حتى نتجنب الكارثه ..............................تحذير هااااااااااااااام

[تقوى الله]

السلام عليكم ورحمه الله وبركاته
اعتذر عن هذا العنوان لكن حسيت هو الوحيد اللى ممكن يدل على موضوعى
انا هحكى قصتى واتمنى من ذوى الخبره التعليق وتوضيح اسبابها وازاى انا وغيرى نقدر نتجنبها وربنا يحفظنا جميعا من كل شر

بداية احب اوضح انا مصريه مقيمه فى السعوديه وبنزل اقضى شهر سنويا فى شقتى فى مصر

اللى حصل ان من حوالى ثلاث سنوات واثناء وجودى فى مصر تحديدا كنت موجوده فى شقتى والساعه كانت 2 صباحا كنت انا وجوزى وبنتى موجودين فى غرفه المعيشه وابنى نايم بجورنا
سمعنا صوت خارج من الصاله اشبه بالنقر خبطات صغيره جدا بدايته انا تخيلت انه ممكن يكون فار صغير
لكن فى خلال ثوانى بدا الصوت يعلو ويوضح اكتر لدرجه انه اصبح كأن شخص دخل الصاله وبيرمى الكراسى على الارض او بيرمى ادوات المطبخ فى الصاله متستعجبوش ده الصوت اللى سمعته انا وجوزى وبنتى
جوزى قام بسرعه يحاول يعرف فيه ايه
وصل لباب الصاله شاف النور (اضاءه الصاله)انطفئ والصاله فيها تراب هو تخيل ان البيت بينهار
وقالى هاتى العيال ويلا ننزل بسرعه لكن فى نفس اللحظه سمعنا صوت اشبه بالقنبله

خلينى ااقولكم ايه بالظبط اللى حصل
الصاله فيها (بمعنى اصح )كان فيها سقف معلق بالجبس
ممكن نقول شبه الجبس ده بس كان قطعه واحده مستطيله ومش مجوفه بطول 3ونص متر وعرض 2ونص متر

المشكله ان الجبس ده يظهر كان ثقيل جدا ومش مثبت بشكل كويس وابتدا يفصل
عارفين لما يكون فيه ورق لزق وبتحاولوا تشلوه من جنب واحد
ابتدا الجبس يفصل من ناحيه واحده
وبعدين وقع على الارض وده اللى عمل صوت القنبله

سؤالى ازاى الجبس بيتعلق بشكل اامن
لانى باذن الله هشطب شقتى قريب واتمنى باذن الله لايتكرر تانى ماحدث

وبعيدا عن الرعب اللى عشنا فيه والاثر النفى السيئ اللى تركه عند اولادى وخصوصا ابنى اللى تسبب له الحادث فى تلعثم بالكلام
طبعا الحمد لله ان الموضوع وصل لحد كده وبس وان محدش كان موجود فى الصاله وقتها
الف حمد وشكر لله الفضيل الرحيم

[Dreamer]

الحمد لله على سلامتكم اختي الفاضلة.........الله ستر و لطف.......موضوع مهم يتطلب القاء الضوء عليه لتفادي ما حصل لك...اتمنى اعادة طرحه في قسم الإستشارات فهو المكان المخصص له و ليكن العنوان و اضح و يعكس المضمون