زي كذا

[أم شهد**]

ماشاءالله صراحة التصميم روعة،،،،،،،

[ابراهيم مسلم]

نعم ماشاء الله عليك لقطتها
وانت حاول تصيغ هالفكرة بأشكال متعددة الى ان تصل الى الشيء الأجمل
لكن باب الغرفة معطي تشويش للصالة لانه اذا رغبت ان تكون الطاولة قريبة من الجدار الباب يكون عائق
والا تكون بالمنتصف قرب الدرج
ملاحظة على الديوانية 4*7 ماشاء الله يعتبر مجلس كبير لكن المساحة مهدرة بسبب دورة المياه وبالنسبة للروائح حتى لوكان استخدامها قليل راح تظهرالروائح
طولت عليك لكن هلحين جتني فكرة غير مدروسة ليه ماتعكس الديوانية مكان غرفة الضيوف

[dr.crazy]

ما شاء الله عليك يا إبراهيم الصراحة شغلك باين في هالقسم الله يكتب لك الاجر

بالنسبة لباب غرفة النوم و الصالة كلامك اقنعني و راح اغيره ان شاء الله حتى يقابل باب المطبخ لانه أساسا راح تكون مخزن يعني مو مرة على الروائح

[aysha.r]

تخيلوا الصاله عليها 8 أبواب وبدون اي شباك وغرفة النوم بابها مباشرة على الصاله عدا المساحات الضائعة هنا وهناك يجب اعادة النظر بالمخطط باكملة لا ارى تناسق فهو عبارة عن غرف موزعه هنا وهناك بدون دراسه
اقبلوا الأحترام

[شايب نت]

التصميم رائع بعد التعديلات بس عندي سؤال أقدر أبني فوق شقق يعي الفله تكون الدور كامل ونصف من الدور الثاني ويكون النصف الآخر شقه والدر الثالث شقتين يعني فله فوقها شقق والاماينفع
متردده ودي في هذا التصميم بس الحين عيالي كبروا وبيتزوجون ودي أوفرلهم مسكن شوروا علي جزاكم الله كل خير

[عطاءخير]

ماشاء الله تبارك الله

[بندر محمد]

مرحبا اخوي منزل مبارك انشالله انا ابي اعطيك اقتراحاتي انشالله تفيدك

1-نبدأ في خارج البيت وش رايك تبدل في اماكن موقف السياره مع الديوانيه ويكون مدخل السياره في كورنر البيت ويكون مدخل الديوانيه يمين مدخل الرجال واطواله تكون كاالأتي 3.5 في 4.5 معاها حمام صغير كسبت هينا مساحه اكبر للحديقه في الغاء الحمام والكراج يكون مفتوح وخصوصيه اكبر للحديقه وانسب بما انك تفكر تستثمر شقتين للأجار على الأقل ومدخلهم صغير وبجانب مدخل السياره احس انها بتكون زحمه ومشاكل شوري عليك تنقل المدخل للكورنر


2-مدخل الرجال ممتاز ولاكن غرفة نوم الضيوف لو تظيف فيها حمام على نفس المساحه ولاكن على حساب مساحة الغرفه بحيث تكون مقاس الغرفه 4 في 4 والحمام 1.5 في2.5 ومدخل للغرفه 1.5في 1.5 كسبت هينا انك حولت غرفة الضيوف الى جناح كامل و عطيت ضيفك خصوصيه كامله

3-حمام الرجال يصغر وتلغي الشور لأجل انك تكسب مساحه اكبر للمغاسل بحيث يكون عندك 3مغاسل بدل 2

4-مدخل النساء اوافق الرأي للشباب الي قالوا لك توسع العرض عندك امكانيه على حساب عرض الحمام عندك 1.8 خليه 1.5 في 1.6 مساحه معقوله جدا للحمام بكذا كسب 30سم لحساب مدخل النساء بحيث يكون عرضه 2.10 هاذا اكثر شي نقدر نعرض المدخل على حساب الحمام المداخل مهم فيها الشراحيه خصوصا لاكانت رئيسيه

5-غرفة النوم الي جنب المطبخ غير مكان الباب للغرفه وخليها الغرفه جناح زي ماسويت في غرفة الضيوف حقت الرجال اجمل للصاله ويكون مدخل الجناح قدام الدرج ومدخل المطبخ خليه قدام المقلط
واذا كنت تقول حمام الغرفه بيكون حمام خدمه وعام انا اقولك حمام النساء يكفي

6-الجدار الي بين مدخل العائله ومغاسل النساء تلغيه تعطي شراحيه اكبر خصوصا انه يفصل بين منطقتين ضغيره

7- افتح باب في المطبخ بجانب باب القلي على خارج البيت
و الغي الباب الي في غرفة القلي الموصل الى المستودع بحيث يكون مدخل المستودع من الخارج لان غرفة القلي ضغيره جدا وبهاذا الحل كسبت مساحه اضافيه للغرفه وفوائد باب المطبخ الأضافي كثيره اولا اذا كان عندك عزيمه كبيره وجايب من مطعم العمال بدل مايدخلون البيت يجون من عند الارتاد
ثانيا تستفيد في كورنر الارتداد في التخزين وتكون منطقه حيه تقدر توصل لها في كل سهوله.

اتمنى اكون اضفت شي مفيد
تحياتي

[م/ بدر]

المشاركة الأصلية كتبت بواسطة dr.crazy

مرحبا 1000 ياهلابك

م/بدر
المكتب مشهور على مستوى المنطقة الشرقية ولا هو رخيص. ليتك ذكرتك ملاحظاتك حتى اقدر اناقشك و اناقش المكتب.

على العموم التصميم انا سويته قلت بدل ما اسوي سكان للي اعطاني المكتب و يكون اوضح

التصميم الي انت سويته؟؟ او رسمك لتصميم المكتب؟؟

على العموم يا اخي اتمنالك التوفيق و انا اعتذر عن ابداء ملاحظات... على المخطط لسبب بسيط لأن ملاحظاتي على المخطط يبيلها يوم كامل فقط لكتابتها ...

تقبل وافر التحية