بلاااط الحوش أفيدوني جزاكم الله خير

[صاحبة مبدأ]

السلام عليكم وعدت اليكم يامنتدانا الجميل بأسئلتي من جديد

بلاااط الحوش هل يحتاج الى ترويبه وغراء؟؟

طبعا المبلط بيبدا فيه السبت ان شالله وانا لسا ماجبته ولاشريته بس قال لي

مايحتاج غراء ولاترويبه طبعا هو قبل صبه مافيه بلاااط وقال بيسوي ميول عشان موية المطر

اللي عنده خبره هل كلامه صحيح ؟؟؟

وكيف ميول انا اشوف البلاط دايم مستوي فمافهمت بقصده ميول؟؟

واعذروني على الاطاااااااااااااله

[زخات مطر]

نعم اختي يحتاج ترويبة فقط
اما الغراء الافضل وضع صبة اسمنتية
او خلطة اسمنتية
والميل يكون بسيط مايبان
لتسرب مياه الامطار وغسل الحوش
واتمنى يفيدونك مهندسينا اكثر

[المستشارالعام]

المشاركة الأصلية كتبت بواسطة زخات مطر

نعم اختي يحتاج ترويبة فقط
اما الغراء الافضل وضع صبة اسمنتية
او خلطة اسمنتية
والميل يكون بسيط مايبان
لتسرب مياه الامطار وغسل الحوش
واتمنى يفيدونك مهندسينا اكثر

يعطيك العافية وكلامك سليم بس الغراء مطلوب للنعلات ولا لا ؟؟
عن نفسي انتهيت من الحوش قبل اسبوع واستخدمت الغراء للنعلات واسمنت ابيض مخلوط مع رمل ابيض كترويبة يقولي العامل انه اقوي تحمل ؟!

[الصحرا]

التروبيه يحتاجها والبلاط وهى لملاء الفراغات بين البلاطات ويجب ان يكون هناك صبه للارضيه حتى لا يكون فيها نزول للبلاط وهو مايقصد به الهبوط

[][ريح النفل][]

المشاركة الأصلية كتبت بواسطة زخات مطر

نعم اختي يحتاج ترويبة فقط
اما الغراء الافضل وضع صبة اسمنتية
او خلطة اسمنتية
والميل يكون بسيط مايبان
لتسرب مياه الامطار وغسل الحوش
واتمنى يفيدونك مهندسينا اكثر

هلا اختي ايه الحوش مثل السطح و اسقف الملاحق العلويه او ملاحق الحوش

فيه بعض الناس ما تحط صبه اسمنتيه للحوش و تكتفي برص التربه بس بكذا ممكن تهبط الارضيه خصوصا اذا بيكون فيها جراج

و بما انكم مسوين صبه ما يحتاج الا انه يصف البلاط على خلطه من الاسمنت علشان تمسك البلاط

اما الترويبه فهو لازم انه يحطها علشان ملئ الفراغات بين البلاط

و بالنسبه للميول صح مثل ما قالت الاخت زخات ما راح تبين لأنها بنسب بسيطه بس علشان تساعد على دفع الماء لاماكن تصريفه ولا تتكون لك برك من الماء بالحوش

و نصيحه مني بعد النعله خلوها بميل بسيط يعني تقريبا 100 درجه لا تصير قائمه علشان برضو ما يتجمع الما في الزاويه لأنه و هذا على كلام اخوي اضعف مكان بالحوش و الاسطح اماكن تجمع الما و هي هذي الزوايا ( الساس ) لحمايتها من تجمع الما توضع النعله فيها على شكل مائل وليس قائم

[صاحبة مبدأ]

طيب هو مصر انه مايحتااااج ترويبه مادري وش ساالفته يقول مايحتاج ترويبه

يحتاج سمنت ابيض 3سم بين كل بلاطه هل كلامه صحيح واعذروني وبالذات ياحلوتنا زخاات

على الاسئله

[مدينة الخير]

[align=center]اخت صاحبة مبدأ

أرجو ترتيب أفكارك وسؤالك وافادتي بما يلي :

1- ما هي الأرضيه القائمه حاليا للحوش ؟ ان كانت صبه هل هي ناعمه أم خشنه ؟ وهل هي مائله نحو الباب الرئيسي بحيث تصرف مياه الأمطار ومياه غسيل الحوش أولا بأول بدون أن يحدث بقع ماء ؟

2- ما نوع البلاط الجديد المطلوب تركيبه ؟

3- هل المقاول يود تثبيت البلاط الجديد فوق الصبه باستخدام خلطة الأسمنت والرمل بدلا من الغراء ؟

4- طبقة الميول التي يود المقاول عملها .. هل تكون من مونة الأسمنت والرمل ( فوق الصبه ) أم بالرمل ؟؟

5- سؤال أرجو توجيهه للمبلط أو المقاول .. لماذا يود تركيب البلاط بدون حشو للفواصل بين البلاط ( ترويبه ) ؟؟ وأين سيستخدم الأسمنت الأبيض ؟؟



أتمنى بالإجابه على هذه التساؤلات أن يتضح سؤالك بشكل لا التباس فيه .. كي يمكنني افادتك بما يلزم[/align]

[معماري متميز]

يفضل ان يكون بلاط الاحواش من الانترلوك المتداخل و لة اشكال عديدة مثل خلية النحل ...وبالنسبة للميول 2%

[يوميات]

عندي سؤال يامعماري لك
بالنسبه للنتر لوك
تركيبه في الحوش يكون على الرمل على طول يعني الحوش يكون بدون صبه نضافه
او تتصب صبه نظافه بعدين رمل بعدين بلاط الانتر لوك؟
ولو كان بدون صبه النظام مايتسبب في هضوم للا رض مستقبل بحكم تسرب المياه للداخل الارض.؟

[صاحبة مبدأ]

اهلين مدينة الخير

الحوش جزء صبه وجزء ترااب هو طبعا راح يسوي صبه جديده للحوش بأكمله

انا شريت البلاط ونوعيته اللي على شكل خليه السداسي اظن اسمه الاسمنتي

قال لي الترويبه عباره عن رمل ابيض واسمنت ابيض

الميول قال لي راح يكون بشكل خفيف ومو ملحوظ

سؤالي واااااااااااااااااااااااااضح


هل ترويبة بلاط الحوش مثل ترويبة السيراميك الداخلي فقط هذا الاشكال اللي عندي

وشكراااااااااااااااااااااااااااااااااااااا