محتارة أنا وزوجي بشكل درج البيت

[!أتمنى!]

صباح الخير

احب اشكر كل الاعضاء الموجودين بها المنتدى الرائع ..نادرا جدا أحصل منتديات متخصصة مثل منتداكم وتكون مفيدة في نفس الوقت

الله يجزي اللي عمل ها المنتدى كل خير

المهم ..انا عندي استفسار بالنسبة لدرج المنزل

عملنا شكل للمنزل وهو بشكل سداسي لكننا راح نغير شكل البيت علشان يصير قريب للمربع لأنه أسهل علينا في التقسيم ... وبصراحة أشوفه أحلى وما يتوه نفس الأشكال الثانية
لكن المشكلة اللي تواجهنا هي درج البيت
درج البيت في الكروكي ( بعدنا ما سوينا الخريطة النهائية) دائري ويكون ع جنب في نص البيت بجهة اليمين ( ان شاء الله فهمتوا علي )
بس زوجي مو عاجبه ويقول انه متعب وأنا بعد مشاورات وزيارات قمنا بها لبيوت تنبني بالواقع وشفنا درجها اقتنعنا ان الدرج الدائري او نص دايرة مو مريح ...
لكن المشكلة الحين شو أحسن شكل للدرج اذا كان في الحالات التالية:

1- في نص البيت
2- في آخر البيت

واذا عندكم صور توضيحية بليز لا تبخلون علينا

على فكرة : عيالي أشقياء ( ولدين) الله يحفظهم يعني أبغي درج آمن وبنفس الوقت أنيق ومميز

اللي يقدر يساعدني بليز أنا في الانتظار