مطلوب مخطط شقه صغيره لو تكرمتم

[رسمــي]

المشاركة الأصلية كتبت بواسطة عنود سهيل

دخت لحد ما كملت قراية مشكلة الشرق الأوسط .

عسا بس فيه مبادره عربيه وصلح بين العرب

وانا ادوركم وانتم هنا متكين ،،،،،،،،،،،،، سفرفر ،، ام خلود ،،،،،،،، واللحين نظومه دخلت ,,

اسمح لي اخ رسمي اقط مع الربع واقلب راسك شوووووي .

تفضلي الموضوع منكم ولكم

ما لها داعي ابد وجود الشغاله معاكم في السطح ،، هماها مع رجلها تحت وشوله غرفه بالسطح // برأي مكانها بالارتداد متر بمتر كفايه . اكيد الارتداد اللي من جهة المطبخ فاضي طمه لها ،،، بحمامها بغرفة غسيل وبكذا من يوم توصل من المطار لين ترجع ما راح تطلع من مثلث برمودا ،، المطبخ غرفتها وغرفة الغسيل .

وهي ساكنه بشقتي ولا بغرفتي هي لها غرفه مستقله بالسطح
الشي الثاني وش هالرحمه متر في متر ماقلتي 2×3 ممكن اما متر في متر وين بتمدد رجولها فيه .
مافيه شي فاضي الارتداد كله مخالفات مطبخ ومستودع ودورة مياه اللي كانت جوا طلعتها برا .

بعدين اخوك ذا اللي جا في الاخير وطرت له فكرة الشقه ؟؟؟؟؟؟ ورا ما تمشون بالدور اللي يتخرج يسلم الشقه للي بعده وهكذا ،،،،،، احسن من زحمة سكان السطوح ،،،، ولخبطة ملابسكم مع بعض اذا نشرتوها في السطح .... كلكم سوا

وهو انتي دافعه حاجه نسكن فين مانبغا ( أيقونة واحد معصب ) لأنه ردك ذبه علينا
الملابس كل واحد مرقمها وشاق الرقبه عشان تكون معروفه أنها لسكان السطوح

بعدين بقولك ع حاجه اهم شي ،، مدد لا أسطوانات الغاز عشان الشيل والحط ، وكمان فكرة الإسكانات (( خذ لك فره في اسكان جامعة الملك سعود )) في تصريف الزبايل اعزكم الله جدا اعجبتني ،، يصلحون لها مجرى يزحلقونها فيها لحد ما توصل لتحت . راااح تدعي لي حرمتك باذن الله وانت كمااااااان .

التمديد للغاز مايبيلها كلام أجل بطلع دبه 3 أدوار .
النفايات أمرها سهل الشغاله تفر على سكان السطوح وهي تلقط نفايات شغل أهل البيت

ولا مانع من فكرة سله معلقه تسحب بكهرباء لرفع الاكياس والاغراض اذا جيتوا انت والمدام مسفهلين دايخين بعد دوااااااااااره تكسر الرجول في الاسواق والتماشي وعجزانين تشيلون الاغراض ،،ابد تحطها بالسله وترفع لين تدخل عليكم من شباك المطبخ ؟
شغل أفلام وتحديدا مصر

هي تحلم أسواق أكره شي لي .. من البدايه بعلمها مافيه أسواق عشان ماتنصدم

(((((((((( وحده متااثره با افلام الكرتون ،،،، بس والله دور لها صرفة وتنحل )))))))

وتراها تنفع بكره اذا جو البزران وقمت تجدل فيهم آخر الليل وهم نايمين ،،، ابد حطهم بالسله واضغط زر ويرقون لك لفوق ،،،،،،،،،

مركبة ناسا مو شقة بالياسمين

بس لازم يكون واحد منكم تحت لا سمح الله تنقطع السلسله ولا شي ,, لين الثاني يلقف .

بجيبب بواب بعد للعماره عشان يحرس شقتي أنا وأخوي ويصير مسئول عن الاصنصير المعلق .

تنفعين تستشارين بعد مايعتمد المخطط ياعنود سهيل حشا كله حش ومعجزات مادري كيف بنيتو بيتكم
ولا شكلكم ماراح تبنون كانكم مابنيتو إذا بتشاركين في أفكاره .
أمزح

شكرا لمداخلتك وتعليقاتك الساخره

[رسمــي]

المشاركة الأصلية كتبت بواسطة عنود سهيل

الا وين راح حمام العائلة في الدور الارضي ، براي جدا مهم . ررررررررررررررررجعه

بيصير يدور في العماره كل يوم يوقف عند ناس

موجود بس بالارتداد من خلف الفله .

[رسمــي]

المشاركة الأصلية كتبت بواسطة احب النظام

هلا اخوي رسمي

بصراحة انا مالي في المخططات ..اكرهها ..بس داخلة ادعيلك الله يعينك على هالمهندس ..وش ياخذ فلوس عليه



ونصايح عنود عملية جدا وغير مكلفة خصوصا سلة الكهرباء ..هذي لازم تاخذ عليها برائة اختراع

حياك الله أحب النظام
والله أني كرهت المخططات من كثر ماأعدل وأنتظر هالمهندسين لي تجربه الان مع ثلاث مكاتب
الله يجزاك خير على دعواتك
المكتب الأخير منفذ لأفكاري بعد التعديلات ومارحت له الا بعد استشارة أحد الطيبين أمثالكم
اقتراحات عنود سهيل بعضها تنفذ في مركبة ناسا وبعضها أوردي بتتنفذ الله يجزاها خير

[رسمــي]

المشاركة الأصلية كتبت بواسطة falohy

الله يوفقك اخي الكريم عيل التعديلات ما منها فايدة اذا انت مصر على على شكل الواجهه

والله يسهل امورك يارب ولا تستعجل في الخارطة لين تحس نفسك خلاص الأفكار خلصت ولا في شئ جديد براسك

هو هذا هو الواجهه بتحكمني أم فلوحي
والشي الثاني ماعطيت المجلس العربي استقلاليه شوي
لاحظي اللي بيدخل بيستلمهم أول ناس سلام والمفترض يبدا من المجلس الكبير
التأخير للتعديل ماقصرت لي 6 شهور بالمخطط مابين حماس لفتره ثم نسيان الأمر
والله أني ودي أخلص بكره المخطط وابدا حفر بس مادري ليش الواحد مستعجل رغم أنه الحمد لله تأخرت من 6 شهور ومن بعدها طاح الحديد عسى ىالأمر فيه خيره لي ولأهلي .
نفسيا في صراع متى أخلص هالمخطط .

الله يوفقك على ملاحظاتك رغم اختلافي معها
لكن وقفاتك معي وملاحظاتك تأجرين عليها الله لايحرمك الأجر

[أم فلوحي]

جزاك الله خير اخي الكريم الله يوفقك

مدام عاجبك التصميم الحالي خلاص توكل على الله

الناس اذواق ووجهات نظر


ترى طريقة الصالة الدائرية كأنها درج مخطط فيلتي



وهذا المدخل الجانبي للنساء عند اللفة الدائريه انا عندي الدرج وانت عندك الصالة






نزلت الواجهه لأنك طلبت في اليوميات

[رسمــي]

المشاركة الأصلية كتبت بواسطة falohy

جزاك الله خير اخي الكريم الله يوفقك

مدام عاجبك التصميم الحالي خلاص توكل على الله

الناس اذواق ووجهات نظر


ترى طريقة الصالة الدائرية كأنها درج مخطط فيلتي



وهذا المدخل الجانبي للنساء عند اللفة الدائريه انا عندي الدرج وانت عندك الصالة






نزلت الواجهه لأنك طلبت في اليوميات

خلاص تعبت من هالمخطط بس التعديلات اللي قاعد أسويها هي اللي تنط للواحد بكل مرحله وهو ماتوقعها . زي المدخل وجدار الملحق .
والله يستر بكره الشقه والدور الأول لايطلع عندي أعمده طالعه بالغرف رغم أن السقف هوردي بس برضه الله يستر من الأعمده .

شكرا لطرحك واجهة بيتكم
الله يوفقكم ويسهل أمركم

[رسمــي]

السلام عليكم

مرينا المهندس اليوم وهذا مخططي بعد التعديل فيه أمر عويص

سفريات كنك داريه أنه بيصير مشكله لعدم تطابق الجهتين شوفي المشكله

الدور الأول



الدو الأول



الواجهه



لاحظو مدخل الرجال عندي بمخطط الأرضي ماهو بنصف البيت مثل صورة الواجهه واظطريت لهالشي عشان الملحق وغرفة السائق .
المهم بالأمر لو طبقنا هالمخطط سوو مقارنه بين مخطط الدور الأرضي والواجهه ت
لاحظون التجويف عندنا بالدور الأول بمقدار عرض 4م من يمينه غرفه عرض 3م ومن يساره غرفه بعرض 4م .
المشكله عندي المدخل تحت عرض الباب 2م ويبدا من بداية التجويف من الغرفه اللي فوق على اليمين

بحكم أنه من يمينه المجلس العربي وعرضه مثل الغرفه اللي فوقه 3م وكسور ماتذكر
هنا عندي تجويف بعرض 4م مو معقول بحط مدخل الرجال كله 4م مدخل .
وايضا مو معقول برضه يمتد المدخل لحد مدخل الملحق الخارجي .
مادري تأيدوني ولا لا .

فيه ناس قالو صغر التجويف من اليسار يعني بدل مايكون عرض التجويف 4م خله 3م بس هذا بيكون على حساب الواجهه
يعني لاحظو جدار بيكون 3م وجدار 5م مادري أحس بيكون مو حلو . ممكن يكون 3 مقابل 4

بس يبيلها فكره لعدم ربط التجويف بالمدخل او حل اخر مع ربط المدخل بالتجويف .

كلامي أحس أنه مو واضح لكن أنتو أطبعو المخططات والواجهه ولاحظو المدخل للرجال كيف مكانه والتجويف كيف مرتبط معاه .

[عنود سهيل]

مرحبا اخ رسمي ،، انا لاحظت ان يسار البيت مو مدخل خاص للشقق ،، تاركه غرفه للسواق مما شجعني اعمل هالفكره

وان شاء الله تصيب ولو قليلا ،، دخل حمام السواق وجزء من غرفت طولياً في الارتداد وبكذا يرجع الملحق شوي وينزاح عن الواجهه .

وممكن تخلي حمام السواق من داخل غرفته بما ان طولها 3ونصف بالراحه يجي طوليا جواتها .

وزود من عرضها بدال ماهي 2 تكون 2 ونصف .


بس مدري من فين يكون مدخل الشقق

انت شوف يمكن ،،،،،،، تجي ..

الله يعينك ،،،،،،،،،، صراحه قلبة راس المخطط .

[رسمــي]

ياهلا عنود سهيل

ايه بس الممر للشقه ضروري يكون من الارتداد هذا صعب أني أحط للسواق حمام عرضه متر

الشي الثاني سكرت الممر اللي بين المجلس والملحق !

إقتراحك تنفيذه صعب بل مستحيل كذا خسرت الارتداد كممر برضه عندي ارتداد خلف المطبخ بسكره كذا مافيه ارتدادات بالبيت الا جهة مدخل النساء فقط !!

هو الان عدلت المدخل لكن باقي الواجهه هي اللي يبيلها حل .

أشكر حرصك واهتمامك أختي الكريمه .

[رسمــي]

يرفع رفع الله قدركم