[*وسن*]

اوكي اخوي اقتنعت برفعها درجة

بس أنا طمنتك إن زوجي -موسوس- بالصيانة والأمان من حيث الغرق بمياه الأمطار
قال إذا بتحطين ثيل حطيه هنا
أما بقية البيت قال حاولي تخلينه لاند سكيب بس لأن الري مكلف
(على أساس كنت أبي الحوش كله ثيل مبلط) ..
فطالما إنها هي المنطقة المسموحة ليه ما أزرعها حسب المستطاع ؟
طبعا أنا ماحب أعاند الخبراء ..
يعني إذا لك وجهة نظر ثانية غير الري لأني لما قريت لزوجي ردك بخصوص نظام الري ..
قال لاتخافين حنا عملنا الطريقتين اللي أشار لها يعني ماخذين احتيطاتنا
(يعمل في المقاولات بس كملبسات موب فلل)
يعني من النوع اللي دائما ما يعمل احتياطات مضاعفة ..
يعني لما نبهته لكلامك قال ابد ابد لا تشيلين هم
(واضح إنه مركز بسالفة التصريف)

عموما ..
بسوي طريقتك لكن بسوي ثيل حسب المستطاع ..
عشان لو واجهتنا مشكلة بالتصريف وإلا نقدر نلغيه
أحسن من إننا نبدا بلاط بعدين نفكر نزرعه

و أخوي بوريك شي ثاني بالبيت بعد محيرنا

بيتي ماخذه صورة واجهته من كتالوج

والأبواب فيه متساوية مقاس البوابة عادي
وحبيت إنه مايكون تقليدي كما في كثير من البيوت أن بوابة الفيلا تكون كبيرة

اللي حصل إنه لما تنفذ طلع مرة صغير الباب الواحد 116سم
قمنا ووسعنا الباب لأن كثير عابوا علينا صغر الباب
رغم اعجابنا بالديزاين بس خفنا نعاند لأن أحد هذه الآراء شخصين بروفشنال

اللي صار إننا لما وسعنا الباب الأوسط اضطرينا ننحف الاعمدة المحيطة بالباب
والمفروض أن تكون بنفس عرض بعض

الحين زوجي رجع يقول ليتنا ما كبرنا الباب وحافظنا على الواجهة اللي ببالنا
قلت له إحنا فيها .. لأن الاعمدة تكلفة الواحد 800 ريال يعني 3 الالاف و ستمية
والباب الألمونتال لسه ما توصى عليه يعني مافيه خسارة كبيرة
تبي نرجعه لمقاسه الأصلي 116 سم .. نرجعه
قام احتار و حيرني معاه

وش رايكم أخوي مدينة الخبر خاصة وبقية خواني و خواتي عامة بهالجزأية ؟

هذه الصور

هذه صورة البيت اللي بنحاول نقلده قدر الإمكان من الكاتلوج

الباب الأوسط هو اللي أحكي عنه
وللتنويه
الشبابيك اللي الغيناهم بنحط عليهم شبابيك قزاز مثل أخواتها
بس بتكون مصمتة من جوا