[فيونكه]

إختي الغاليه أم نور مثل ما قالتلك الأخت أم سيدوه
بإنك تبعدين الكنب عن الجدار بس لا تحطي شي بين الستاره والكنب
زي ما قالت الأخت أم سدوه بإنك تحطي دولاب للكتب لأن هذا خطأ في الديكور كنت تقدري تفصلي بين الكنب والجدار وتحطي دولاب
أو حتى تلزقي الكنب في الجدار لو ما كان فيه
شباك بس بسبب وجود الشباك لازم تبعدي الكنب عنه على الأقل
واحد قدم يعني تقريبا 30سم هذي قاعدة ثابته في أسس التصميم الداخلي
وكمان لاحظت إن اللوحات في الجدار موضوعه بدون دراسه لأنها مرره
صغيره وضايعه في الجدار لو تخليها مجموعه مع بعض في واحد من
الجدران يكون أفضل ولو تتبعي النمط الريفي لأن كراسي الصفره تابعه
للريف الأمريكي القديم والكنب مهو رسمي تقدري تضيفي على الديكور
إكسسوارت توحي بالريف والمدخل للشقه هذا أكثر شي لازم تهتمي فيه
لأنه أول شيء يشوفه الضيف في بيتك حاولي تغيري الدولاب بدولاب
يكون أعلاه فيه رفوف ويكون الدولاب من الخشب وممكن تستعيني
بنجار يصنعه لك راح تكون تكلفته أقل ورسام يرسملك عليه رسومات
توحي بالريف وعلى الرفوف ممكن تحطي إكسسوارات أما المطبخ
لاحظت إن الأسلاك ظاهره وهذا مو حلو ممكن تحطي لوحه أو رفوف
وعليها إكسسوارات خاصه بالمطبخ مع زريعه أي شيء يحلي المكان والسجاده إللي إنتي حطيتيها عند المدخل كبيره الأفضل لوتكون سجاده صغيره وتخلي هذي الكبيره تحت المجلس هذا رأي إن شاء الله يعجبك والله يخليلك نور تجنن..