[*وسن*]

المشاركة الأصلية كتبت بواسطة علياء0

والحين تراك شوقتيني أشوف بيتك

حطي لنا صور .. خل نشوف ونقول لك كبير وإلا لا (:

هذي مشكلتي اني ما اعرف احط صور علميني وابشري انزلك صورة البيت

تروحين موقع لرفع الصور ومنها هذا الموقع

http://www.almuhands.org/upload_muhands/index.php

ثم ترفعين الصورة عن طريق ضغط كلمة browse تجدينها أمام مربع فارغ

ثم تضغطين زر الـ uploud

ثم سترفع الصورة .. عندها تاخذين عنوانها عن طريق الكليك اليمين وتضغطين اختيار copy ..

ثم تأتين هنا في الموضوع وتضغطين الكليك اليمين ثم تضغطين اختيار paste

عاد لا تقولين صعب

المشاركة الأصلية كتبت بواسطة ام ارين

عندنا مبلغ انا وزوجي ومحتارين نشتري فيلا جاهزه ولا نبني ؟؟انا أقول نشتري ارض ونبني وهو يقول البناء تعب وعوار راس ماله خلق .....

ياليت تخدميني و تقوليلي كم تكلف فلتكم عظم ؟؟ ولو بالتقريب

وان شاء الله تسكنونه بالعافية..

من ناحية متعب و عوار راس ..

فهو صادق

بس النتيجة أتوقع إن شاء الله مرضية أكثر من الجاهز

بس لازم تكونون مستعدين ورايقين للعمار

والكلفة والله ياغالية والله ما أعرفها

وأخاف اسأل أبونا ..

يقعد يحسّب ويراجع نفسه ويلاقي إنه صارف واجد ..
فتجي على راسي
ويقتّر بالمراحل المتبقية

إذا قضينا مرة مرة بسأله خخخخ

المشاركة الأصلية كتبت بواسطة المتأنقة

ماشاء الله عليك وسن والله انتي مره ذوق . . توزيع ناجح للفراغات من النواحي المعمارية والانشائية والجمالية . . بديت أفكر فعلا في إطلاعك على تصميمي واشوف رايك فيه . . كم مساحة الأرض عندك فوق ال 1500 والا أقل أو أكثر ؟

الله

ترى انتفخ راسي يالمتأنقة

يالله عطين المخطط خل أشوف <--- صدّقت

أرضنا 2500 بس صغرنا الفيللا نفسها بالنسبة للبيت

تقريبا 650
على ثلاثة أدوار
وفعلا يا المتأنقة
ما أحب أي مساحة مالها داعي وماتخدم أهل البيت
حتى المجلس و سفرة الأكل , تعبت أفكر كم أعطيها من المساحة
لأني يتنازعني رغبتين ..
الأولى كبر مرافق البيت المستخدمة بشكل يومي

والثانية فخامة قسم الضيافة (مجلس/سفرة أكل) عن طريق تكبيره

وتعبت واستشرت لين وصلت لمساحة متوسطة بين الرغبتين

وحتى واحد من أسباب تعديل الماستر سويت

إن فيه موزع كبير وماله داعي

الله يمهلنا وأياكم يالمتانقة مهال الصالحين