مخطط"قطريه" يحتاج ملاحظاتكم

[قطرريه]

السلام عليكم ....حبيت أعرض لكم مخططي لعلي أوصل معاكم لشيء أفضل نزلت الدور الارضي قبل التعديل ويأتي بعده نفس المخطط لنفس الدور مع التعديلات مكتوبه عليه ..أنتظر ملاحظاتكم مشكورين...
مساحة الارض 1200 بالطول على شارع واحد
مساحة الدور الارضي 350
والدور الثاني 350 "راح أنزله لاحقا"
البنت هاوس 105 "بنزله لاحقا"
الملاحق الخارجيه 91"بنزله لاحقا"

هذا قبل التعديل

بعد التعديل المطلوب

أول شيء حاولت أكبر الصوره ماقدرت ..بس ممكن تسيفونهاعلى صوري وبعدين تفتحون عليها وتكبرونها..بتبين عندكم
الملاحظات::
*بالنسبه لمدخل البيت هو دائري بغيره ويكون مثل هاي الصوره فقط المدخل وزواياه.أما الباقي لا لإختلاف التصميم

فكرة المدخل:أنقص المسافه على داخل مترين ونزيد الدور العلوي متر أوأكثر حتى ينتج هذا المدخل 3,5 متر بدون ما يأخذ مساحه من الصاله في الدور الارضي..شرايكم يصير ولا لا...
*وبالنسبه لدرج هل هو مناسب..وهل فيه خطوره على الاطفال...وشلون أقدر أأمنه
*ولو تلاحظون أنا سكرة بعض الأبواب وفتحتها بشكل ثاني مثل غرفة الضيوف وغرفة العائله..أنتظر ملاحظتكم فيها
*والمصعد مراح أعمله راح أأجله بعدين..فقط مكان له وأسكره بالجبسم بورد..
*وبالنسبه للإرتفاع ..ماهو الارتفاع المناسب للجبس والديكور ويظهر جماله.
*بالنسبه لفكرة الفراغات الجداريه على هذا المخطط ممكن أحددها.
*وبالنسبه لزوايا الميته أين تكون في هذا المخطط حتى أتمكن من استغلالها.
*بالنسبه لنوافذ لم أحددها بعد تأتي مع الواجهه لاحقا..
وجزاكم الله خير