هلا اختى شوفي حبيبتى المنتدى هذا اوقفله واضربله تحيه بجد اقولها وانا ما الومك بحبك لهذى المنتدى
وبالنسبه لسؤالك شوفي حبيبتى رغم ان الفكره هذي مخصصتها لي بس جدارك او سقفك خلانى اعطيك الفكره واحنا هنا لتبادل الافكار والفائده
شوفي وعلى فكره مرره حلو السقف لان فيه نوع من التغير بالاسقف الى تشوفيه بالبيوت بالعكس هذي ميزه للمجلس افرحى فيها ووظيفها بطريقه حلوه
عندك حلين ولك الخيار
الحل الاول 1-انتى قلتى الديكور بيكون الكلاسيك الحديث طيب نجى للفكره انتى سقفك مثل الهرم صح طيب يالغاليه خلي الطابع فرعونى بس بطريقه مبتكره وطريقه راقيه ويكون المجلس لمسات بسيطه من الطابع الفرعونى بشكل بسيط انتبهى بشكل بسيط بمعنى رتوش
الجدران مثلا لون اف وايت وتجيبي الحجر المودرن المسطح مربع جاهز تلقيه بالمحلات يكون لون اما جملي او لون رمادى على اسود يعنى فيرانى وينحفر عليه كتابات فرعونيه واذا ما امكن اكتفي بالحجر المسطح وضعيه على اطراف الباب
واعملي حزام على الغرفه بس يكون الحزام مو بالوسط لا انزلي اشوي عن الوسط خلاص
طيب نجى للون الى تحت الحزام اما تختاري اللون الاحمر التوتى الباهت او ترابي غامق ممكن تقى لو بالرياض انا شفته مررره روعه ورق جدران عليه رسومات فرعونيه مرررره حلو لو تبي ادلك على المحل تامرين
نجى الحين للكنب والطاولات خذيها ناعمه واكيد مودرن وحطي عليها مخدات عليها النقوش الفرعونيه بس ها ه انتبهى اختيار الاقمشه الجديده والغريبه عشان مايصير معروف ويعطي فخامه وحداثه بالمجلس يعنى لو اخترتي الكنب اف وايت حطي المخدات الالوان الاحمر الغامق والفيرانى وترابي والاسود والابيض ممكن تدخلى الذهبي طبعا ممزوجه مع بعض وممكن كم وحده لون ساده
نجى للطاولات الى بالوسط تكون خشب اغمق درجات البنى الى مائل على اسود وياليت تكون مودرن والارجل فيها نوع من الغرابه مثلا ارجل اسد او على شكل مكعبات فوق بعض من الاكبر الى الاصغر ولو دخلتى الذهبي ممكن الطاوله تكون ذهبي مطفي طبعا ديزاينها مودرن
طبعا عامل التحف الى فوق الطاوله هو هنا المهم يعنى تحطي تحف فرعونيه ابو الهول او هرم بجانبه دوائر او المكعبات
هذي صوره مصغره للفكره ومثال انتى ممكن تبدعي انا اعطيتك الهام وانتى المبدعه
نجي للسقف >>>توك تتكلمى عليه ههههه طولت الاخت
بس بالديكور كله مكمل بعضه
انا شفت بمحلات الجبس اشكال للرسوم الفرعونيه حتى بعضها اشكال هندسيه بس ممكن تتدرج تحت الفرعونى لو حطيتى الطابع فرعونى توحى بانها فرعونيه طيب وين انحط الجبس سهله في بدايت الهرم بشكل برواز
طبعا الاضاءة لها دور كبير
انتهت الفكره الاولى اتمنى انك فهمتيها وانا ضد انها تكون فرعونيه بالكامل انا هدفي رتوش فرعونيه هنا تجى الفكره احلى
الفكره 2- اللعب بيكون بالاضاءه يعنى تخيلي السقف هرم ومشطوف راسه
عند بداية الهرم كل 20 سم حطي اضاءه موجه بداخل الهرم ولك التخيل
راح تكون وانتى جالسه بالمجلس كانها خطوط ضوئيه متجهه لراس الهرم
هذي بعض الافكار لعل وعسى تنال اعجابك يا اختى
واسفه اذا طولت بس الهدف انى اوصلك المعلومه