السلام عليكم اخى الحبيب
طبعا النظام الذى اتبعتة فى البناء هو نظام الحوائط الحاملة وهذا النظام
متبع وسائد فى معظم البلدان العربية حتى الان ولكنه له شروط
اولا _ يجب ان يكون اعمدة من الطوب ايا كان نوع الطوب المستخدم فى البناء
ذلك لان الاعمدة بتعمل عملية ربط البناء ببعضه وممكن كمان فوقها تعمل السقف من الخرسانه المسلحة بشرط انك تنزل بالخرسانه المسلحة على الحوائط مسافة لاتقل عن 40سم وهى بتكون عبارة عن جسور خرسانيه مسلحة بتساعد فى حمل السقف وتوزيع الحمل على الحوائط
عمل ميده من الخرسانه العاديه اذا كانت التربه صلبه تحت حوائط كل الغرف بعض 40سم وبسمك لا يقل عن 20 سم
او عمل ميده مسلحة تحت كل الغرف اذا كانت التربة طينيه او طفليه ايضا
بالنسبة للميده اللى حضرتك تفضلت بعملها عل شكل مربع يعنى على محيط
المبنى من الخارج لا تكفى بالمرة
الا اذا كنت حضرتك بتبنى على تربة صخرية
اخر كلامى عن رايى
رايى طبعا الاول هو ازالة المبنى واعادة بناءة من جديد بالطريقة الصحيحة لان مبنى بهذا الشكل اكيد فيه كمان اخطاء فى طريقة البناء وطريقة ربط الطوب ببعض
اما اخى ان كان ردى هذا لا يناسب امكانياتك الحاليه
فانا ارى انك تقوم بعمل صبه من الخرسانه العادية للارضية بسمك لا يقل عن 10سم وذلك بعد محاولة دك الردم قبل عملية الصب ورشة بالماء جيدا حتى يتوغل الردم بين الطوب
هذه الخرسانه هتعمل عملية تثبيت للتربة نوع ما ويصلح ان تعمل البلاط عليها دون هبوط
كذلك اذا امكانياتك تسمح بعمل حزام للمنزل من الخارج بارتفاع لايقل عن 50سم وبعرض 40سم يكون حزام يربط البيت من الخارج
بعد كده اخى الحبيب اى استفسار تحت امرك
ومعاك فى اى شىء لك ارق تحياتى
وائل سيف النصر