احتاج مشورتكم في تأثيث صالتي-المدخل-ستارة مجلس الحريم(صور بالداخل)

[ليدي انا]

السلام عليكم ورحمة الله وبركاته


شقتي عباره عن ملحق مكون من غرفة نوم -غرفة تبديل ملابس-صالة جلوس -مجلس حريم- مجلس رجال-صاله -مطبخ وحمامين


انا بمرحلة تأثيث الآن والمتبقي عليا حاليا 3 اشياء ..

اولا .. المدخل ..

محتاره فيه ماادري فين احطو او فين مكانو الصح ؟ وافضل مداخل غير تقليديه
لان تقريبا بيتي اثاثه مودرن على تتشات كلاسيك بسيطه

ثانيا.. الصاله ..
فاضيه ومتردده احط طاولة طعام ولا افكار جديده تساعدوني فيها ؟

ثالثا .. مجلس الحريم

الستاره برضو مو عارفه ايش اختار . اللون محيرني اكثر والموديل اكثر واكثر

الصور



باب الشقه على اليسار والجدار الي قدامو بينهم تقريبا متر ونص يعني المساحه جدا ضيقه


على يسار مدخل الشقه يطل على الصاله مساحتها تقريبا 3 ×4 والشباك والباب يطلو على سطوح صغير
وعلى يمين الصاله مجلس الحريم


صوره الصاله من مجلس الحريم



مجلس الحريم الوانه فوشيا ورمادي واسود


صوره من الصاله على السيب ويظهر باب الشقه على اليمين



نهاية السيب ويظهر القسم ال2 من الشقه والي بيدخل على غرفة النوم وتبديل الملابس وصالة الجلوس والمطبخ ,, الجدار الي بالصوره الي يظهر عليه الإنتركوم ابغى فكره فيه بعد اذنكم على اساس مايكون كذا فاضي .. قدام الجدار حمام اكرمكم الله والمساحه بين الحمام والجدار تقريبا متر ونص الى مترين
ويعطيكم العافيه

[أم دحومي]

[align=center]
ربي يهنيك اختي في شقتك ومنزل مبارك يارب...

المدخل قدام الباب اعمليه مرايه كبيره وطويله السوق طلعت فيه أشكال حلوه مودرن وفخمه بنفس الوقت..

وممكن تفصلينها واللي أقصد مثل هالأشكال.....






وفالسوق أشكال برواز ساده ملبس بالجلد..

وبالنسبة للمدخل الصغير الي بعد القوس على يسار ممكن تضيفين قطعة أريكه صغيره وصندوق بنفس الوقت متوفره حاليا بسنتر بوينت..شكلها حلو..

بالنسبة للصاله أتفق معك على طاولة الأكل اذا كنتي في حاجه لها..

الستاره ممكن تعمليها رمادي ساده روماني وتحطين فوقها بعمود ثاني شرايح طويله باللون الفوشي والأسود أو الفوشي لوحده أرتب..

الجدار إلي عليه الأنتركوم ممكن تعملي فيه مرايات صغيره عشوائيه موجوده بإيكيا دوائر أو اي شكل يعجبك..
وممكن بدالها دولاب للتحف أو أرفف..

ويارب أفدتك بحاجه مناسبه...بالتوفيق عزيزتي
[/align]

[مهندسة جده]

مسا الخير

انا اقترح انه قدام الباب تحطي لوح زي دي او اي شكل تاني




المدخل مافي له مساحه كبيره ممكن تحطيه هنا او في التجويف المقابل



اما تصميمه
في كذا شكل عملي









او مثبت عالجدار
هو انسب حل لوحبيتي يكون المدخل قدام الباب


________

الجدار الي عند القسم التاني زي ماقالت ام دحومي وممكن تحطي اكسسوارات تانيه




او تعملي ايطار عريض جوته لوحه وعليها اضاءه او من غير ايطار زي كدا


لو في مجال تغيري في البويه عندك خيارات تانيه كتير

_______

مجلس الحريم
الستاره بتكون قماشها سادا لونين او لون (الوردي او الزيتي ودرجات الاخضر والبني والبيج والدهبي )

وموديلها





لان في كنب تحتها والشباك جاي عالطرف مو فوسط الجدار


او تكون ستاره عاديه



_____
الصاله
اذا ماتبغي تحطي طاولة سفره ممكن تحطي جلسه بسيطه كنب 3 اشخاص وكرسيين ودولاب

موفقه خيتو

[زخات مطر]

ماشاء الله
منزل مبارك تعمريه
بالطاعات
الاخوات الغاليات
ام دحومي
ومهندسة جدة
ماقصررروا الله يعطيهم العافية
كفوااا ووفواااا
بس في ملاحظة بسيطة
حاولي يكون اثاثك
لونه فاتح بيج مصفر
او ابيض
لان الشقة عندك مساحتها محدودة
والارض باركية غامق
وبالنسبة لديكورات الحوائط
كثري مرايات
لاعطاء الشعور بالسعة
والاضاءات بعد
ممكن عند الانتركوم
مرايا او عدة مرايات
باضاءات جانبية
او عدة اطارات
وموفقة يارب
ولاتنسي الاركان والزوايا الارضية
جمليها باحواض زرع
واجمل الاحواض باسعار مناسبة
تلاقينها لدى ساكو

[طير في قفص]

موفق بإذن الله ... لك مني أجمل تحية . موفق بإذن الله ... لك مني أجمل تحية . موفق بإذن الله ... لك مني أجمل تحية . موفق بإذن الله ... لك مني أجمل تحية .

[الأمير بــدر]

بالتوفيق لك و لغيرك
أنا بصراحة ذوقي ما يناسب الجميع
عندي أمور صغيرة أفضلها و بشدة على الأمور الكبيرة .