|
||||||||||
|
||||||||||
استشارات هندسيه ( العمارة والديكور ) مخصص لتلقي الاسئلة و الاستفسارات و الطلبات |
|
أدوات الموضوع | انواع عرض الموضوع |
#1
|
|||
|
|||
لست راضي عن المقاول واريد افسخ العقد
السلام عليكم ورحمة الله وبركاته
اخواني متفق مع مقاول على بناء فله عظم ب95 ريال مصنعي فقط وله شهرين ماانتهى من الميدة والاحظ ان عمالته غير مرتبين وهناك هدر في مواد كثيره كذلك غير صادق وباغته بمهندس ووجد انه عنده اخطاء واجبره بتصحيحها المهم انا خايف يخرب على ولم اعد مرتاح له الان خلصنا صب القواعد وتم دفانها وطلبت منه ان يصب الخزان لان فيه عمودين للفله وافكر بعد صب الميدة الغي العقد معه صيغه الدفعات 15000 عند صب القواعد استلمها .. 15000 بعد صب الميدة 10000 بعد السقف وهكذا استلم الدفعه الاولى فكم يكون حسابه وماذا يترتب علي في هذه الحاله وماذا تنصحوني مساعدتكم تقديري |
#2
|
|||
|
|||
المقاول الجيد ماراح يمسك لك العظم بعد مقاول ثاني .. هذي هي المشكلة رقم واحد
المشكلة الثانية .. المقاول الجيد ماراح يقل سعره للمتر 120 ريال مثل المقاول الي عندي وشهي ملاحظات المهندس .. هل هي على المخطط ام تطبيق المخطط ثانيا اذا لك ملاحظات على المقاول ولقيته مسوي شغل غلط فمن حقك تضغط عليه يصحح شغله او تخصم عليه ويتربى ..
__________________
|
#3
|
|||
|
|||
والله هذا فعلا مشكلة ..
بالنسبة للغلط ماراح يقدر لاني متابع وكل مااحتاج مهندس راح يجي ..، لكن في العمار يحتاج ابداع المقاول وهذا مايبدع يتحجج اني مقيدة بالمخطط ولكن الله يعينا عليه شكرا لك اخوي ابو المثنى وفقك الله |
#4
|
|||
|
|||
الفكرة الي براسك عطها المهندس .. اذا وافق عليها تلقائياً المقاول ينفذها ..
لا ينفذ المقاول ولا يبدع شي من راسه .. ترى العمار حساس واهم شي لايكون مهندسك هو نفسه الي صمم المخطط .. كذا ما استفدت شي عند بنيان البلك او صب الخرسانه خلك حولهم السباك قبل يبداء شغله بالسقف كبر صور دورات المياه ورقمها وحط التوزيع وخله يمشي عليه بالضبط مواصير السبلت الي تروح للسطح تكون دائما على جدران مستمرة وماتوقف بغرف بالادوار العليا الدرج خله يرسمه بالقلم المعلم Marker قبل يخشبه الجكات لدعم السقف عندي مسطح الدور 340 .. خليته يحط 400 جك اذا اعمدتك خشب اشرط عليه جديدة ورشها قبل صب الخرسانه فيها وعقبها وكل الله ولا صاير الا كل خير وحاول ما تتصادم انت وياه .. ترى عقولهم مثل البلك مايفقه شي ..
__________________
|
#5
|
|||
|
|||
نصيحتي لك اذا كان لديه اخطاء ومتعنت في التعديل ان تطرده فورا غير مأسوف عليه
وحاول تشوف لك مقاول اخر ولا تجعل السعر هو المقياس وثق تماما ان السعر الرخيص سيتم تعويضه بطريقه او باخرى لذا حاول يكون السعر حول المعدل المعمول به في منطقتك وايضا لا تبالغ باعطاءه اكثر تحياتي |
#6
|
|||
|
|||
اقتباس:
لا المهندس مو اللي صمم لكن المهندس يجي يشرف فقط على التنفيذ ان اعتقد ان المقاول يكون لديه افكار تفيد لخبرته وممارسته هذا المقصد اما بالنسبه للامور الثانيه ماعلي منهو هو كان يحاول يقنعني ان يستلم كامل بالمواد ويوم رفضت يبي يفهمني ان هو يقدر يخدمني ويحاول دائما يطلب اشياء في اوقات ضيقه وعند غيابي لكثرة ارتباطي الان بهمة خارج المنطقه ولا اجي الا يومين او ثلاث بالاسبوع ومايرفع ضغطي اكثر انه وقت مااكون موجود مااشوفه عند العماره عند صب العواعد فاجاته بوجود وبرفقة المهندس وهذا مااربكه كثيرا هذا الاسبوع كنت موجود من الاربعاء حتى امس وبعد علمه بسفري اتصل وطلب اسمنت لم اجد عن الموزعين بالمنطقه قبل الاثنين ولكن اصر ان ياتي هو بطريقته وبزيادة نصف ريال فرفضت الا اذا تحمل الزيادة هذي بعض الحركات اللي تشككني في عدم نزاهته تقديري لك على اهتمامك |
#7
|
|||
|
|||
النرجس هلا بك
ليس المقصد السعر ولكن كما ذكر الاخ ابو المثني لن اجد من يستلم الشغل بسهوله تقديري لك |
#8
|
|||
|
|||
الأخ الفاضل
ترى مو سهل تفتك منه ......... أنا المقاول الأول حاس لي الدنيا وعارف مصايبه ومع ذلك يوم فكرت أغيره دورت مقاول ثاني قبل ما أطرده ووريته الشغل يوم الجمعة ويوم اتفقت معاه على السعر وكل شيء لقيت بالصدفة عمودين شمعة ما سواهما المقاول الأول فتهاوشت معاه ......... ومع ذلك ما رضي يترك الشغل ويهدد ويتوعد ويتحجج بالعقد وجبت مهندس وسيط ورحنا مكتب هندسي وحاول يرضي الأطراف وفي الأخير هو الكسبان أخذ حقه وزيادة عليه عشان يحل عني ووقع تعهد بعدم مجيئه للموقع ..... وتورط أخوك في تعديلات المصايب اللي سواها المقاول الأول وشهرين والمقاول الثاني يرقع وأخذ طبعا مصاري على كل ترقيعه والله المستعان |
#9
|
|||
|
|||
أخواني
المفروض دائما ندقق بالعقد قبل التوقيع وحاول أن يكون لم مخرج في أي وقت تريد والأمر الأخر لا تباغته بمهندس وانما أخبره ان عملك تحت اشراف مهندس لأنه راح يضرب حسابه بجوده العمل |
#10
|
|||
|
|||
هلا بك البحر المحيط
الله يعينك والله ماعتقد انه يقدر يخرب حاجه لاني شارط مهندس في كل شىء يعني قبل يسوي اي شىء لابد يعطيه المهندس الموافقه وهو كان موافق ولكن ماتوقع اني اجيب المهندس الا في الميدة والسقف كما هو متبع ولكن الان يحسب لكل شىء وفيه اتفاق وموقع من صاحب المؤسسه شخصيا وتحت مسؤليته |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|