أخيييرا.. مخطط $ بيت العمر$;للنقد و المناقشة... لا تخيبوا أملي يا رواد منتدانا الغالي

[رسيس]

حياك الله اختي الغالية/
بالنسبة لغرفة ملابس البنات .. المساحة اللي فوقها ليست بلكونة .. نافذة فقط.. عزيزتي و هل جونا او بيئتنا تسمح بوجود البلكونات ؟؟؟ مجرد مساحة ضايعة للغبار و الشمس... معاي حق و الا لأ ؟؟؟

بالنسبة لغرفة النوم الرئيسية ..:أنك تقرأي افكاري .. انا شفت كذا فيلا فيها نافذة مطلة من الغرفة على مدخل المنزل ..و يمكن و بشدة تنفيذها في التصميم المرفق.. بس ابو الشباب راسه يابس .. يقول ماله داعي 3 شبابيك .. وين تحطين الأثاث بعدين؟؟ لكن انا وراه لحد ما ما أقنعه!!!!

ياليت توضحين لي فكرتك عن الممر اللي في غرفة النوم الرئيسية؟؟

بالنسبة لتوزيع دورات المياه.. كله من راس المهندس.. و لا عجبني ابدا ابدا.. و ناوية اغيره 100%.

يعطيك العافية حبيبتي.. اسعدني تفاعلك و افكارك الرائعة و ملاحظاتك ...

ربنا يوفقك ..

[deniz]

اختي الغاليه
بالنسبه لتوزيغ الاثاث في فرفة النوم الرئيسيه ممكن تسوي شباكين صغار و وسطهم السرير (لو حددتي طبعا موقع السرير)،هذه الفكره من الأستاذه الكريمه ملكه الحسن اقترحتها لأحد من الأعضاء وهي اظن فعلا عمليه جدا، و يعطي منظر حلو . أ أحس لو تسويه في الواجهه اللي عل الحديقه امكن تتطلع حلوه لإنها نفس عرض الصاله العائليه يعني حيكون في تناسق
على فكره لو تعطينا صور الملحق و الواجه التانيه اللي على الشارع لانها واجهه مهمه أيضا

[deniz]

معليش ان بضطر ارسل الرسائل من دون ما أكملها بس عشان النت بيعلق كتير و بعض الأحيان اكتب و أكتب و فجأه .....
أنا أبغى أعطيكي فكره عن باب مدخل العائله،ممكن تسويه عاااالي لأانه عندك مجال,يعني لو تسوي شباك امكن يبغالك ستاره و كيف حتعلقيها يعني خلليه مختلف عن المدخل التاني و ممكن تسوي أعمده فخمه

[رسيس]

السلام عليكم..
عفوا عزيزتي ما فهمت قصدك بالنسبة للباب العائلي.. ؟؟ بس حابة اقولك شغلة.. النافذتين الصغار اللي فوق المداخل راح تكون للإنارة فقط.. يعني ديكور زجاج ملون او معشق ما راح احط ستارة الا يمكن في غرفة الملابس تبع البنات لزوم الديكورالداخلي.
يعني راح يكون شكله من داخل زي كذا ..


بالنسبة للملحق.. المخططات لا تزال عند المهندس ..
و هو ذو واجهة تقريبا نفس واجهة الفيلا بصفة عامة .. علشان يكون فيه تناسق لشكل الفيلا و الملحق من داخل السور..

و اقولك حاجة ياليت تخدميني فيها..
المهندس صمم لي سور للبيت يجيب المرض .. لما رحت اخذت لفة على الفلل الجديدة لقيت 80% منهم عاملين نفس السور .. شي ممل و يطفش..
علشان كذا ما حطيت شكل السور لأني لسه ما لقيت تصميم يناسب بساطو و اناقة الواجهة تبع الفيلا ..

انا رحت و اخذت لفه على أسوار بعض الفلل الراقية عندنا و صورتهم .. و بحثت في النت و كل اللي حصلته أسوار لفلل ذات طابع غربي بحت او ريفي و هو ما يتعارض مع الفيلا الخاصة بنا..

اذا ممكن تخدميني بتصور معين او افكار عامة على اساسها اصمم سور اواختار تصميم مناسب .. ما تقصرين معي...

[deniz]

السلام عليكم أختي العزيزه
اللي بقصده بالباب العالي يعني فوقه على طول و ممكن شويه في أطرافه زجاج معشق طبعا،شفته في مسلسل خليجي و مره عجبني.
بالنسبه للأسوار يا عزيزتي لو أصادف في أي مكان في المنتديات أنشالله أحاول ادلك على الروابط،،بس عشان احنا ستايلنا مودرن فا أي شي كلاسيكي بأبعد عنه ولا بطالع، بس بعد كده علشانك انشالله ححاول أدقق أكثر

[deniz]

و على فكره أنا أمس طول الليل قاعده افكر في مخططك و بقول يا ريت درج الخدمه والمخزن ده ما تخلليه على الواجهه الجنبيه (بس أكيد عدك سبب) يعني تغيري محلله بركن الإفطار و تجيبي ركن الإفطار على الواجه الجنبيه و جنبه طبعا مغاسل و حمام الله يعزك،فهذا الحمام حيخدم المعيشه كمان،طبعا حتعملي فاصل من الجدار الواطيه او الأعمده بين المعيشه و ركن الإفطار (مجرد فكره رسمتها يعني لوووووووو كنت محللك,لإني أفضل شخصيا أعطي الملحق لورا مش للواجهه بس طبعا لازم نعرف أفكارك و إحتياجاتك بالنسبه للملحق)،طبعا الطابق لعلوي كمان غيرته شويه و سويت غرفة ولي العهد فوق ركن الإفطار ،على الواجهه الجنبيه يعني يطل على الشارع، وما يزعل الغالي
لو عجبنك شويه الفكره أكمل علشان ما أكتب على الفاضي
و على فكره ما فكرتي بمصعد ،ممكن يفيدك في المستقبل

[deniz]

برسلك صورتين انشاللش تعجبك

[رسيس]

السلام عليكم ..
مشكورة على الصور الروووووووووووعة.. صراحة المدخل اللي حطيتيه يجنن ..
بالنسبة لموقع درج الخدمة..
انتي صادقة انا لي اسباب ..
1. يكون قريب من الباب الرئيسي علشان سهولة نقل اغراض المستودع و المطبخ ..
2. لسهولة اخراج الزبالة ( اعزكم الله) من المنزل على الباب مباشرة..
3. و هو المهم .. لو عندي عمالداخلين طالعين على الدور العلوي او السطح .. ماله داعي ياخذو لفة على البيت من الباب للباب على طول .. و نفس الشي لأبو الشباب لو حب يطلع فوق و انا عندي ضيوف بالصالة..

في بداية التخطيط انا كنت حاطه الدرج مكان ركن الإفطار .. لكن موقعه كان سيء بالنسبة للدور العلوي .. اخذ مساحة و ما عطاني حرية في توزيع المساحات ..

بعدين اطمني بالنسبة لركن الإفطار .. انا ناوية عليه نية ..راح اخليه جنينة داخل البيت.. و اذا انتي بالشرقية ..راح اعزمك علشان تشوفينه و تقولين لي رايك فيه..

بالنسبة للمصعد .. بتقولين عني خوافة.. بس من جد احس عندي فوبيا من المصاعد بسبب مواقف كثيرة حصلت لي انا و أولادي
حبيبتي deniz .... انتي اكثر من رائعة حفظك الله و رعاك..

[deniz]

و عليكم السلام اختي
و الله انبسطت لإنها الصور عجبتك وشكرا كتيير على العزيمه لو في نصيب انشالله، ليش لأ ،بس أهم شي تخلصو البنا على خير و الله يجعله منزل مبارك

و عليكم السلام يا استاذنا الفاضل
طبعا مررررره مبسوطه من كلامك و بصراحه ما كنت متوقعه ردة الفعل دي كللها منك جزاك الله الف خير وإنت و كل المشتركين تستاهلو اكتر و اكتر. و شكرا جزيلا لهذا الدعم .
الصور دي أخذتها من هذا المنتدى، كانت من مواضيع الاستاذه الغاليه أم فهدنلقيتها في هذا القسم، ضمن أرشيف الاستاذه و الرابط كان ’نوافذي‘ أو شي من هذا القبيل. انا اليوم شيكت الرابط بس مل لقيت تكمله، لو تسال ألأستاذه بنفسها اكيد راح تدلك ،امكن يكون موجود في رابط ثاني.
و أنا كمان مثلك، الصوره الأولى عجبتني كتييير.


و الله يوفقكم كللكم يا رببببببب

[رسيس]

السلام عليكم..
حياااااااااااااااااااااك استاذ/ محمد ..
انا قلت غرقان في العسلات و الزتونات ... شرفني مرورك الكريم ..و مسرورة جدا لمتابعتك الكريمة ..

أختي الغالية deniz..
شرفني مروورك و اهتمامك...
لا تنسين موضوع الأسوار يالغالية..

الله يستر بكره موعدنا مع المهندس على المخطط النهائي قبل استخراج التصريح..
بس انا حابة اعرف بما انك بنيت و خلصت ..
هل تم تنفيذ الخريطة بالتمام و الا عملت تعديلات عليها اثناء التنفيذ...؟؟؟؟؟؟؟؟؟؟؟؟؟
يعني قصدي .. فتح باب.. تكبير او تصغير نافذة..وضع قوس بدل باب.. الأشياء التفصيلية اللي ماهي من صميم اساسات المنزل..!!

وفقكم الله..