بيتي من قوقل ايرث بسرعة ردوا بليز ترى المهندس يقول انتي اللي معطلتنا

[*وسن*]

لقيت لك الخريطة ما قبل الأخيرة

يعني اللي بتشوفيها الحين معدلة

اللي عدلناه بتشوفين داير مداره خط أسود

والأجزاء المعدلة هي :-
1- الماستر سويت اللي على اليمين وسبب التعديل :
أن سكان هذا السويت .. أرادوا غرفتي ملابس مناسبتي الحجم
ولدواعي التصميم طلعت غرفة كبيرة وغرفة صغيرة ,
فتهاوشوا عالغرفة الكبيرة
فاضطر احدهما للتنازل ونقل مرافقه (غرفة ملابس+دورة مياه) للسطح <---

وجناح البنيات اللي عاليسار ..
سبب التعديل :
لاضطرارنا للاكتفاء بشباك دائري (خاص بدورة مياه) واحد فقط مراعاةً لنسق الواجهة

وإذا لقيت النسخة المعدلة ياختي المتأنقة بجيبها إن شاء الله ..
خذي هذا تصبيرة

[علياء0]

CENTER]بيتي ليس كبير أختي ولكن تصميمه -لاسيما حكاية الدبل هايت في موضعين من البيت
(وهي الطابقين المفتوحين على بعض في وسط البيت ومدخله)- جعله يوحي بالقصور ..
كانت حيل لاعطاء البيت مظهر القصر و الحمدلله نجحت [/CENTER]

هذي دليل ذكاء منك الله يهنيك به

ولا تخافين بحول الله ما رح يصير موحش
البنات إذا تزوجوا بيحتاجون غرفهم :
-إذا جوك بالنفاس
-أو إذا بغوا يسافرون مع أزواجهم خفافي أكيد بيخلون عيالهم عند أمهم [/CENTER]

انشاء الله يصير مثل ما تقولين تصدقين عاد انا الود ودي العيال يسكنون معاي بعد زواجهم انانيه مني

والحين تراك شوقتيني أشوف بيتك
حطي لنا صور .. خل نشوف ونقول لك كبير وإلا لا (:

هذي مشكلتي اني ما اعرف احط صور علميني وابشري انزلك صورة البيت

[ام ارين]

ماشاء الله عليك كل شي مرتب ومدروس
عندنا مبلغ انا وزوجي ومحتارين نشتري فيلا جاهزه ولا نبني ؟؟انا أقول نشتري ارض ونبني وهو يقول البناء تعب وعوار راس ماله خلق .....

ياليت تخدميني و تقوليلي كم تكلف فلتكم عظم ؟؟ ولو بالتقريب
وان شاء الله تسكنونه بالعافية..

[المتأنقة]

ماشاء الله عليك وسن والله انتي مره ذوق . . توزيع ناجح للفراغات من النواحي المعمارية والانشائية والجمالية . . بديت أفكر فعلا في إطلاعك على تصميمي واشوف رايك فيه . . كم مساحة الأرض عندك فوق ال 1500 والا أقل أو أكثر ؟

[*وسن*]

المشاركة الأصلية كتبت بواسطة علياء0

والحين تراك شوقتيني أشوف بيتك

حطي لنا صور .. خل نشوف ونقول لك كبير وإلا لا (:

هذي مشكلتي اني ما اعرف احط صور علميني وابشري انزلك صورة البيت

تروحين موقع لرفع الصور ومنها هذا الموقع

http://www.almuhands.org/upload_muhands/index.php

ثم ترفعين الصورة عن طريق ضغط كلمة browse تجدينها أمام مربع فارغ

ثم تضغطين زر الـ uploud

ثم سترفع الصورة .. عندها تاخذين عنوانها عن طريق الكليك اليمين وتضغطين اختيار copy ..

ثم تأتين هنا في الموضوع وتضغطين الكليك اليمين ثم تضغطين اختيار paste

عاد لا تقولين صعب

المشاركة الأصلية كتبت بواسطة ام ارين

عندنا مبلغ انا وزوجي ومحتارين نشتري فيلا جاهزه ولا نبني ؟؟انا أقول نشتري ارض ونبني وهو يقول البناء تعب وعوار راس ماله خلق .....

ياليت تخدميني و تقوليلي كم تكلف فلتكم عظم ؟؟ ولو بالتقريب

وان شاء الله تسكنونه بالعافية..

من ناحية متعب و عوار راس ..

فهو صادق

بس النتيجة أتوقع إن شاء الله مرضية أكثر من الجاهز

بس لازم تكونون مستعدين ورايقين للعمار

والكلفة والله ياغالية والله ما أعرفها

وأخاف اسأل أبونا ..

يقعد يحسّب ويراجع نفسه ويلاقي إنه صارف واجد ..
فتجي على راسي
ويقتّر بالمراحل المتبقية

إذا قضينا مرة مرة بسأله خخخخ

المشاركة الأصلية كتبت بواسطة المتأنقة

ماشاء الله عليك وسن والله انتي مره ذوق . . توزيع ناجح للفراغات من النواحي المعمارية والانشائية والجمالية . . بديت أفكر فعلا في إطلاعك على تصميمي واشوف رايك فيه . . كم مساحة الأرض عندك فوق ال 1500 والا أقل أو أكثر ؟

الله

ترى انتفخ راسي يالمتأنقة

يالله عطين المخطط خل أشوف <--- صدّقت

أرضنا 2500 بس صغرنا الفيللا نفسها بالنسبة للبيت

تقريبا 650
على ثلاثة أدوار
وفعلا يا المتأنقة
ما أحب أي مساحة مالها داعي وماتخدم أهل البيت
حتى المجلس و سفرة الأكل , تعبت أفكر كم أعطيها من المساحة
لأني يتنازعني رغبتين ..
الأولى كبر مرافق البيت المستخدمة بشكل يومي

والثانية فخامة قسم الضيافة (مجلس/سفرة أكل) عن طريق تكبيره

وتعبت واستشرت لين وصلت لمساحة متوسطة بين الرغبتين

وحتى واحد من أسباب تعديل الماستر سويت

إن فيه موزع كبير وماله داعي

الله يمهلنا وأياكم يالمتانقة مهال الصالحين

[المتأنقة]

(( لأني يتنازعني رغبتين ..
الأولى كبر مرافق البيت المستخدمة بشكل يومي
والثانية فخامة قسم الضيافة (مجلس/سفرة أكل) عن طريق تكبيره

وتعبت واستشرت لين وصلت لمساحة متوسطة بين الرغبتين))

الآن ياوسن أنا أعيش في هذي المرحله , وعندي نفس الصراع بين هاتين الرغبتين , وماني عارفه . . وخايفه استعجل

ماهو حجم (المساحة المتوسطة بين الرغبتين ) الذي وصلتي اليه ؟ كم مساحة المجلس وسفرة الطعام عندك ؟

شوري على تراني احب اسمع اشوار اهل الخبره

[المتأنقة]

هذا هو مخططي المبدئي , وهو من تصميمي , إضافة لاقتراحات واجتهادات مجموعة من المهندسين في عدة منتديات هندسية من ضمنهم الأخت العزيزة أم ليان من هذا المنتدى الرائع التي أعطتني أفكار ذهبية أثرت المخطط جزاهم الله خير

[/URL]

مساحة أرضي 2000 متر , على 3 شوارع واجهه شمالية , لكنها مستطيلة . طبعا المخطط حتى الآن لم يعرض على مكتب هندسي , ولازال يتلقى التعديلات والمقترحات والإنتقادات وقابل جدا للتعديل , ولن أعرضه على المهندس حتى تكتمل فكرته 100 %

[*وسن*]

تبارك الرحمن .. حلو يا المتانقة .. مرتب التوزيع

بس خليني أشوف اراء الآخرين في موضوعك الخاص بالمخطط وبعلمك وش أميل له

لأني بصراحة منيب خبيرة , بس إذا طرحت الآراء المختلفة
ممكن أختار منها الرأي اللي يلبي رغبتيّ "العملية وحقوق أهل البيت اليومية" ,
ويراعي" الفخامة اللي كل أحد يتمناها في أماكن الاستقبال في بيته"

[*وسن*]

هذي الواجهة

جيت لقيتهم ينفذون .. قلت لهم شيلوا الأعمدة الوسطى النحيفة

قالوا الجباسين المغاربة : حتى احنا راينا كذا

عاد بوريكم أياه وياليت ماتحرمونا من اراؤكم الحكيمة

لاحظوا الزحمة اللي فوق

[علياء0]

http://www.almuhands.org/upload_muha...ile=fec5cb142a

انشاء الله الطريقة اللي اتبعتها تكون صحيحة وتظهر الصورة

البيت فيه تطورات لمن اروح له راح اصوره واصور من داخل وانزلها لكم باذن الله

مشكوره على تعليمك لي طريقة التنزيل

انشاء الله لمن يكتمل البيت تزوريني به بالبحرين