نوافذ بطريقه حديثه..

[المشكاة]

الاخت دانة البحرين

معضم النوافذ المعروضة هنا حلويين وعمليين. بس في نقطة ودي اوضحها انه لو تلفين الخضرية بالدمام او اي منطقة صناعية في كل انحاء السعودية او الخليج ما راح تحصلين اللي يسويها بالشكل المطلوب. لانها نوافذ خشبية وسوق النوافذ ما عنده هالتقنية او بالاحرى تخلى عنهاصناع الخشب منذ زمن قريب. والنافذه الجيدة مو بس في حلاتها ولكن في نظام الفتح والغلق لها وفي مدى عمرها.

الان الناس مساكين هم تحت رحمة المصانع والتجار فهم اللي يتحكمون بالسوق وهم اللي يفرضون نوعية النوافذ. من متى كانت نوافذ الالمونيوم هي انسب نوع؟؟؟ النوافد اللالمونيوم تفتقد الى الحس الانساني. تفتقد الى تفاصيل التصنيع الجميلة اللي ما يوفرها الا الخشب.

طبعا انا متأكد ان الكثير يعتقد ان الخشب غير صالح لاجواء منطقتنا وهذا غير صحيح. نوافذ الخشب هيى اللي كانت موجودة في منطقتنا قبل ما تجي حمى نوافذ الالومنيوم.

انا اشكرج على الموضوع اللي راح يساهم في عودة هالنوع من النوافذ لمنازلنا الجميلة.

المشكاة