[الفهده]

المشاركة الأصلية كتبت بواسطة (ام سلطان)

تصدقين يا ام حسام ... عندي خطا فادح بمطبخي الحالي
مطبخي طولة ٦ * ٤ ... العرض ٤ فيها الشباك ومكيف
لما جاء عامل المطابخ ياخذ المقاسات ... قال لنا غيرو مكان المكيف لانه بيشوه منظر المطبخ ... وما تقدرين تسوين زاويتين
قلتله باكتفي بزاوية ... قالي لا لا بيكون منظر المطبخ بشع ... واقترح علينا نحطه فوق الباب اللي يطلع للحوش
انا ما اقتنعت لانه بهالمكان ما راح يبرد ... اولا لانه مرتفع ... ثانيا قباله باب مدخل المطبخ
لما يكون باب المطبخ مفتوح البراد كله يطلع للصالة ... واقنع زوجي ... وكل العاده (( انتي منتي ابخص منهم ))

ولما سكنا ... والله المكيف يشتغل ... ولا كانه يشتغل ... لدرجة ركبنا مروحة




والمشكلة تتكرر حاليا ... حنا هالحين في اللمسات الاخيرة لمخطط فلتنا الجديدة (لما يجهز بنزله هنا وآخذ رايكم فيه)
والطامة الكبرى ... مطبخ الفيلا الجديدة نفس قياس مطبخي الحالي ... فالبداية لم اكترث لاننا بنسوي تكييف مركزي
لكن بعد نصيحة مهندسنا القدير مدينة الخير ...بتركيب للمطبخ مكيف شباك احترت ... وهذه تتكرر المشكلة

احيانا افكر اصغر ارتفاع شباك المطبخ واحط المكيف فوقة ... او اسوي شباكين صغار بالعرض واحط المكيف بينهم

شوروا علي تكفون
المخطط انا اللي مصممتة ... مو انزله وتسبونه ... تكفون اذا مو زين قولوا لي بحنية وعلى الخاص ... تراني حساسة

اجل باحاول ماشوف مخططك لاني من النوع يصمخها ..... وبنصف الجبهه

بس باقول تجربتي قبل ماغمض عيوني
جربت مكيف الصحراوي والسبيليت والشباك في المطبخ
الشباك لا يطاق من ازعاجة ومايبرد ابدا هذا غير شكله الغير مقبول .
وبعد مارممت المطبخ دمجت الكاسيت مع صحراوي بصراحه روعة وفي الغالب بس على الصحراوي يعطيك طراوه وبروده حلوه والكاسيت نادر ماحتاجه ( مطبخي له باب على الحوش )
طبعا الصحراوي مخفي عشان مايشوه لك ديكور المطبخ