آمل المساعدة في معارض الأثاث في الرياض

[صوت المطر7]

للبناء فنون

فعلا المقتنيات الصينيه شي حلو وفخم واسعارهم معقوله
ذكرتني فيه الله يسعدك

ومفروشات المحسن كنت اسمع عنهم ومارحت بروح عشانك ذكرتهم لي

والف شكر

[ناعمة العود]

عزيزتي صوت المطر بما انك ذكرتي محل طرازه كلاسيك فاباين انك من عشاق الكلاسيك

اختي انا من الناس الي قليل مااخذ قطع جاهزه لأن نادر مايعجبني الاثاث الجاهز

فاالتجأ لتفصيل اكثر واحب اصمم قطعي بنفسي

فا صراحتا من المحلات الي تعاملت معهم وكثير قطعهم مميزه وماتلقينها باي مكان ثاني بس طبعا كلاسيك واقمشتهم خاصه فيهم

محل شاجن في طريق الملك عبد العزيز بعد المطلق

فصلت عندهم من خمس اسنين قطعتين وحده اسمها الملكه والثانيه اسمها الحديقه كثييير رائع شغلهم والدهان والتنجيد حتى المواعيد صراحتا

اذا رحتي هناك لا تشوفين المعروض فقط اقعدي وعيني خير واتفرجي على شغلهم في الصور الي في الكمبيوتر

اتمنى لك التوفيق

[زهور الارياف]

جبتي اسم المحل
المعرض العالمي
معذره الذاكره عندي شكليه ولونيه ---
وانتي رايحه للمحل اللى قالت لك عليه ناعمة العود
بطريق الملك عبدالعزيز مري على محل فيه جلسات
غريبه شوي -- اسمه رازن ---ممكن تمري على معرضهم
بالتحليه عندهم تشكيله اكبر لجلسات شرقيه وعربيه مميزه جدا

[صوت المطر7]

ناعمة العود
زهور الارياف


يا عمري انتم يا احلى بنوتات وسيدات منتدى
اسفه تأخرت بالرد بس والله من كثر اللف والدوران اللي على الفاضي
اذا الله اعطاني عمر بروح لشاجن انا كنت ادخل واطلع ما يعجبني احس شغلهم مبالغ
بس شكلهم فنانيين بروح واتوكل على الله وعلى قولتك بعين من الله خير عندهم


بالنسبة لرازن اظن اني ما دخلته بس بما انك تمدحينه بروح له

والله تعبت من التردد

الله يوفقكم ويسعدكم وين مارحتوا

[الهيلية]

من خلال الحديث عن معارض الأثاث في الرياض ، أحب أن أسألكم وأرجو إفادتي ، في آخر زيارة لي للرياض لم ادخل إلا معرض البيت the home وذلك لضيق الوقت ، وأعجبتني بضاعته كثيراً من حيث الفخامة والسعر ، فأحب أن أعرف رأيكم ، وإذا كان هناك معرض أرقى وأفخم منه .