اطلب رايكم في شقتي

[فيونكه]

أخت أم نور حبيت أضيفلك نقطه مهمه السفره عندك طرازها
تابع للريف الأمريكي الجورجي إسمه American Georgian
وهذا الطراز يلبقله الكلاسيك classic تقدرين تختارين بين الفرنسي
أو الإنجليزي أو الروماني إنت عندك المجلس مودرن modern
والسفره كلاسيك وهنا مشكله لوعندك إمكانيه تغيري المجلس كلاسيك
أو السفره مودرن يكون أفضل لو ماعندك إمكانيه حاولي تختاري نمط
وتمشي عليه بالإكسسوارات وأنا رأي من الإكسسوارات إللي عندك
توجهي للريفي أو الكلاسيك لأن براويز التبلوهات (اللوحات) عندك
كلاسيك والسفرة كلاسيك بس المجلس إللي مودرن أحسلك تمشي
مع الكلاسيك...

[فيونكه]

كمان نصيحه أخيره الستاير لو تحاولي تغيريها تعمليها طويله
أما تكون على مقاس الجدار يعني توصل لآخر الجدار في الأرض
أو تكون أطول ونازله في الأرض أما الطول إللي إنت عاملته
غلط لأنه مهو قصير على طول الشباك ولاهي طويله بطول تاجدار
وإنتبهت للكنب عندك مافي داعي تغيريه لأني ما شفته أول كويس
الكنب عندك في خشب من تحت وعليه نقوش يعني أنا غلطت إعذريني
الكنب يعتبر كلاسيك مافي داعي تغيريه بس النقوش مهي واضحه
عشان كذا ما أقدر أميزلك نوعه فرنسي أو إنجليزي عشان كذا
إعتمدي الكلاسيك

[فيونكه]

أنا عارفه إني زهقتك بس هذا آخر تعليق
الطاولات إلي في الزوايا End table يا ريت لو
تبعديها عن الجدار وتخليها بين الكنبتين بمسافه
متساويه عشان إلي قاعدين في الكنبتين يستفيدو
منها وكذا أجمل بالشكل خلصت حولتك من
كثر النصايح صح

[رانيا_أم_نور]

مشكورييييييييييين مشكورييييين وااااااااااايد على نصايحكم الغاليه ... بخصوص ابعاد الكنب عن الحائط .. تم عمل اللازم وبخصوص اللوحات فهي فعلا محطوطه لمجرد ملء الفراغ دون خبره فعليه بهذا المجال
وبخصوص طاولة الوسط .. موجوده لكني شايلتها لانه نور تطلع عليها وطاحت من عليها اكثر من مره ففضلت اني احطها بس وقت اللي يكون فيه ضيوف عندي
وبخصوص الستائر .. احرجتوني بس الصراحه هذا ماهو الطول اللي انا مختارته .. هذا الطول اللي كان مناسب بشقتي القديمه .. وكانت مكلفتني مبلغ كبير وما حبيت استغنى عنها وفضلت استخدامها على عيبها شسوي .. امشي حالي على قد امكانياتي، لان هالفرش هو اللي موجود من تزوجت من 3 سنين وما عندي امكانية اغيره حاليا.

الاخ\الاخت فيونكه .. بالعكس كثره النصايح تدل على الحرص والاهتمام وطاولات الزوايا ما لها اي فايده غير انه عليها الاباجورات بالنسبة للضيوف فانا استخدم طاولات صغار اللي يكونون 3 تحت بعض لاستخدام الضيوف في وضع الكؤوس او الصحون او غيره ..

ومره ثانيه مشكورين جدا جدا جدا

[الكووكوو]

بصراحة بدون زعل عندك فراغات كثير ورافعه الصور كثير فوق اعلى من المستوى الطبيعى والصورتين الى جنب التلفزيون قريبها اكثر وارفعيها شوية والمطبخ فيه اسلاك تحتاج لترتيب اكثر وجلسة الطعام لاصقه كثير بالجدار وحاولى توزعى الاضاءة اكثر ببعض الابجورات بدل من النافورة لانها تسحب العين بشكل كبير وتعمل اضاءة عالية جدااا وحاولى الكنب الى فى الصاله يكون بشكل احلى يعنى لايكون الكنب الجانبى بوضعية مستقيمة مثل كنب المكاتب حوالى تغيرى وضعيته .......

[شذا نجد]

اهلين فيكي انا باعتقد دائما ان مقدمه البيت اذا كانت فخمه اعطت شعور بفخامه اجزاء البيت الاخرى فاذا دخلتي بيت دائما اذا كانت مقدمه المنزل رائعه تنبهري وتنسين بقيه البيت
انا احس ان المدخل في بيتك يبغى شغل وتعب منك ممكن تشيلي درج الجزم لمكان اخر بعيد عن واجهه البيت ولازم تكثري النباتات الداخليه لانها تخلي البيت رائع ولا تكلفك كثير كما ان وجود الطاوله الخاصه بالاكل متداخله مع الصالون مو حلو وياليت لو كان بينهم بارتشن او اي فاصل ولو كان عندك مكان كان قلت لك انا مااحب طاوله الاكل في مدخل البيت والله يجعل بيتك عامر بالسعاده وتمليه بالذريه الصالحه الحلوه زي بنتك نور الله يخليها

[fto]

أخت رانيا أم نور أسعد ربي حياتك يكفي نعومة الأثاث ونظافته وعقبال ما يوسع عليك ربي ويرزقك بالفله

[ام الاصول]

يكفي ان عندج نور اللة يحفظها

[شموخ]

حيايكي ام نور ....
ماشاءلله ردود الاعضاء تكفي وتوفي ... ودامها شقه ايجار مشي حالك فيها وحاولي التعديل قدر المستطاع ...وتعوضي ان شاءلله في بيتك

[moonlight2008]

الله يحفظ لك نور ويحميها فهي أحلى من الدنيا كلها
أما الشقة فهي مريحة ومرتبة لولا المطبخ بس هذا مو ذنبك
أنت مستأجرة وعلى قولتك ممكن أي وقت تعزلي لشقة ثانية
الله يسعدك