هلا وغلا ام حسام
من الاخطاء اللي ارتكبتها في مطبخي
١- اخترت الدواليب اللي فوق صغيرة ... وانا مطبخي صغير ... المفروض اختار دواليب اكبر << مرتفعة للاعلى
٢- سويت دواليب للارز والسكر ... ما كانت عملية ابدا ... حجمة صغير على الكيس الكبير ... وكبير على الكيس الصغير
بعد مدة غيرتة لدولاب عادي
٣- في المخطط كان مكان الفرن على جدار الحوش علشان الشفاط ... لكن محل المطابخ حط مكان الفرن بالجهه المقابلة لموقع الفرن بالمخطط ... و لما نبهته ... كثر علي الكلام ان هذا الموقع المناسب ... طيب والشفاط ؟! قالي راح اعطيك شفاط فلتر هدية و بالمقابل حطي مروحة شفط ... واقنعني مع الاسف بكلامه ... والله ان شفاطة الفلتر ما يسوى ريال فاااشل ... ومروحة الشفط تشتغل ولا كانها تشغل لانها بعيدة عن الفرن
من الاشياء الايجابية اللي ان شاء الله بكررها بطبخي القادم
١- سويت رفوف يمين الفرن ويساره للبهارات ... وكانت جدا عمليه لسهولة استخدامها للبهارات المستخدمة بشكل يومي
٢- سويت دولاب للصوواني ودولاب للصحون الكبيرة حقت الرز ... وكانت عملية جدا ...توضع بشكل طولي ... اذا بغيتها سحبتها بسهولة ... احسن من الدولاب العادي اللي تكون فوق بعض
٣- سطح المطبخ عندي ماهو رخام ... مادة ثانية ... يمكن رخام صناعي او له اسم ثاني ... هو مفصلينه على مقاس الدواليب وعند التقاء الزوايا ... يجيبون مادة سائلة نفس المادة المصنوع منها السطح ... يضعونها بين الطرفين ... ولما تنشف يصنفرونها ... ويصبح سطح الدواليب قطعة واحدة ... وما يبان ابدا ... المغسلة مصبوبة من نفس المادة
والسطح هذا جدا راااائع وقوي ... ولم يتخدش ... واذكر انه عليه ضمان اعتقد ١٠ سنين ... ومطبخي له هالحين حوالي ١٣ سنة وكانه جديد ما شاء اللة
٤- بين المغاسل ... مغسلة صغنونة للصابون ... جدا عملية
هذا من واقع تجربة
بالنسبة لوضع البصل والبطاط بالدولاب ... ما هي عملية ابدا ... وانا ما راح اسويها ... لانهم بيخربون بسرعة ... والبصل بتصير ريحته قوية جدا
وبالتوفيق ان شاء الله