يا .. [you] .. يوميات مرهقه تعانون منها أثناء البناء والتشطيب ( موضوع تفاعلي)

[أم فلوحي]

اقول شنو ناقصني نسيت اقول شئ


البارحة ابو العيال يبي يقنعني بعد ماتفقنا مع المهندس يكون ارتفاع السقف مع الصبة السقف 4.40 متر

قال الدور الأول نغيير الإرتفاع ونخليه 4 متر مع الصبة الغرف مالها داعي تكون اسقفها مرتفعه

يعني بيكون 3.60

وراح ينزل مع التكييف المركزي والجبس

وايضا دفان الأرض والبلاط


الصافي اقل من 3 متر



وكان ابو العيال

في السيارة يحاول يقنعني وانا مومقتنعه ابي الارتفاع متساوي مع الدورين




اشرايكم؟؟؟؟؟؟؟؟؟؟؟؟؟؟؟؟

[@سفريات@]

هلا والله بالجميع

أم فلوحي
ماشاء الله القبة مره كبيره بس الثريا ضايعه فيها


على طاري الصور الملطوشة كل مادخلت بيت معروض للبيع أبي ألطش لكم صور لكن رافض رفضاً تام

شفت لك قصر حاط مدخل الرجال ومدخل النساء كل واحد وش كبره ماشاء الله مو مدخل صاله ماشاء الله وحاط المدخلين مفتوحات على الدور الثاني
وكل واحد حاط فيه قبة

[أم فلوحي]

سفريات شنو هذا ولا صورة



قولولي شاسوي بالإرتفاع احترت؟؟؟؟؟؟؟؟؟؟؟؟؟؟؟

[@سفريات@]

أم فلوحي

الإرتفاع حلو <<< بس بعد الإرتفاع الزايد مو حلو خصوصاً إذا كانت الغرف مو كبيرة مرة
أنا قلت للمهندس أبي إرتفاع السقف صافي بعد التمديدات والجبس 3,20 وكامل إرتفاع السقف 4م
لان بيتي الحالي كذا إرتفاع السقف ومره مناسب وعاجبني وكل الدورين بنفس الإرتفاع 4م

وفعلاً كلام زوجك صحيح مو حلو يكون سقف الغرف مرتفع بس مو أقل من 3,20 صافي بعد التمديدات والجبس

[أم فلوحي]

المشاركة الأصلية كتبت بواسطة @سفريات@

أم فلوحي

الإرتفاع حلو <<< بس بعد الإرتفاع الزايد مو حلو خصوصاً إذا كانت الغرف مو كبيرة مرة
أنا قلت للمهندس أبي إرتفاع السقف صافي بعد التمديدات والجبس 3,20 وكامل إرتفاع السقف 4م
لان بيتي الحالي كذا إرتفاع السقف ومره مناسب وعاجبني وكل الدورين بنفس الإرتفاع 4م

وفعلاً كلام زوجك صحيح مو حلو يكون سقف الغرف مرتفع بس مو أقل من 3,20 صافي بعد التمديدات والجبس

مشكوره عزيزتي

انا حسبتها 4.40

0.40 صبة السقف
0.70 الدكت للتكييف والجبس
0.15 البلاط والدفان

الصافي
3.15

الغرف 5*5
ماعدا غرفتي 8*8

[@سفريات@]

أم فلوحي

شوفي هذا كلام المهندس أدهم في موضوع لي عن إرتفاع السقف وكنت أبيه في حدود 315:

ارتفاع السقف الجبسي 315سم صافي

ارتفاع حيز التكييف المركزي : يعتمد على تصميم المكيف ومجاري الهواء .. لكن تقريبيا يمكنك اعتباره من 30 - 40 سم

ارتفاع الجسر الخرساني : 40سم تقريبا وهذا يمكن الحصول عليه بدقه بعد عملية التصميم الإنشائي للمنزل



طبعا هذا الارتفاع مأخوذا من سطح بلاط الغرف وليس من سطح الصبه الخرسانيه أسفله .. لو أردنا معرفة كامل الارتفاع من سطح الصبه الى أسفل السقف الخرساني فعلينا اضافة مقدار 10سم وهو مقدار الدفان والرمل والمونه للبلاط


اجمالي ارتفاع السقف الخرساني : 315 + (30-40) + 40 + 10 = 395 / 405 سم

وهذا رابط الموضوع

http://www.almuhands.org/forum/showthread.php?t=99632

[دارالزوال]

هلا والله بالجميع ...

وأن شاء الله تسكنون منازلكم ..على خير وبركه

وبلنسبه لمسالة الرضاء..عن البناء والنتيجه المرجوه منه ماراح تكون100%100 مستحيل!!!!!!
لان مافيه شي بها الدنيا كامل ابد... وان اجتهدنا وتعبنا...وطبيعة النفس البشريه متغيره باستمرارلكن من المهم حصولي على جميع متطلباتي وتلبية رغبات اسرتي في ضل امكانياتي الماديه..

فلوحي.. سفريات

ماشاءالله عليكم تلفون وتاخذون جولات على الفلل ..

أكيد بتتكون لكم كذا فكره وبتتوسع مداركم

بالنسبه لي ماقد حصل واني دخلت منزل لهذا الغرض ابد..

فياله لاتحرمونا من جولاتكم وكاميراتكم...

مع تمنياتي للجميع بتحقيق أمنياتهم ونيل أهدافهم

[دارالزوال]

هلا ام فلوحي ...
ماشاء الله سفريات ماقصرت الله يقويها ويجعل جهدها في بيتها مايضيع ابد وتحصل على مرادها...

وانااشوف ارتفاع 3,15 م كافي جدالاني بطبعي ماحب الاسقف العاليه
وفعلا المساحه هي اللي تحكم ..
الا على طاري المهندس أدهـــــــم /وينه من مده مب موجود
فقدنا مداخلاته
ان شاء الله يكون المانع خير

[ديكور قطر]

ام فلوحي..انا رأيي من رأي زوجك..
ترى حلوو لما يكون السقف مرتفع في الصالات والمجالس المداخل
والابواب تكون كبيرة ومقوسة والستائر طويلة ولما تحبين تعملين قبب فيه مجال..
حلو في غرف النوم ..لكن لو التكلفة مرتفعة ..وفري المبلغ للديكورات لان التشطيب مكلف جدااااااا
انا بصراحة رفعت سقف الدور الارضي فقط لان عندي جلسة مرتفعه
وكلف علي مايقارب 10 الاف ريال زياده
وبالتوفيق

[دحيم بيه]

موضوع شيق
صدقوني على كثر ماقريت في المنتدى
ماقدرت اعمل شيء
كل شيء عندي امشيه على خبرة الناس

موفقين