السلام عليكم والله يمسيكم ويصبحكم بالخير محتاج لفزعتكم غشيم وبأبتدي ابني البيت ولي رغبات مالقيت احد من المكاتب الهندسيه يعيرها اهتمام بس يقدمون نماذج عندهم ويقولون اختر وكلها تقليديه ولو مانيب رايح بعيد بس ابي مخطط يناسب حاجتي قلت مالي الا الله ثم الانترنت وطحت فيكم صدفه وعساها تكون خير من الف ميعاد اللي ابيه
تصميم مبدئي وهاكم الاطوال والمطلوب وفيكم الخير والبركه عندي طول الله عماركم على طاعته أرض شرقيه 22عمق في 24 على الشارع وعرض الشارع 20 وابي فيها غرفه للوالده مع حمامها شبه معزوله علشان تبعد عن صجة الاطفال والزوار وابي غرفه لطفله معاقه مع حمامها قريبه من غرفة امها (الرئيسيه ) وبعد حمام او نكتفي بحمام واحد كبير يخدم الغرفتين وتكون هالغرفتين صاده من الرايح والجاي وابي غرفه للبنات واخرى للعيال طبعا ماننسى الصاله والمجلس والمقلط وودي بغريفه تكون مصلى اما المطبخ ومجلس النساء افضل انها تكون برا ملحق جانبي من الشمال وسلامتكم والله يوفق هالوجيه الطيبه وان كان فيه افكار جيده فيامرحبا بالفكره وراعيها