أخيييرا.. مخطط $ بيت العمر$;للنقد و المناقشة... لا تخيبوا أملي يا رواد منتدانا الغالي

[رسيس]

حيا الله اختيqumar..

الحين برد على ملاحظاتك..
البنات رح يكبرون ورح تحتاج كل وحده منهم غرفه بحمامها وغرفة ملابسها لانها بتطلب الخصوصيه والاستقلاليه

انا عندي 3 بنات و الله يعلم كم بيجي زيادة عليهم ..
معقولة اخلي لكل وحدة حمام و غرفة ملابس.. انا و عن تجربة مريرة في بيت اهلي جربت العزلة عن خواتي قبل لا اتزوج.. و انا قاعدة اشوفهم الحين اربع في غرفة وحدة مشاكلهم وحدة .. سهراتهم وحدة.. متشاركين قلب و روح .. و تذكرت نفسي و عزلتي و عزت علي نفسي.. تخيلي حتى ملابسهم وحدة يكملون بعض.. و هذا بالضبط الجو اللي ابغى بناتي يعيشون فيه..
يمكن تقولين كلام رومانسي.. خيالي.. لكن انا لما جربت العزلة و الخصوصية ...تعبت على ما تعودت على وضعي مع زوجي.. حمام واحد .. غرفة وحدة.. افففف ..

اقول كني قلبتها فيلم هندي...
علشان كذا قررت اني اعزل فقط مكان النوم .. لكن باقي تفاصيل يومهم مع بعض ..

لولد رح يكبر ورح يتزوج وانتي تعرفين عيالنا اول ما يتزوجون ويبدؤن حياتهم يكونون في بيت اهلهم

انا مع المثل اللي يقول .. (عساك سعيد و عني بعيد ) و لا أفكر لحظة و حدة ان واحد من عيالي بيقعد معاي بعد ما يتزوج .. ليييييش اقهر عمري .. خلهم يروحون بدربهم .. و ارجع انا للعزوبية مع ابو الشباب

غرف البنات مساحتها لاباس بها لكن غرف الاولاد مساحتها صغيره وخاصه اللي 3.50×4 ..حتى لو بتقولين هي مجرد غرفه احتياطيه...الافضل تشوفين المساحه على الواقع او هاتي متر وشوفي القياسات

بعد تعديل الجسور البارزة تم تكبير الغرفة المقصودة و اذا لاحظتي ان دواليب الملابس مبنية اساسا في الجدار يعني ما راح تاخذ حيز من الغرفة و الباقي كل سرير و كمودينة و مكتب و جلسة صغيرة..

ما شاء الله يا رسيس عندك الارض واسعه بس مساحة البنيان صغيره اثرت على مساحة الغرف خاصه ان عندك مساحه كبيره ضايعه في درج الخدمه وغرفة الغسيل والصاله
فعشان اعدل واخذ في الحسبان كل النقاط اللي قلتها يعني بغير الدور الاول كله مع جسوره ففضلت في النهايه اني اعدل على المخطط الموجود واترك لك التفكير في اللي قلته لك...........

شكرا على المجاملة.. لكن كيف تقولين المساحة ضايعة في الدرج و غرفة الملابس و الصالة.. يعني قصدك احذفهم.. طيب و اذا حذفتهم أو صغرتهم .. شيكون مكانهم.؟؟؟

انا اتفق تماماااااااا مع ام فلوحي من ناحيه غرفة الغسيل مكانها في الملحق ودرج الخدمه ماله داعي وكذلك من ناحية حمامات البنات والاوفيس ودمج غرفة الملابس مع حمام غرفتك والتغير اللي سوته..........

يعطيك العافية انت و ام فلوحي..
لكن انا لي وجهة نظر في مكان غرفة الغسيل و وضحتها لأم فلوحي و على فكرة انتم مش اول من علق على مكانها .. لكن انا اشوف و بناءا على وضعي انها كذا أحسن ..لأني انا للي اشرف على الغسيل جملة و تفصيلا..

غرفة ملابسك لو يكون قوس بدل الباب احسن وهذا هو الدارج.

رووووووووووووعة .. انا كنت ابغى احد يشيرني في هالموضوع من الناس اللي مجربين .. يعطيك العافية..

بعدين .ليش اللفه الحاصله لابواب غرف الاولاد وهي اصلا غرف صغيره ؟؟؟؟؟؟لغيت اللفه

فكرة رائعة .. انا كنت حاطة هاللفه علشان استغلالمنطقةاللي جنب الحمام بمخزن للفوط الخاصة بالأولاد.. مفارشهم... ارواب . يعني من هالأشياء اللي احب انهاتكون قريبةمنهم .. ونفس الشيء راح اسويه عند غرفة البنات .. الآن لوالغيت اللفة ,,تعتقدين فيه مكان
للمخزن اللي قلت عليه..

و في النهاية اشكر تعاونك و طولة بالك ..

اقولك شيء انا لما رحت للمهندس امس طلبت منه اعادة تصميم حمام البنات بحيث يعزل منطقة المغاسل عن باقي الحمام .. و يخليها خارجية للي حابة تستخدم المغسلة و الحمام مشغول ( هوشات الصبح اللي انت خابرة) ..طبع هذا كله بفضل الله ثم بفضل افكارك انت و ام فلوحي الغالية

[رسيس]

السلام عليكم ... و
وين المهندس / محمد
عندي اسئلة كثيرة له .. و اللي يعرف يرد علي:
1. وين أحسن مكان نضع فيه الخزان الأرضي؟؟؟
2. وين احسن مكان نضع فيه البوابة الرئيسية؟؟
3.وين المفروض تكون علبة الكهرباء اللي داخل البيت؟؟

[qumar]

حمام الاولاد كبير ممكن تسوين فيه دوالين اذا حبيتي... وتعيدين ترتيب الحمام ومكان البانيو وتكتفين بمغسله وحده بس ..
وممكن اقولك كيف تعيدين ترتيب الحمام بعدين حبيبتي ولكن الحين حبيت اعلق ع السريع

[أم فلوحي]

هلا وغلا اخت رسيس
شوفي صورة التهويه الامريكيه بالسقف لصورة الحمام شي مرتب وحلو عن الغبار ودخول الحشرات من التهويه التقليديه

[أم فلوحي]

وهذي صوره للدرج لانك حاطه شباك واحد طويل وحلو لما تحطين تجاويف وتخلين الشباك بالنص وعلى جنبه التجاويف بيعطي منظر للدرج وبتحسين بإتساع للمنطقه مع السبوت لايت والزجاج المعشق

[أم فلوحي]

اخي محمد نابلس رسيس اخت وتستاهل
وحنا تلاميذ والعين ما تعلى ع الحاجب وانتو اساتذتنا وكلنا نستفيد من بعض

[دارالزوال]

ماشاء الله عليكم
مبرووووك عليك البيت اختي رسيس

واقول للاخوات ,,,فلوحي...وقمر

الله يعطيكم العاااافيه
هيك الحريم والابلا,,,

متابعه معكم للاخير,,,وننتظرابداع الاستاذ نابلس

[رسيس]

السلام عليكم و رحمة الله و بركاته ..
اختي الرائعة.. qumar..
يعطيك العافية على صورة التهوية.. الحين عرفتها .. كل بيوت الشركات كذا شغلهم .. كنت ناسية موضوعها تماما.. انشاء الله راح اعتمدها في بيتي الجديد..

اختي الرائعة falohy..

ما شاء الله عليك ***تيني بهالصورة .. تاخذ العقل .. عيشتيني بعالم وردي.. شوفتيني لتنفيذ الفكرة الرائعة..
يعطيك1000 عافية .. يالغالية ..

أخي المهندس /محمد
شاكرة لك اهتمامك.. و تفاعلك و متابعتك..
سؤالي بالنسبة لتعديل الواجهة...
انت خليت نافذة مجلس السيدات متصلة بنافذة نوم غرفة البنات..
هل ممكن تطبيق ذلك.. اقصد يعني تكون متشابكة و الا لا زم نفصل بينهم ؟؟؟
بصراحة مافهمتش عليك!!!

اشكر تفاعلك... بانتظار ردك ..

[qumar]

عزيزتي رسيس ان شاء الله نكون افدناك اما بالنسبه لصورة التهويه فهي من عند ام فلوحي الله يعطيها العافيه
واعذرني انا طولت عليك ويا تعديل الحمام بس النت عندي بطيئ جدا يزهجني في تنزيل الصور فاحاول اتجنب الصور.......
وهذا الحمام بعد التعديل والراي رايك في الاخير ويجعله ربي منزل مبارك

[أم فلوحي]

يارب يسعدك ويهنيك بالبيت وتعمرينه باللايمان والسعاده
والحمدالله ان الصور اعجبتك وقدرت اوصل لك الفكره بان البيت حلو لما تخططين لكل جدار فيه وتتفادين الاخطاء قبل الشروع بالبناء



اخي محمد نابلس اطالبك كيلو عسل لأنك لاطش الصوره
الله يحفظك