كيف اصحح ما اتلفه السباك ؟

[ام سادة مكة]

اخي الكريم ...وائل
اودان استفسر عن وضع السيفون بعد ما اغير هذا كله يعني ما اكسر واشيل واعيد بنائه من جديد فقط اكمل مكان لصيانة السيفون خارجية من ناحية الصالة هذا ما فهمته

[وائل سيف النصر]

اختى الغالية ام سادة مكة جزاكى الله خيرا لدعائك وجعلة الله فى ميزان حسناتك ولك مثلة
اولا اختى مافيش مشكلة باللنسبة للبانيو الكبير واضح انه مهم باللنسة ليكى جدا وطالما انك هتستغنى عن البدية ينفع يتركب البانيو الكبيرفى الناحية الاخرى يعنى مكان البدية فى الركن الاخر بس مش بانيو 1.50* 1.5 لانه هيبلع الحمام وهيكون شكله وحش عموما هعملك رسم تانى فيه البانيو مساحتة 1.25م زى ما انتى حطتية فى رسمك من الاول ولما توافقى علية ان شاء الله اعملك رسم للحوائط
ان شاء الله انتظرى منى الرسم غدا
اما عن الباب السحاب فلا بديل له نهائيا علشان التوسعة وعلشان موضوع الصيانة من الخلف ايضا ينفع تركيبة بعد ما ركبتى الحلق للباب الثابت _ بس للاسف لازم تخلعى السيفون تانى بالراحة
وتوسعى التكسير قليلا ثم تقومى بعمل فريم من الحديد وله كانات تدخل فى الحائط مثل بالظبط اللى عملتية للباب بحيث يمسك الطوب وتقومى بتليسه مع الحائط جيدا من الخارج هيكون شكله مثل الشباك وهيكون مخروم من الاسفل علشان ينفع تخرج منه مواسير المياه والصرف الخاصة بالسيفون بعد كده هترجعى تركبى السيفون فى نفس مكانه _ من الخلف هيكون مفتوح _ ومن ناحية الحمام
هتجيبى قطعة من مادة الكوريان وتفتحى فيها مكان ذر السيفون وتكون قياسها مثل قياس الفريم الحديد وبعد تركيب السيفون ينفع
تربطى هذه القطعة بحيث تكون بمثابة غطاء للسيفون ينفع نفكة عند الحاجة ولو لو نها مناسب للون ديكورك تتركيها كما هى وتكون مساوية للرخام او السيراميك بتاع الحائط ولو مش مناسب ممكن تلصقى عليها السيراميك بحيث يكون هناك فاصل طبعا حول القطعة
حتى تستطيعى فكها_
من الخلف علبة الباب السحاب هتقوم بالواجب
لو عندك صورة للبانيو المقترح ومقاسة حطيها
ارجوكى ما تتسرعيش وخليكى معايا واحده واحده علشان ما تغلطيش تانى والسباكة مافيهاش هذار واهم مكان فى البيت هو الحمام بنسمية فى مصر بيت الراحة
كمان لما نعتمد رسم هنبدا واحده واحده تعطينى صور للسيراميك بتاعك المقترح وابدا ارسملك انسب طريقة للتركيب
وفقك الله وبارك الله لكى فى بناءك وجعلة بيت الطاعة
اخوكى
وائل سيف النصر

[ام سادة مكة]

السلام عليكم ..
انا هعمل مثل ما قلت لي وابدء خطوة خطوة مع حضرتك
اول خطوة ما هي :

هل اقوم بأخراج السيفون اولا ً ؟
اذا كان الجواب صحيح ايش الخطوة اللي ممكن اعملها بعد كذاانا عاوزه الخطوات اللي اقدر اقوم فيها في نفس اليوم عشان تواجدي في العمارة واشرف على الوضع بنفسي بدل ما يتلاعب العمال في الوقت
طيب راح ارسم تصميم الحمامات الباقيه لانه عندي حمامات السيفون على الجدار اللي على الحوش .
هل اشيلها من مكانها واعمل لها الحلوق زي الابواب وارجع اركبها ثاني بس ام اجعل مكان الصيانة من الخلف ؟
اللي كنت تقصده الغطاء ما عرفت وين القى المادة اللي قلت عليها عشان تكون غطاء لانني اللي فهمت انها تكون مثل غطاء الطبلون حق عدد الكهرباء صح ؟
بأنتظارردك

[وائل سيف النصر]

اختى الغالية لو عايزة خطوات
1_ ارفعى مقاس السيفون لو العرض مثلا 45 سم اعملى فريم من الحديد الاول يكون مقاسة اكبر يعنى يكون 55سم وايضا الارتفاع
يكون اكبر 10 سم
لو عرض الحائط 20سم اعملى الفريم مقاسة 25سم
اعملى فيه كانات جانبية للتثبيت فى الحائط يمينا ويسارا
_ اعملى فية فتحات من اسفل لخروج مواسير تركيب السيفون
الحداد لازم يشوف السيفون علشان يعمل حاجة فى الفريم لتثبيت السيفون واعادة ربطة مرة اخرى اذا احتاجنا
2_ عندما تطمئنى لوجود الفريم ومواصفاته اذهبى لخلع السيفون
ولكن بحذر وعناية
3_قومى بتوسيع التكسير حسب مقاسات الفريم ولو امكن يكون التوسيع عن طريق قطع الطوب بماكينة اليد _الصاروخ _ او الامون كما يطلقون عليه هنا بالمملكة المغربية
4_ قومى بتثبيت الفريم الحديد بحيث يكون من الخارج مساوا للتليس
5_قومى بتقفيل الفتحات الناتجة عن التكسير واقفلى كل الفتحات بالمونة الاسمنتية ولو هناك فتحات كبير ضيفى الحصا الرفيع الى المونه مع اضافة ايا من المواد اللاصقة الى الاسمنت
6_عند التاكد من جفاف الاسمنت وبعد رشة بالماء لعدة ايام قومى بتثبيت السيفون
طبعا قبل تثبيت الفريم_يفضل عمل الفريم الحديد من الحديد المجلفن يعنى المطلى اليا بمادة ضد الصدا او دهانه بمادة واقية من الصدا مثل البرايمر
7 _ عرفينى هتركبى ايه فى الحائط السيراميك ام الرخام وانا هتابعك بعد ما تثبتى السيفون واكملك بشرط وضع صور بما يجد عندك باستمرار

[وائل سيف النصر]

السلام عليكم اختى معلش الرسم مقلوب المهم الرسم ده قد يكون غريب عليكى شوية والغريب اللى فيه او الجديد
1_الباب السحاب وطبعا اتكلمنا عنه من قبل

2_كمان الجديد البانيو هيكون مرتفع عن الارض مسافة واحد متر تقريبا هنعمل
3_ المغسلة هتكون مطلة على البانيو يعنى اللى بيغسل يده او بيستخدم المغسلة ممكن يشوف اللى فى البانيو وده جميل لو البانيو ده بتاع غرفة النوم بتصعد كم درجة للوصول الى البانيو المرتفع والدى يعطى شكل السرير المعلق كمان ممكن نعمل شلال مياه يرمى بماوءة فى البانيو من الركن
دى كلها اقتراحات للتميز ادرسيها كويس وممكن احطلك صور لحمامات منفذها قريبة من هذا التصميم لتريها فى شكلها النهائى
واى شىء تحت امرك وان شاء الله معكى للناهية ان اعطانى الله العمر
وائل سيف النصر

[وائل سيف النصر]

هذه صورة احد المغاسل وضع على طاولة من الرخام اسمحيلى لو الصور مش واضحة قوى لانها صور بالجوال

[وائل سيف النصر]

هنا صورة توضح الكابينة التى قمت برسمها لكى هى نفس الفكرة مع اختلاف بان الكابينة التى رسمتها لكى كابينة زاوية وهيكون مبنى منها جزء هنقوم بتركيب الحائط علية وباين كيف نصعد للكابينة بدرجة سلم جميلة وداخل الشاور يوجد جلسة للجلوس عليها اثناء الاستحمام والديكور الجبسى الدى ياخد نفس شكل الارض بالاضاءة علية

[وائل سيف النصر]

اما هنا فالبانيو مميز جدا وكبير هو بانيو جاكوزى ومن الحائط تخرج المياه لتنساب الى حوض البانيو الدى يشبة المسبح والدى نصعد لع بدرجات مثلما رسمت لكى فى اخر اقتراح

[وائل سيف النصر]

هنا نفس فكرة ارتفاع البانيو الاخيرة مسافة متر عن الارض والصعود لها بدرج جانبى مثلما وضحت لكى فى اخر رسم كروكى

[وائل سيف النصر]

اما هذا الحمام الذى صنع من الرخام الابيض الايطالى ونحتت اعمدته من الرخام الطبيعى ونحت البانيو بتاعة من نفس الرخام الابيض وهنا تظهر مصدر المياة بتاع البانيو وقد خرج المصدر من فم الاسد كدلك وقفت الاعمدة لتشهد على براعة صناعة الرخام والدقة والروعة والتميز والصورة المقبلة تجدى مغسلة نفس الحمام