انواع البلاط ومميزات وسلبيات كل نوع

[ابو عزوز وحمو]

أخوكم مقبل على مرحلة البلاط ياليت تعطونا فكرة عن انواع البلاط والنوع المناسب لكل مكان ومميزات وسلبيات كل نوع والصناعة الممتازة والمحلات الممتازة لا تبخلون علينا بأي معلومة وجزاكم الله خيرا مقدما ايضا الفرق بين السيراميك والبورسلان والافضل في التركيب بالغراء او الاسمنت

[سمر خانم]

اخوي ابو عزوز حياك الله واسأل الله يسهل امورك

انا الآن في مرحلة التشطيب واحب افيدك من تجربتي البسيطه

بالنسبة للحمامات اكرمك الله والمطبخ من الأفضل ان تكون الجدران والارضيات سيراميك اسباني

ودائما اسأل عن النوع اللي يعجبك اذا كان طيني او معدني وخذ المعدني لان الطيني يتنقر ويتكسر مع الايام

بالنسبه للصالات وباقي الغرف انا اخذت بورسلان صيني درجه اولى يشبه الرخام منتهى الجمال والمتانه

باالنسبه لتركيب البلاط فاحنا اشترطنا الغراء مع الخلطه لان البورسلان بالغراء بس يفك بعد كم شهر

اما الأسعار فنصيحة روح اكثر من محل وقارن الاسعار وبتلاقي مايناسب ذوقك وميزانيتك

هذا ماعندي ان شاء الله اكون افدتك

بالتوفيق

[ابو عزوز وحمو]

مشكور اخوي بس كيف غراء مع الخلطة ما فهمت

[سمر خانم]

انا اختك

بالنسبه للغراء انا شفت العامل اخذ الغراء وخلطه مع كمية من الاسمنت بس بصراحة ماادري هل كل عامل يتقن هذا النوع من التبليط او لأ

ولاااااابد يكون الجدار مليس وايضا ان يكون الغراء من نوعيه ممتازه والا ينفك مع الزمن

عني جبت الغراء الفرنسي

واي استفسار انا حاضره

[سمر خانم]

حبيت اصلح المعلومه لاني اليوم سألت العامل
بالنسبه لخلط الاسمنت بالغراء يكون اذا الجدار بدون تلييس اما اذا كان مليس يستخدم الغراء فقط

بالتوفيق

[ابو عزوز وحمو]

شكرا اخت سمر معلومة مفيدة طيب وش الفرق بين معدني وطيني وش ترشحون بلاط المجالس ولو فيه صور بعد اكون من الشاكرين

[ابو عزوز وحمو]

سبحان الله وبحمده سبحان الله العظيم

[ابو عزوز وحمو]

يقولون المخازن ارخص بكثير من المعارض احد قد جرب