كيف يتم تنفيذ جوانب هذا الدرج؟

[م/ بدر]

اهم شيء في الدرج المنحتي هو الشده الخشبية ، وتكون بالعادة من البلاي وود، والحنيه الي تتركب عليها الدرابزين والي تكون بارزه عن الدرجات ، تصير من الخرسانه ولكن يبيلها نجار شاطر

[أم خالد و سارة]

ما شاء الله عليكي ياسفريات
سؤالك جاي بوقت مهم _ بالنسبة لي _
الدرج اللي ودي به فيه جزء من هذا الدرج
وخصوصا ما يسمى بالركبة وهو الجزء اللي تكلمتي عنه

وبدأ المهندس يخطط لي التعديلات اللازمة
وبعدها ............. ما ادري وش صار
الظاهر جاته عين
او انه طفش مني

انا خايفه من الثانية

الله يرده
قولوا آمين
تراكم بتستفيدون إن شاء الله
:::

[@سفريات@]

المشاركة الأصلية كتبت بواسطة ديكور قطر

يعطيكم العافية جميعا..
اختي سفريات..
ماشاء الله عليج قوية ملاحظة ودقيقة ...
استفدنا من الملاحظة ...شكرا

هلا والله بديكور الله يعافيك

[@سفريات@]

المشاركة الأصلية كتبت بواسطة م/ بدر

اهم شيء في الدرج المنحتي هو الشده الخشبية ، وتكون بالعادة من البلاي وود، والحنيه الي تتركب عليها الدرابزين والي تكون بارزه عن الدرجات ، تصير من الخرسانه ولكن يبيلها نجار شاطر

حياك الله مهندس بدر شكراً على الرد هذي المشكله إن كل شي ودك تسويه يبيله شغله

[@سفريات@]

المشاركة الأصلية كتبت بواسطة أم خالد و سارة

ما شاء الله عليكي ياسفريات

سؤالك جاي بوقت مهم _ بالنسبة لي _
الدرج اللي ودي به فيه جزء من هذا الدرج
وخصوصا ما يسمى بالركبة وهو الجزء اللي تكلمتي عنه

وبدأ المهندس يخطط لي التعديلات اللازمة
وبعدها ............. ما ادري وش صار
الظاهر جاته عين
او انه طفش مني

انا خايفه من الثانية

الله يرده
قولوا آمين
تراكم بتستفيدون إن شاء الله

:::

هلا والله بأم خالد يالله حيها تدرين وش كان ودي فيه ولا سويته شفتي الي زي البلكونه في منطقة مستراح (بسطة ) الدرج (هذي المنطقة هي الي يصلح تتسمى ركبه هاهاهاهاهاهاي)
كان ودي فيها مره بس الدرج عندي في بداية المخطط كان مايسمح وبعد التعديلات النهائيه وبعد ماداخ المهندس السبع دوخات صار الوضع يسمح بالبلكونه بس خفت أقول للمهندس عدل الدرج <<<<<< يرسل لي قنابل عنقوديه

[اخت اخوي]

عاد تصدقون انا المهندس يقلي نسوي بسطه للدرج(دائري)وانا اقول لا مو حلوووو.........سبحان الله اختلاف اذووواق

[@سفريات@]

هلا أخت أخوي

أنا بعد الي محمسني عليها إنك اول ماتدخلين من مدخل العائله على الصالة البلكونه تصير مقابله لك يعني على طول وإنتي داخله تطيح عينك عليها لكن يالله مو اول ولا أخر الأحلام الضائعة

[اخت اخوي]

الله يجعل البلكونه اكبر احلامك الضايعه وتقدرين تحققين باقي احلامك
يقولوا وقت البناء تتنازلين شوي شوي عن اللي نفسك فيه انا انصدمت انه من مرحله التخطيط والتصميم نصف الاحلام ضاعت..لكن الحمدلله على خير ربي ونعمته وواسع فضله ..نرجع لموضوعنا..
احس من وصفك الدرج اللي مقابل الصاله نفس مكانه فبيتي عشان كذا ابستفسر درجك مستند على جدرران من الجوانب ...او استنادته من الخلف..؟
لان الدرج عندي مستند من الخلف بس ومو متطمنه له خايفه اغامر ويطلع شكله مو حلوووو واغلب الصور اللي شفتها لابد يكون سانده جدار مع الجنب...اذا عندك خلفيه ياليت تفيديني....

[@سفريات@]

هلا الدرج عندي مستند على الجدار من جنب ومن الخلف بس عادي شفت كذا بيت الدرج جاي بالوسط وطالع حلو زي هالصورة بس طبعاً يعتمد على الموقع ولازم يكون دائري



أما إذا مو دائري ومو مستند على جدار ما أتوقع يطله حلو أخاف يطلع زي هذا هاهاهاهاهاهاي

[اخت اخوي]

الصوره مافتحت