مرحبا اخوي مشوار اسفه على التاخير بس يشهد ربي ان مخططك شاغل بالي وحبيت اغير شوي بمخطط الدور العلوي
[IMG]
[img]http://www.ii1i*****/uploads/e9c24e4b16.jpg[/img][/IMG]
وبتكلم عنه جزء جزء
غرفه النوم الرئيسيه اهم مكان بالبيت وبصراحه انا معجبني مكانها لسببين اولا عزلتها عن البيت لموقعها بزاويه
وثانيا منظر الحديقه
تلاحظ الدوائر الخضراء قصدت فيها شباك واذا ملاحظ اقترحت فتح شباك اضافي مطل على مدخل الرجال والسبب ان هذا الشباك تقدر تفتحه باي وقت باليوم وما فيه اي مشكله من ناحيه كشف الغرفه لانه مطل على بيتك وصدقني مهم في التهويه
واذا ملاحظ غيرت مكان مدخل الحمام وغرفه الملابس والسبب علشان تستفيد من اكبر مساحه ممكنه لوضع دواليب وغير كذا من ناحيه جماليه بحيث انك مو من اول ما تدخل الغرفه الملابس والحمام في يسارك بالعكس يضع مكانها لوحه مع اضاءه خافته لتكون مدخل رائع للغرفه وطبعا الباب من داخل الغرفه يكون باب سحاب علشان ما ياخذ مكان
نجي لموقع السرير اقترح انه امام باب غرفه الملابس والسبب انك تستفيد من
ديكور الستار كخلفيه للسرير وما تنسى عندك شباكين واحد يسارك وواحد يمينك وغير كذا انه ما راح يكون بوجه باب غرفه النوم وفيه خصوصيه
وجلسه على الشباك المطل على الحديقه ولو قدرت توسع الشباك يكون اجمل (في بيتي شباك الغرفه الرئيسيه مطل على المسبح وفتحناه للارض زي الباب تقريبا وراح نضع شرائح خشبيه من داخل الغرفه لتكون كالبلكونه اتمنى تكون فهمت )
غرفه نوم اللولاد واضحه
غرف نوم البنات فكرت انك تضع قسم خاص او موزع للبنات والسبب خصوصيه البنات وغير كذا استغلال الممر الي راح يكون ضايع وتلاحظ اني وضعت دولاب صغير في الممر وانا افكر انه يكون للاحذيه لانها غالبا مشتركه بين البنات
تلاحظ نقلت الاوفيس واضفت له طاوله طعام صدقني اذا عندك عيال بسم الله عليهم يحتاجونها والسبب مثلا الفطور الصبح لما يسوي ساندوتش ويبي يفطر حلو ياكل على الطاوله وانظف من انه يشيله للصاله او غرفته
وجبات الفاست فود او اخر الليل
بصراحه احنا عندنا بالعائله مهمه طاوله الطعام العائليه اذا فيه اطفال تكون فوق واذا شباب عادي تحت
بس غير طاوله الطعام الرئيسيه
الصاله مفتوحه تقدر تنوع الجلسات بحيث جلسه بسيطه بالقرب من الدرابزين (على حسب عمر اطفالك اذا صغار ما ينفع )
جلسه بالقرب من قبه قسم الرجال
وكرسيين وطاوله جهه النساء
اتمنى تكون فهمت فكرتي
05-02-2008, 03:13 PM
العرض المتطور
