[أم دحومي]

مرحبا بك اختي ساميه..
يمكن افيدك في بعض الاسئله..
لكن قبل كل شي يرجع لذوقك الشخصي في نوعية الغرفة..هل تحبينها ملونه ومبهجه او تحبينها هادئه ورسميه..
من ناحية توزيع الأثاث انتبهي من وضع السرير تحت الشباك او المكيف لأن هالشي مضر بصحة طفلك من ناحية تسرب الغبار والهواء في الشتاء..

وممكن من ناحية الأرضيه اذا بتعملينها موكيت سوي مثلي اخترت ثلاث الوان من موكيت المكرونه وبره عالي وناعم جدا حددت اللون (سماوي,أورنجي,فوشي غامق)<<غرفة جماعية لولدي وبنتي
وسوينا تقطيع للألوان بالطول بالتساوي ولله الحمد تكللت العملية بنجاح^_^ والكل أثنى عليها..

الجدران,الكثير حذرونا من الورق في غرف الأطفال لأنه عارفه فيهم شقاوة مايخلون شي..فالأفضل بويه ملونه بتناسق مع ربع لمعه لسهولة التنظيف..بالرغم اني شفت اشكال ورق خيااال لكن خليها على ربك..
ألوان البويه:
كل الألوان مناسبه حتى الفوشي لما يدخل بشكل بسيط عادي ولو انها غرفة ولاديه..
تقدرين تسوين جدار واحد مربعات ملونه عشوائي(تفاحي, مشمشي,فوشي,سماوي)
وباقي الجدران لون واحد ساده ليموني او مشمشي فاااتح او تفاحي ..

عن نفسي سويت جدار ولدي سماوي ومحدد بإيطار تفاحي وجدارين ليموني وجدار بنتي فوشي محدد بمشمشي..السقف أبيض عشان يعطي اتساع للغرفه..

وانتبهي من اللون الغامق جدا مع لمعه كامله راح يعطيك انطباع للجدار انه بيطيح عليك..

أتمنى افدتك لو بشيء بسيط..موفقه..