تكفون ساعدوني والله اني ما أنام الليل والسبب هذي المصيبة تكفووووووون

[حمود الدوسري]

السلام عليكم ورحمة الله وبركاتـة

كيف حالكم يا أخوان

يعطيكم العافية على جهودكم الكبيرة


صراحة انا في مصيبة كبيرة والله مصيبة ماتخليني أنام الليل

أنا بنيت منزل خاص فيني ومكلفني حتى الآن مليون وثمانمية الف ريال

لكن طلعت عندي مصيبة وهي أني غلطت في التصميم الخاص بالخارطة بعدها الغيت غرفة وطلع لي عامود في وسط الصالة .

رحت عند أكثر من شخص يشتغلون في ديكورات وكلهم يسون لي أشياء ماعجبتني وتقليدية

وانا يا أخوان حقيقة أطلب فزعتكم وأبي رايكم شنو أسوي أنتوا لكم خبرة في هذي الأمور والشورة الي بتقلونها لي بسويها وبدعي لكم وماراح انسى جميلكم

بحط لكم بعض الصور الخاصة بالعامود

هذي صورة الخارطة وانا حاط دائرة على العامود




صورة جانبية للصالة وطالع العامود الي مزهق حياتي




صورة للمدخل وتلاحضون العامود كيف جاي في الوسط



وهذي لقطة ثانية


تكفون ياجماعة ساعدوني والله يجزاكم خيـر وأي معلومات ثانية انا موجود

وانا للحين في مرحلة العظم (( الأسود )) وماعندي اي مشكلة في اضافة شي او تكسير شي لكن العامود يعتبر أساس للبيت


أنتظر فزعتكم

[هنوووده]

السلام عليكم اخوي حموده الدوسري ...........

اخوي اسمح لي بنقل موضوعك لقسم الاستشارات الهندسيه وذلك لانه القسم المتخصص باستشارات وطلبات واسئله الاخوه الاعضاء وليتسنى لجميع الاخوه مساعدتك بموضوعك وتلبيه طلبك ...........

ولي عوده لموضوعك باذن الله ..............


اختك هند

[ام فهد]

ياهلا ويامرحبا بالاخ حمود

الله يكون في عونك فعلا العمود يحتاج الى معالجة جدارية محنكه حتى تقدر تعالج هذا العيب المزعج ... خليني افكر لك بحل مناسب له ..
ولي عوده ..

[حمود الدوسري]

تكفين يا أم فهد

تكفين ترى انا على الله ثم على هذا المنتدى
والله وقفت من البنيان قاعد أدور حل

أنتظر عودتك

[ام فهد]

راح ازودك بعدة حلول اجدها من خلال الصور وانت شوف المناسب منها


الحل الاول :

بامكانك تلبيس العمود كما بعمود هذه الصورة مثلا .. ويتم تلبيسة بالرخام او الجبس بورد او بالحجر او الخشب

[حمـــــاد]

الله يسهل امورك اخوي الكريم

وعسى ان تكرهوا شي وهو خيرا لكم

صل ركعتين استخاره وان شاء الله بتتيسر الامور

الحل بعون الله بسيط وبيكون بيدك ان شاء الله بس

تكون مرتاح ( رايق ) وخلاف راح تفكر عدل ان شاء الله

والشور زين وانا اخوك

والله يبارك لك في بيتك ان شاء الله ويجعله خير عليك وعلى هلك يارب

[ام فهد]

الحل الثاني :


الفكرة الموجوده بهذه الصورة مثل ماانت شايف العمود الملبس بالخشب

مع وصله بشبه الفاصل الخشبي اللي يفصل بين الصالتين كما بالصورة ..

ليصبح العمود جزء من الفاصل الموجود بالصاله ومع ادخال

الخشب عنصر اساسي في ديكور الصاله اي معالجة السقف ايضا بالخشب

كما بالصورة او دهان الجبس بلون الخشب البني






بامكانك عمل عمود واحد فقط مع الفاصل اللي معه مافي داعي للعمود الثاني الموجود بالجهة الثانية كون صالتك محدودة المساحة ....

وتستطيع بعدها وضع جلسة في الجزء او في هذا الركن






وهذه الصورة من الجهة الاخرى ...

[حمـــــاد]

انا تراني هب خبير ولا شي لكن بعطيك رأيي اخوي الكريم

شوف مدخل البيت كيف شكله

اعمل العمود الي بالمنتصف اخوي بنفس الطريقة

يعني كأنك مسوي مدخل ثاني

راح يعطي المكان لمسه جمالية اكثر مع الجبس

اتمنى ان الفكره وصلت اخوي الكريم

[حمود الدوسري]

مشكورين على أهتمامكم

أم فهد الفكرة حلوة بس هل تبيني أرفع الأرض عتبـه مثلا ً وانا عندي المسافة أطول يعني الفاصل شوي بيكون طويل

شرايك

حماد فكرتك جيدة بس ماتناسب الي عندي


اتمنى تواصلكم وياي يا أخوان

فديتكم

[ام فهد]

المشاركة الأصلية كتبت بواسطة حمود الدوسري

مشكورين على أهتمامكم

أم فهد الفكرة حلوة بس هل تبيني أرفع الأرض عتبـه مثلا ً وانا عندي المسافة أطول يعني الفاصل شوي بيكون طويل

شرايك

حماد فكرتك جيدة بس ماتناسب الي عندي


اتمنى تواصلكم وياي يا أخوان

فديتكم

ممكن تاخذ المسافة من العمود حتى نهاية الحائط ..

مش فاهمة عليك اش تقصد برفع الارض عتبه .. ؟؟