وش رايكم بوضع بيت الشعر بالسطح

[خطخطابيط]

السلام عليكم ورحمة الله وبركاته

اخواني انا حاليا جالس ارتب الشقة في بيت الاهلي استعداد للزواج باذن الله

الشقة بتكون جزئين جزء بالدور الثاني وهي غرفة نوم وصالة وغرفة طعام

وبالسطح ببني ملحق فيه غرفة ومجلس ودورة مياه

وبصراحة ودي احط بيت شعر او خيمة جنب الملحق بمساحة 4*4

رحت سألت قالوا لي خيمة جلد يعني تكلف 6000 لمساحة 4*4

وش رايكم في فكرة وضعها بالسطح

[ميرو2009]

ياريت اللي عنده خبره يفيدنا الموضوع جاء في وقته

[خطخطابيط]

الله يعطيكم العافيه وين ارائكم

[ابو المثنى $]

جمعت لك غالبية عيوب بيت الشعر من المنتديات:

1- يحتاج عزل من الماء بالخارج.
2- فيه حشرات صغيرة سوداء تاكل الصوف وتحتاج دوما للرش بمبيد.
3- إذا يتعرض للشمس بعد فترة راح يحترق الصوف وصيانته مكلفة ومتعبه .
4-يجمع الغبار والتراب بشكل غير طبيعي.
5-الشعر الأصلي مع الأمطار والمياه تطلع منه ريحة كريهه تصير كأنك جالس في حوش غنم.
6-عمر بيت الشعر الافتراضي أقل بكثير من عمر الملحق.
7-بيت الشعر غالباً وقت التغيرات المناخية كالأمطار أو العواصف الترابية يبقى له أثر إما على سقف البيت أو ضرر الماء به وعلى جدرانه .

[ساكن حائل]

غرفة 4 × 4 مسلحة تكلفتها الانشاءية التقريبية 7000 ريال
و مع الطرطشة و التليص و تأسيس الكهرباء بتوصل التكلفة 10 آلاف ريال

بيت الشعر صار دقه قديمة و نادر ما نشوفه مستخدم في البيوت
خاصة الحديثة

بالتوفيق

[راعي الافلاج]

سوى لك بيت شعــر ولاتشيل هم شي
البيت كله غرف واذا دخلت بيت الشعر تحس بجو ثاني
اهم شي يكون متبوك ومسكر من الاسفل واعمل له صبه وارفعه من الارض 30 سم
وابني لك بلكتين تكون خلف المساند
وانتبه تسوي شباك
وانتبه كذلك من الحداد لايعمل لك تيوبات صغيره
واعمل تاسيس للسبلت
والاناره لاتكثر حط نجفتين واسبوتلايت
وسقف بيت الشعر لابد يكون من اربع طبقات وعوازل
ولاتنسى الوجار ولاتكبره ولاتكون فتحة انار باتجاه الشمال
وفقك الله

[خطخطابيط]

المشاركة الأصلية كتبت بواسطة راعي الافلاج

سوى لك بيت شعــر ولاتشيل هم شي
البيت كله غرف واذا دخلت بيت الشعر تحس بجو ثاني
اهم شي يكون متبوك ومسكر من الاسفل واعمل له صبه وارفعه من الارض 30 سم
وابني لك بلكتين تكون خلف المساند
وانتبه تسوي شباك
وانتبه كذلك من الحداد لايعمل لك تيوبات صغيره
واعمل تاسيس للسبلت
والاناره لاتكثر حط نجفتين واسبوتلايت
وسقف بيت الشعر لابد يكون من اربع طبقات وعوازل
ولاتنسى الوجار ولاتكبره ولاتكون فتحة انار باتجاه الشمال
وفقك الله

اخوي الله يعطيك العافيه
يعني تقولي ما اسوي الشباك ؟؟؟
بس ماتشوف ان الشباك ضروري ؟

[خطخطابيط]

المشاركة الأصلية كتبت بواسطة ساكن حائل

غرفة 4 × 4 مسلحة تكلفتها الانشاءية التقريبية 7000 ريال
و مع الطرطشة و التليص و تأسيس الكهرباء بتوصل التكلفة 10 آلاف ريال

بيت الشعر صار دقه قديمة و نادر ما نشوفه مستخدم في البيوت
خاصة الحديثة

بالتوفيق

اخوي الله يعطيك العافيه ممكن التفاصيل كيف حسبتها 7000 ووش نوعية السقف