|
|
|
 |
 |
 |
|
 |
||||||||
|
||||||||||
 |
 |
 |
||||||||
| استشارات هندسيه ( العمارة والديكور ) مخصص لتلقي الاسئلة و الاستفسارات و الطلبات |
 |
|
|
أدوات الموضوع | انواع عرض الموضوع |
|
#33
04-03-2011, 12:03 AM
|
||||
|
||||
هلا أخوي أبو جده
أسف للتأخير .. بصراحه شقلبت كياني لما غيرت موقع الغرفه الرئيسيه أضطريت أشتغل من جديد وما ظبطت معي الا من ساعتين بس .. عموماً شوف التصميم الجديد بعد كل التعديلات التي طلبتها . [IMG]http://www.almuhands.org/upload_muhands/uploads/images/almuhands-a22****995.jpg[/IMG] شوف أنا وسطت الجزء الأخير من الفيلا من ناحية الصالونات .. حتي يأخذ المبني شكل المضلعات طبعاً سار المبني ثلاث أجزاء .. كل جزء ناقص 1م عن اللي قبله وقسمت المتر نص لكل جنب . المقاسات للسور نفسها عدا الجزء الأخير كان 3 م من اليمين ( المدخل الجانبي ) وأصبح 2.5 م والجزء اليسار ( مدخل الشقق ) كان 2.5 م أصبح 3 م . الهدف من الحركة دي إنه يكون في مسافه 0.5 م بين السور الفاصل للشقق والفيلا . طبعاً حتقلي ليه الحركات الخنفشارية دي ؟  أقلك يا سيدي إنه عزلت شبابيك المجلس والحمام والمطبخ عن المدخل وأعطيتها خصوصية وعدم الكشف .. حركااااااااااااااااااااات الحمام الله يكرمك اللي كان عند المطبخ في بيني وبينه كره ما حبيته جنب المطبخ نهائي ورحلته للجوار الدرج وفتحنا منور مكان المصعد .. ودخل منفصل يعطيه خصوصيه . المطبخ شباكه الأساسي زي ما هو راح يكون علي المدخل لكن زي ما قلتلك تحتاج تهويه قمت أستغليت ركن السور اللي رحلناه لفتح الشباك من الجنب اللي هو بالون الأحمر عشان كده رحلنا الحمام .. مخ سعودي اللون الأحمر هو الجزء اللي يخفي مواسير الصرف عشان ما تكون ظاهر علي المدخل وتشوه المنظر العام علي اليسار أما صرف الجهه اليمني هي حتكون ماسورة وحده في ركن الالصالون من بره مراح تأثر . المغاسل مالها مكان جوة الحمام ( الله يكرمك ) وما يسير تتحط جوه فمكانها بره شبه ضيق عشان كده إختار مغاسل صغيره في العرض . عدلت مقاس الفيلا ورجعنا 70 سم اللي قلت نأخده من الأمتار الأمامية . منطقة المطبخ أعتقد سارت أفضل مع وجود الجزء الخارجي الملاصق له وبينهم شباك خدمه ( الخطوط المنقطه ) ويمكن إستغلاله كبار في نفس الوقت إبسط يعم شغل خواجات أعتقد ما باقي شي في الدور الأرضي .. نجي للدور الثاني وما أدراك ما فيه  طبعاً بعد تفحيص وتمحيص وعصر للمخ وطبعاً إنت مشاء الله غيرت المكان اللي كنت مسويلك هو جناح ولا في الفنادق . توصلت للفكرة اللي بالصورة .. لغيت جزء الممر للغرفة العلوية مع كل خدماتها وضفتها لغرفتك وأخذت 1م من الممر لديك وضفتها علي الغرفه عشان توسع مع إنها واسعه بس شكلك راح تحط سريرين ولا إيش ؟ وكبرت لك مساحة الحمام وخليته 3x3 عشان تسوي فيه الجاكوزي والشاور وأي ديكور حلو ويسير شيء علي كيفيك طبعاً دلعتلك الحمام علي واجهتين وحركات يعني نور الشمس من كل اللإتجاهات .. بس أبي أشوف ديكوراتك فيه . وما نسيتك في جزء الملابس عملته علي جنبين عشان يكون جنب ليك وجنب للمدام عشان ما تتزاحموا علي الدولاب ظهر الحمام والملابس ممكن تحط فيه جلسه حلوه كده وتجلس فيها وكاسة الشاي جنبك وتسرح بخيالك كده وتخطط للسفر لجزر هاواي في الإجازه أعتقد جناحك الخاص مناسب جدأ . الباقي تقريباً ما سار فيه تعديلات كثير لكن مكان السيرفس بار أعتقد إنه مناسب أكثر من وضعه في الجنب ويأخذ جزء من الغرفه ويمكن تكبير مساحته بعمل كاونتر بار علي الطرف يعطيه جمال أكثر . ويمكن عمله بطريقه أخري يكون نصف دائري واجهته علي الصاله ويوضع في منتصف الصالة بعد ممر الغرف وتسير دخلة الصاله من اليمين واليسار . يا سلام تسوي فيه شوية إضائه وتخفض إضائة الصاله ومويوزك رومنسي وتعمله نظام بار ويسير أخلي من بارات أمريكا يا سيدي الله يهنيك بالبيت ويجعله قدوم خير عليك والف مبروك عليك .. بس ها لا تنسي المفلطحات يارب أكون وفيت معك بما يتناسب مع إحتياجاتك ويكون التصميم مناسب لك . ولي معك حوارات علي الخاص بإذن الله راح تستفيد منها . مع خالص تحياتي 
|
|
#34
04-03-2011, 12:28 PM
|
|||
|
|||
|
ا[align=center]
خي الفاضل والمحترم جداجي ار ان قلت انت انسان رائع فهي قليله في حقك ولكن ليس لدي سوا الدعااء لك لديك افكار جدا رائعه وتستحق ان اتناقش معك فيها وسوف اناقشك على استحياء لانه تعبتك معايه بشكل كبيرولا ابالغ ان قلت بأنني محظوظ جدا بمشاركتك طيب انقول بسم الله وخلينا انجهز الميكاتوا على بال المفطح مايجي نبدأ من حيث ما انتهيت الدور الاول [/align] 1- لم تعمل حساب السلم الي اطلع السطوح وقد كان بين غرفه الاولاد والبنات وبهذا سوف يتغير مخطط الدور الاول بشكل كبير 2- بما انه الدور الاول سيتغير بشكل كبير عندي اقتراح اش رايك لو نلغي الحمام حق الغرفه الي خلف الغرفه الرئيسيه لانه ماله داعي وبما انه مساحتها 6.40م في 4.80 نرجع مترين للخلف ويكون سيرفس يطل تقريبا على الصاله وفي المقابل غرفه الاولاد الي اطل على الشارع انخلي حمامها عام وليس خاص والغرض من ذلك انه الحمام يخدم الصاله ونسوي دولاب جداري في الغرفه ( اهم شي الصاله تكون صافيه ما يفتح عليها اي باب) زي ماعملتها انت في الاخر 3-تخطيط غرفه النوم الرئيسيه جدا جدا جدا راااااااااااااااااااااااااااااااااااائعه فضلا لاامرا خليها زي ما هيه 4- التغيير الجذري سيكون بين الغرفه الرئيسيه والغرفه الي خلفها وانت قدها وقدود يا بطل طيب نشرب القهوه قبل ماتبرد ونواصل وسا محني اذا ثقلت عليك طيب شربنا القهوه خلينا ننزل مع الدرج لدور الارضي ونتناقش فيه طبعا افكار الدور الارضي من عند ام العيال بعد ما صارت بيني وبينها علوم وفي الاخير قدرت عليه وبيني وبينك انا خواف مااقدر اقولها لا افحط افحط وبعدين اخن انتبه اتقول لاحد طيب نبدأ 1- المصعد ما تبغاه وسط الدرج تبغاه جانبي ممكن زي اول 2- السيرفس فكرته جدا رائعه بس زي ما قلتلك اخوك خواف الحرمه تبغاه عند السلم ويطل على الصاله بنفس الشكل الي انت سويته وسوف تضع اما مه طاوله الطعام 3-الحمام هي ترى انه مكانه الاول افضل الحرمه تبغى تتفخفخ بالمغاسل مع انك انت منت بالع مكانه 4- المدخل الجانبي من الجهه الشرقيه الي كان 3م وصغرته 2.50 ورحلته للجهه الاخرى مدخل الشقق الهدف منه انه يكون موقف سياره من البوابه مباشره وطبعا 2.50 لا تكفي اخي جي ار موفق بإذن الله ... لك مني أجمل تحية . وسامحني لانه تعبتك معايه واسف جدا جدا وأسأل الله سبحانه وتعالى ان يبارك لك في كل ماتملك وان يصلح لك اولادك وما شاء الله تبارك الله يا حظ ام العيال فيك لمعدنك الاصيل وروحك المرحه ترى ما نسيت المفطح بس انخليه في النقاش القادم دمت بود
|
|
#35
04-03-2011, 05:31 PM
|
||||
|
||||
|
ياقلبي عليك دا اللي كنت خايف منه .. الشغله ما يبالها خوف الله يخليلك أم العيال .
دا تصميم راح يجلس معكم طول العمر ولازم يكون مثالي وعملي في الإستخدام من كل النواحي ويجب إظهار الجمال في التصميم للمكان علي الواقع .. أنا ما بأفرض رأيي فيه لكن أنا لي نظره أكثر من خلال ممارستي للتصميم . ولا تخاف يا أبو الشباب لازم توصلوا لحلول وسط تضحي بشيء مقابل شيء ما تقدر تعمل كل أفكارك في مكان ضيق أو إحداث فراغات غير مستغله لمجرد فكره .. يعني مثال بسيط .. وضع المطبخ .. مطل علي مدخل الشقق مع أني ضد مكانه نهائي هنا ووضعه في الجنب اليمين أفضل لأسباب كثيره منها له إسقلاليته وقريب من المدخل حتي لو تبي تدخل أغراض المطبخ ما تعدي من الصاله كلها .. لكن أنا خليته علي وضعه وعالجت لكم عدم تهويته . الحمام الله يكرمك في مكانه الأول قد يكون مناسب لاكن أنظر المساحه اللي قدامه كم 5م في عرض الحمام مكان غير مستغل وميت لمجرد إنك تبي تحط فيه مغاسل للتفاخر !!!  الدرج عرضه 4.3 م وصافي الدائره 190 سم منطقه ميته لايمكن الإستفاده منها . عرض الحوش اللي تبيه 3 م وتبي تدخل السيارات الين البوابه !! البوابه اللي بالأمام كانت معزوله ومقتصره علي المجلس بينما المفروض تكون بوابة رئيسيه لأهل البيت .. هذا غير مساحة المدخل الميته للطول الغرف . الجنب اليمين اللي تبي تحط فيه مواقف سيارات .. الفكره غير مرغوبه في نظري لسبب إنه دا مدخل للفيلا ومدخل لمجلس النساء . ومومعقول حتدخل ضيوفك من وسط السيارات .. يمكن إستغلال هذه المنطقه بعمل حديقه ومدخل جميل .. بعدين تخيل أنك واقف أمام المبني وأنظر للشكل العام راح تستوعب إنه الأن أجمل من الأول لأنه أخد نظام المدرجات بينما أول كان مبني عادي بزوايا غير منسقه . السيارات أعمل لها موقفها في نفس الركن بقيرب السور وتكون قريبه للشارع . المصعد ممكن يتعمل بطريقه ثانيه لو ما تباه وسط الدرج تقليل مساحة الدرج من 430 سم الي 340 سم صافي الدائره 1 م وتصغير عرض المنور اللي أستحدثناه يعطيك مساحة مصعد . أو وضعه بجوار الباب الجانبي وهو الأفضل لأنه درج السطح في الدور العلوي راح يكون في نفس المكان وذلك بتقليل مساحة الغرفة الخلفية من 7 م الي 5 م ويكون صافي الغرفه 6x5 . ودا طبعاً حاسب حسابه من أول إنه يمكن يتعدل عشان كده خليته 7 م . أنا من أول بأفكر وبدي أسال عن الطلوع للسطح .. وغرفة الشغاله وغرفة الغسيل . عموماً ياليت تحط كل أفكارك دفعه وحده لأنه صعب التعديل لأكثر من مره . وقل لأم العيال الله يحفظها جي آر بيعدل التصميم بطريقه عملية وبيراعي إستغلال كل جزء بطريقه عملية ويحاول يقلل من الفراغات الغير مستغله أو ميته .. وإعطاء لمسات جماليه للمكان . مع خالص تحياتي
|
|
#36
04-03-2011, 06:05 PM
|
|||
|
|||
|
ااخي الفاضل جي ار كلامك مقنع جدا والله كأني كنت نايم وصحيتني
اشكر جهدك الجبار والمميز واعرف انه اخذ منك وقت وجهد جبار وقد يكون على حساب مصلحتك ومصلحه اولادك فقط حددلي مكان السلم الى يطلع على السطح مع العلم انه رايح يكون فيه باب من الدور الثالث عن طريق الشقق يطل على السطوح الله اوفقك دنيا واخره مع خالص شكري وتقديري
|
|
#37
04-03-2011, 06:58 PM
|
||||
|
||||
|
عزيزي أبو جده ياسلااااااااااااااااااام عليك يعجبني الي يسمع الكلام أنا أسف إذا حواري ضايققك والله أنا قلته عشان مصلحتك وليس لعدم تنفيذ تعديلات جديده أنا ما تفرق معي أسوي اللي تبيه .. لكن أنا بأراعي الديكور مع التصميم وليس التصميم فقط . والله هذا التصميم الوحيد اللي أعتبرته كأنه لي . أنا عارف الحمام الله يكرمك اللي عند المطبخ مسوي أزمه لتغير مكانه ( الحمام دا غايزني ) لكن أضفلك معلومه وإنت فكر فيها .. تخيل وإنت جالس بالصاله تشوف مدخل الحمام والمغاسل والداخل والخارج منه ويسلام لو كان اللي بيستخدمه حريم عبال ما تصلح نفسها وهي خارجه يكون كل اللي بالصاله شافها !! أعتقد شكله مو لايق صح . فمكانه الجديد مناسب وله خصوصيته ويخرج الواحد منه مهندس ومرتب ولا كانه أستخدم الحمام الله يكرمكم . أنا راح أعملك تعديل بسيط للدرج والمصعد وراح يناسبك مع تحديد مكان درج السطح والسطح ياعيني عليه ما أعطيناه حقه لكن أبشر بأحلي سطح حيكون فيه كل الخدمات .. غرفة الشغاله والغسيل ومجلس وحمامات الله يكرمك وأحواض زراعه عشان لما تحب تسوي عزيمة السكن الجديد اللي راح تعزمني فيها طبعاً يكون عندك مكان جميل ومرتب وديكوره حلو . السطح بيكون مقسم بينك وبين الشقق له مدخلين من الفيلا ومن الشقق ، والباب الفاصل من مدخل الشقق عارف ليه ؟ أقولك يا سيدي ليه .. لو فعلا تبي تسوي عزيمه في السطح تطلع ضيوفك من مدخل الشقق للسطح مباشرة . طبعاً المصعد نهايته في الدور الثاني عشان لو طلع للسطح بيكون غرفة مكينة المصعد العلوية ظاهره من بره المبني وما بيعطي شكل جمالي .. ( وجهة نظري ) . الحوش إعمل فيه ديكور بالزراعه وممكن عمل مسبح صغير لو حابب . لي عودة معك باللي يرضيك .. بس قلي الفيلا فين حتكون في جده ؟ مع خالص تحياتي
|
|
#38
04-03-2011, 08:13 PM
|
|||
|
|||
|
بيض الله وجهك يالنشمي والله انك كفووووووو
[rainbow](بس طلب صغيرون ممكن المصعد مايكون مع وسط الدرج ) [/rainbow]وكمان طلب ثاني اصغر من الاول بشويه مدخل النساء ابغاه3م الي قلتلك بيكون موقف سياره اذا امكن وتأكد انه تصميمك حيكون هو المعتمد علما بأن الارض في مخطط الفلاح قريبه من الخط السريع والف الف الف شكر يالغالي ملاحظه صغنونه / راح يكون هناك غرفة سائق (بس خلااااااااااااص) 
|
|
#39
04-03-2011, 09:26 PM
|
|||
|
|||
|
ولا اقولك خلاص خلي ممر النساء 2.50 زي ماسويته اول لانه فعلا حيأثر على الشكل الخارجيي للمبني اذا اهم شئ المصعد وياليت نخلي مدخل الرجال 3م بدل 2.50 والباب اللي في واجهه مدخل الرجال ممكن انخليه قريب من المغاسل لانه نيتي اعمل حركاااات فيه اخر كلااااااااااااااااااااااااام خلاااااااااااااااااااص بس
|
|
#40
04-03-2011, 09:27 PM
|
||||
|
||||
|
برضك ما تسمع الكلام تري بأسلط عليك أم العيال المصعد شغال فيه وحاطط عل يالطاولة دلة قهوه وشاي وكابتشينو ومكاتو كلها عشان المصعد كم سيارة عندك وما هي نوعها ؟ كبرت في دماغي إلا أريحك بالموقف بدون ما أغير المسافه يرجل حدخل السيارة 11 م عشان تنزل من باب السيارة للباب الفيلا .. قوة كسل أمش بس 3 م تري والله المشي مفيد للصحه أعطيني بس نوع السياره وكم عددها ولا يهمك راح يجيك الي يرضيك أما السواق المسكين دا أمره سهل .. وأكيد راح يكون إتنين في واحد ، سواق وحارس صح . عشان كده أشوف إنه موقع غرفته راح تكون في ركن الفيلا من اليسار بحيث وله بابين واحد للفيلا والثاني للشارع عشان يكون قريب من مدخل الشقق . أنا سالتك عن موقع الفيلا عشان في نقطه مهمه تحطها في بالك .. طبعاً جده غير سارت تغرق من أقل مطر .. الله يعين . ويفضل رفع المبني كله عن مستوي الأرض من أربعه الي سته درجات ودا يعتمد علي المهندس الي صمم المخطط وحط درج الشقق قرب البوابه لازم تناقش معه وضع الدرج وحساباتها مع إرتفاع الدرج للفيلا . تحياتي
|
|
| مواقع النشر (المفضلة) |
 |
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
العرض العادي
