أخيييرا.. مخطط $ بيت العمر$;للنقد و المناقشة... لا تخيبوا أملي يا رواد منتدانا الغالي

[محمد حلواني]

الاخت الكريمه رسيس
اعجبني كثيرا ردك التحليلي السابق وخصوصا فيما يتعلق بان المسكن صمم للاسرة بشكل رئيسي وللضيوف تاليا - وهذا هو الصح

منزل مبارك باذن الله

[deniz]

السلام عليكم عزيزتي
انا شويه كمان بحتاج ادرس التصميم و أرد عليكي،بس عموما أفكار الأخوه الكرام كللها في محللها، و كويس إنك بتسمعي كلامهم،لإني شايفه تحسن في التصميم،و بفهم إصرارك في موضوع أنا و عائلتي أول ثم الضيوف (مع أنه بانسبه لي راحه عائلتي و راحة ضيوفي متساويين في الأولويه)، كل واحد له وجهة نظر و أنتي واضح تبغي العملي و المريح ،لأنه التصميم بسيط يعني مش معققققد و هذا مش شي سلبي
بس يبغاله شويه لمسات بسيطه

[deniz]

أنا عموما مع الأخ ماجد المحمد في نقاط كثيره،يعني زي ما قلت من أول الجهه اليمنى بصراحه يبغالها تعديل . لأني بصراحه أنا كمان سويت المدخل من الموزع لغرفه الطعام ثم للصاله وأنا للأسف مني مرتاحه لهذا التصميم وللأسف تم التنفيذ،بس احنا أضطرينا لأنها المسافه عندنا أضيق من اللي عندك بكتير ،فا أنتي حاولي تستغلليها و يا ريت ألأخ ماجد يقدر يرسملنا و نشوف،بصراحه أنا من يومين بحاول أرسل تصحيحاتي بس مني قادره أحمل الصور

[deniz]

و على فكره ما رديتي على سؤالي الأول:ليش ركن الفطور ما يطل على الصاله
و شي تاني كمان في الدور الأرضي ما صار الحمام الله يعزك بعييييييييييد عن الجلسه؟و أنا مستغربه ليش أحد ما ذكر شي عن هذا الموضوع،ا خصوصا أتوقعت من ألأستاذ محمد نابلس تعليق ،لأنه قبل كده في مشاركه كان أنتقد أ حد من الأخوان في بعد المطبخ عن مجلس الرجال و لا سمح الله لو أحد أتشرق و وووو
يعني قصدي أحد من أولاد ضيوفك اللي في الصاله العائليه أنحصر أو أستفرغ كم متر حيمشي عشان يوصل هناك
هو بصراحه حاولت أنا أرسملك حمام قريب للصاله بس يبغاله تغيير جذري و هدا أكيد صعب،الله يعينك يبغاللك تنتبهي لوضع الأطفال

[deniz]

و على فكره ما رديتي على سؤالي الأول:ليش ركن الفطور ما يطل على الصاله
و شي تاني كمان :في الدور الأرضي ما صار الحمام الله يعزك بعييييييييييد عن الجلسه؟و أنا مستغربه ليش أحد ما ذكر شي عن هذا الموضوع،خصوصا أتوقعت من ألأستاذ محمد نابلس تعليق ،لأنه قبل كده في مشاركه كان أنتقد أ حد من الأخوان في بعد المطبخ عن مجلس الرجال و لا سمح الله لو أحد أتشرق و وووو........
يعني قصدي أحد من أولاد ضيوفك اللي في الصاله العائليه أنحصر أو أستفرغ كم متر حيمشي عشان يوصل هناك
هو بصراحه حاولت أنا أرسملك حمام قريب للصاله بس يبغاله تغيير جذري و هدا أكيد صعب،الله يعينك ،يبغاللك تنتبهي لوضع الأطفال و تطولي بالك

[deniz]

و على فكره ما رديتي على سؤالي الأول:ليش ركن الفطور ما يطل على الصاله
و شي تاني كمان :في الدور الأرضي ما صار الحمام الله يعزك بعييييييييييد عن الجلسه؟و أنا مستغربه ليش أحد ما ذكر شي عن هذا الموضوع،خصوصا أتوقعت من ألأستاذ محمد نابلس تعليق ،لأنه قبل كده في مشاركه كان أنتقد أ حد من الأخوان في بعد المطبخ عن مجلس الرجال و لا سمح الله لو أحد أتشرق و وووو........
يعني قصدي أحد من أولاد ضيوفك اللي في الصاله العائليه أنحصر أو أستفرغ كم متر حيمشي عشان يوصل هناك
هو بصراحه حاولت أنا أرسملك حمام قريب للصاله بس يبغاله تغيير جذري و هدا أكيد صعب،الله يعينك ،يبغاللك تنتبهي لوضع الأطفال و تطولي بالك

[deniz]

سؤال ثالث،هل أنتي بحاجه في الدور الأول إلى سيب بعرض 2,5 م يعني بسأل عندك غرَض معين؟يعني بإمكانك تكبير الغرف ،(طبعا الأعمده يبغالها إمكن تتزحف أو إتجاهها يتغير)
ملاحظه تانيه، غرفه الملابس تبع بناتك أكبربكتير من غرفه الملابس الرئيسيه و الحمام تبعهم كمان شكله أكبر من تبعك،أكيد لاحظتو هدا الشي، هل هو عايدي بالنسبه ليكي؟ (مجرد إستفسار)
في بعض الإخوه بيقولو خللي الغسيل و الكوي فوق أنا معاكي (أنا للأسف سويت فوق بس أنا كنت مضرره لأنه بيتي أصغر)‘لانه قد ما أقول للشغاله أكوي في الوقت ده و لا تكوي دحين تطللعللي ألف حجه و تختفي لساعات،حتى زوجي ما قدر عليها
بس إنتي حاولي توزعي غرفه نومك بشكل أفضل،لأنكم ما أعطيتو الخصوصيه اللازمه ،وخصوصا الغرفه تطل على المعيشة، والله غرف الأولاد و البنات لها خصوصيه أكتر
طفشتك معليش بس بعدين حكمل،بس بليز لا توزعو الأدوات الصحيه في الحمامات كما في التصميم،الأخوه الكرام أكيد حيساعدوكي انشالله
الله يسهل عليكي،و لا تستعجلي خذي أرآء الكل عشان ما تندمي زي

[رسيس]

السلام عليكم و رحمة الله و بركاته..
الأخ المهندس/محمد حلواني ...
شاكرة لك مرورك الكريم و تعليقك ... الله يرعاك..

الأخت الرائعة / deniz..
اولا انت لا طفشتيني و لا شب بالعكس يا حلوك و يا حلو اهتمامك اختي الكريمة.. يكفي اني كل ما ناقشت احد في التصميم تزداد قناعاتي في بعض الأمور و تتغير في بعضها..
ارد على استفساراتك واحد واحد..
1.موقع ركن الإفطار..
انا حطيتها على غرب المطبخ و طبعا لو تلاحظين ان جدار المطبخ المطل على الصالة ما فيه و لا فتحة ... لغرض الاستفادة من الجدار بحكم انه في وجه الداخل الى المنزل و يطل على الصالة التي قد تستخدم للضيوف كما ذكرت سابقا .. و علشان كذا ما حبيت انه يكون مكشوف و خليت الفتحة على جنب بحيث ممكن اكبر النافذة اللي موجودة هناك و احط حوض زراعة خارجي و يكون فيه جلسة صغيرة (محندقة) في تلك المنطقة المحصورة بين دورة المياه و المطبخ لمن اراد تناول وجبة خفيفة و خلافه مع ملاحظة :
*ان المكان الرئيسي لطعام العائلة هو في المنطقة المواجهة لمدخل العائلة.
* سيتم تركيب طاولة صغيرة على النافذة المطلة على ركن الإفطار للخدمة..
يمكن هرجي كثير.. اتمنى انه هذه الصورة توضح المقصود..


2. حمام الصالة..
تقولين بعيد.. يمكن معاك حق في هالنقطة .. لكن انا حبيت انه دورات المياه في االمنزل تكون فوق بعض لعدة اسباب منها المادي و منها الهندسي و راح يطول الهرج فيها .. لكن انا عندي نقطة وحدة بعد اذنك.. تقولين الطفل اذا انحصر وين يروح و الحمام بعيد.. معاك حق .. لكن و الله يا اختي انا الآن في شقة و لك ان تتخيلي المسافات في شقق هذه الأيام .. حبيبتي اذا الطفل انحصر اوبغى يرجع ( الله يعزك و يعز القراء الكرام) و الله ان يسويها و لو بينه و بين الحمام شبر ما عندهم سيطرة هالصغار و هذا اللي قاعد يصير معاي الآن..

3.غرف الملابس..
تقولين غرفة ملابس البنات.. و حمامهم اكبر من غرفة الملابس و حمام الغرفة الرئيسية.. معاك حق 100% تبغين تعرفين ليش انا سويت كذا اقولك..
* حمام البنات انا قسمته قسمين بناءا على اقتراحات الأخوة الأعضاء بحيث يكون 2*2 للحمام و باقي المساحة مغاسل خارجية .
اما بالنسبة لحمام غرفتي .. اعتقد ان حجمه مناسب خاصة اذا عرفتي اني ما راح احط جاكوزي بس بانيو عادي و كرسي واحد و مغسلة ( اعتقد يكفي).
* غرفة الملابس الرئيسية فقط لي و لأبو الشباب يعني كلها دولاب كبير لي و دولاب صغير له و تسريحة .. بينما غرفة الملابس للبنات تشمل ملابس( 3بنااااااااااااااات )لحد الآن يعني عليك الحساب للمساحة اللي راح يحتاجونها ( ملابس+احذية+تسريحة كبيييرة+ جلسة صغيرة ) خاصة اني ناوية احط في الزاوية اللي من بين دورة المياه و النافذة جلسة زي هذي ..


او هذي


ملاحظة / غرفة الملابس الرئيسية صار فيها تغيير بسيط.. تمت ازالة الباب و تحويله الى قوس في وسط الغرفة لأجل امكانية استغلال الزاوية .. و ذلك بعد فتح باب الحمام في الزاوية الجنوبية الشرقية.. كما اقترحوا الأخوة الأعضاء.

4. المممر المذكور ذي المساحة 2.5م .. تقولين انه كبير ..
معاك حق اختي الكريمة .. لكن شسوي اختك ما تحب الممرات و لا تدانيها بعيشة الله( تذكرني بالشقق ) علشان كذا خليته و اسع من اجل اتساع مساحة امتداد البصر .. ممكن احط فيه اي ديكور يعجبني و يناسب المكان بحيث ما يكون مجرد ممر ..و بعدين اعتقد ان مساحات غرف النوم جدا مناسبة اذا الدعوى (سرير+ طاولة جانبية + مكتب+جلسة صغيرة بجانب النافذة مثل هذه..


5. موقع غرفة النوم الرئيسية..
معاك حق ايضا 100% لكن اقولك ليش..
انا احب اكون قريبة من مدخل الدور الأول( الحين حنا شباب و بعدين الله يعين) .. بعدين علشان نكون مركز مراقبة للطالع و النازل من الدور و له اطلالة على المدخل الرئيسي للعائلة ..( متأثرة بالأفلام البوليسية يمكن) بس كذا اريح لي قلب و بال .. اما بالنسبة للخصوصية انا ما اشوف فيها مشكلة الا في حالة اذا كنت نايمة بعد الدوام .. او في الإجازات و العيال ( الله يهديهم )مسوين حفلة ازعاج برا( و هذا يصير يوميا) .. الله يعين على تركيب عازل الصوت ..

6. لا تخافين ما بعد وزعت قطع دورات المياه بانتظار رأيك و مشورتك..

رعاك الله ..

[deniz]

السلام عليكم عزيزتي
1 كويس وضحتيلي بالصوره ,لإنه كان قصدي صاله حلوه كده كان يبغالها طاوله طعام فخمه و مدام إنتي بتحطيه قبال المدخل حيكون حلو

2 بالنسبه لبعد الحمام الله يعزك صح إنك ما تقدري تصيطري على الصغار بس أنا أطفالي عانيت معاهم كتير بسبب الترجيع الله يعزك لين عمر متأخر فلو تشوفي الفوضى اللي بتصير لين ما أوديهم الحمام حتفهميني شويه (أسفين من المشاركين لكن هذه شويه أمور نسائيه و تعرفو كيف احنا ندقق فيها من ناحيه التنظيف)،بس أنا برضه قلتللك إنه للأسف ما عندك مساحه تحطي حمام قريب للصاله و اللا يبغاله تغيير كبير
3 بالنسبه لغرفه الملابس للي في غرفتك خلليه زي ماتبغي مادم بتقولي دولاب صغير لأبو الشباب (والله أنا عشان عندي ابو الشباب دولابه أكبر مني بكتيييير كبرنا شويه غلرفه الملابس و نفسي لو صممته اكبر بكتير عشان أحط التسريحه كمان فيها) و أنا عارفه اكيد طلبات بناتنا دي الأيام بالنسبه للشنط والجزم و الأكسسوارات وووو..
و على فكره المنطقه اللي فوق مدخل النساء بلكونه وللا مجرد سقف؟لإنه طبعا لو بلكونه ما تقدري تسوي هادي الجلسه .لإني أنا دائما حسبتها بلكونه و بقول ليش بلكونه في غرفه الملابس و اصريت تجيبي الغرفه التانيه مكان الملبس عشان تكون غرفه نوم ببلكونه او جلسه زي اللي بتفكري فيها في غرفه الملابس.

[deniz]

4-بانسبه للمر مادام تبغي تعملي ديكور حلو ،ممكن تعملي تجاويف في الجدار
5-اما بالنسبه لغرفة نومك أنا بصر إنك تخططي موزع في المدخل حتى لو صغير طبعا لو في إمكان.انا عندي فكره لو تحبيها ،تسوي شباك( فيله روشان) من الجدر يطل على المدخل والدرج، طبعا يبغاله توسيط في الجدار ،يعطيكي شكل جميل من الصاله ، ممكن تراقبي من هناك كمان (طبعا أكيد عندك فكره أو ديكور) بس مجرد شي حبيت أشاركك

يا اختي انا ما عندي لسع إقتراحاتعن دورات المياه،بس أبغى أقللك لو إنتي ما صممتيه يعني المهندس سواه كتصميم مبدئي،أستني اقتراحات الاساتذه الكرام كمان
والله يوفقك