احذروا من مكتب ............

[ابو رودي]

السلام عليكم ورحمه الله وبركاته
اخواني الاعزاء والله ثم والله مالي اي مصلحه من موضوعي هذا الا ان انبه واحذر الاعضاء وزوار المنتدي
كنت في بدايه الامر ابحث عن مكتب هندسي في المدينه المنوره يقوم بعمل مخططاتي وهي عباره عن فيلا صغيره.

وقد سمعت كثيرا عن مكتب .............الهندسي وعن انجازاته فقلت الحمد لله حصلت ضالتي.

ولكن عندما تعاملت معاهم اتضحت لي الامور بصراحه مهندسيه فاهمين شغلهم بس المشكله الكبيره انهم يماطلوك في مشروعك بطريقه عجيبه جدا جدا يعني والله انا جلست معاهم عشان اخذ صور من المخططات الانشائيه والمعماريه شهور وهذا غير سعرهم الغالي والمبالغ فيه وبدون مبالغه ممكن سعرهم دبل السوق او اكثر.

والله اني ندمت كل الندم على الي بيصير معاي وكل بعد فتره اتصل عليهم واسالهم وش صار في مشروعي وهم يماطلون ويقولون معليش بس في كم مشروع قبلك بس نخلصهم وبعد كذا نبدا في مشروعك. وانت لا حيله لك الا الانتظار والندم على المبلغ الى انت دفعته والوقت الى اهدرته.

لذا والله وبكل امانه حاولوا الابتعاد عن مكتب ............وفي ناس والله من اصحابي عملوا مشاريعهم في مكاتب اخرى وكانت الحمد لله امورهم ماشيه وسعرهم مناسب جدا.

بالتوفيق للجميع

[ابو المثنى $]

ابو رودي

اذا شغلهم صح فالمماطلة اعتبرها عادية .. من الزحمة عليهم .. حتى السعر مو خسارة فيهم

لكن لما تصير مصيبتك مثلي اخطاء انشائية جالس ارقع فيها مع المقاول ومكتب هندسي ثاني

هذي هي البلوكة الي تفضخ الراس

شرحك سرى .. حذرت من مكتب لقيت الناس تمدحه هنا بالمنتدى يقاله ..........بالسويدي

اشتغلنا عنده انا وصاحبي مخططاتنا وعدلناها عن مكتب ...........بمخرج 5 شمال الرياض

احيانا يتغير المهندسين ويبقى المكتب على سمعته القديمة.

[ابو رودي]

حياك الله ابو مثنى
حبيب قلبي كل شئ يزيد عن حده ينقلب ضده.
كون مخطط فيلا صغيره ياخذ 3 اشهر عشان يخلصوا من الانشائي والمعماري فهذا شئ مباااااالغ فيه.
وانا ما قلت ان المكتب سئ بالعكس المكتب شغله حلو بس الشئ الى بيسويه من مخططات وانشائيات فيه مكاتب غيره تعمله بنفس الجوده وباقل منه سعر.

وانا مثل ما قلت له والله في ناس من اصحابي بدوا بعدي في التخطيط والان ما شاء الله تبارك الله بدوا في البناء وانا لسه جالس يخلص المخطط تبعي عشان اعرضه على المقاولين ولمن برضوا سالت اصحابي والله تقريبا سعره بنصف السعر.

[البحر المحيط]

الحقيقة يأخوان المكاتب توفيق من الله

أنا ذهبت لمكتب غالي في شمال الرياض ودفعت مبلغ وقدره ومماطلة غير طبيعية 8شهور .......

وفي الأخير أرضي طلعت دفان واحتجت لرسم البدروم فذهبت إليهم فقال لي المهندس السعودي يبغالك تدفع من جديد لأن المخطط كله بيتغير والمخطط الأول في الزبالة........أو حل ثاني تدفن الأرض وترجع تبيعها

وأقول حسبي الله ونعم الوكيل

وأروح مكتب صغير في غرب الرياض ويرسم لي المخطط بمبلغ بسيط وقال لي أن المكتب الأول حاط لك حديد حق عمارة 6 أدوار وبقلل لك الحديد شوي

ومع ذلك المقاول لما جاء يبني قال ماقد شفت أحد حاط حديد مثلك قلت هذا بعد التقلييل

والله يساعد كل من يبني يحسبون عندنا ملايين في البنوك الكل يبي يهبش

[ابو المثنى $]

المشاركة الأصلية كتبت بواسطة البحر المحيط

الحقيقة يأخوان المكاتب توفيق من الله

أنا ذهبت لمكتب غالي في شمال الرياض ودفعت مبلغ وقدره ومماطلة غير طبيعية 8شهور .......

وفي الأخير أرضي طلعت دفان واحتجت لرسم البدروم فذهبت إليهم فقال لي المهندس السعودي يبغالك تدفع من جديد لأن المخطط كله بيتغير والمخطط الأول في الزبالة........أو حل ثاني تدفن الأرض وترجع تبيعها

وأقول حسبي الله ونعم الوكيل

وأروح مكتب صغير في غرب الرياض ويرسم لي المخطط بمبلغ بسيط وقال لي أن المكتب الأول حاط لك حديد حق عمارة 6 أدوار وبقلل لك الحديد شوي

ومع ذلك المقاول لما جاء يبني قال ماقد شفت أحد حاط حديد مثلك قلت هذا بعد التقلييل :ansmile30:

والله يساعد كل من يبني يحسبون عندنا ملايين في البنوك الكل يبي يهبش

انا عاد عكسك تماماً .. يوم جيت للمقاول وبالعادة المقاول يقلل الحديد لكن هذي اول مرة بحياته يقول لزبون ترى حديدك قليل على داير الفله ..

طنشته .. وطلعت مهندس على تسليح الدور الارضي قال الحديد ناقص وزوده

هذا غير المقاسات الخطاء والدرج الي كان مستحيل ينعمل الا بتصحيح كامل المخطط عند المكتب الثاني.

[المهندس™]

عزيزي انت تعتقد انها مماطلة

لكن كم عميل لديه وكم حجم العمل الذي لديه

حالات جدا كثيرة تستغرق مثل مثل ها الوقت

[راعي الافلاج]

الله يرزق من يشاء بغير حساب
وكل شخــــص له الحريه